Daniel 4:9 - AHYERƐLƐ KRONGRON

⁹ “O Beltesasa, ngonyaayelɛfoɛ panyi, mese kyɛ nyameɛ krongron mɔ bɛ sunzum wɔ wɔ nu, yeɛ mvealeɛ nu dwirɛ biala mmo w’adwene so, yiti kã me laleɛ bɔ ngyene ne kyire me, ná kyire me ye bo.

Daniel 4:9 Iomraidhean Croise

Gyenesise 41:38

Yeɛ Faro bisale ye mbanyi nemɔ kyɛ, “Aso yɛkonya sona bɔ ɔte sɔa bɔ Nyameɛ Sunzum te ye nu ɔ?”

Yesaya 33:18

Na w’adwene kɔdwene nningyein suronyisuronyi nwo kyɛ, “Sona bɔ odide ndɔ ne, ɔwɔ nisua? Sona bɔ né ɔkari ɛtoɔ sikaa ne, ɔwɔ nisua? Sona bɔ né ɔka abandenden nemɔ ne, ɔwɔ nisua?”

Yesaya 54:14

Wɔ bo kotindim wɔ tenenee nu, ɛne nhyɛsoɛ b’afia atee kɔwale, ofikyɛ engosuro, yeɛ ɛne ahunundetelɛ b’afia atee kɔwale, ofikyɛ ongopingye wɔ.

Hesekiel 17:23

Yisrael bokaa tendenn ne aso yeɛ ngolua ye ɔ. Ɔkɔyeye mmaen frɔmfrɔm ná wasu mmaa, na ɔkɔyɛ sida bakaa nyemenenyemene. Nnomaa mukoraa bɛkɔtenatena ye bo, na ye mmaen fɔnwoo ne anu yeɛ kaka biala bɔ ole ndaa ɔ ɔkɔnwo ye saen ɔ.

Hesekiel 28:3

kyɛ ɛse nworɛ tra Daniel, mvealeɛ nu dwirɛ biala mvea wɔ,

Daniel 1:20

Na nworɛ dwirɛ ne edwirɛ bɔ ɔkye adwene biala bɔ Nana bisale bɛ ne, onwuni kyɛ bɛ mmuayɛɛ ne, ɔbo ngonyaayelɛfoɛ ne bɛ bɔ bɛnea nzramaa nu bɛkã nu dwirɛ amukoraa, bɔ bɛwɔ ye ahennie ne amukoraa nu ɔ bɛ deɛ so pɛen buru.

Daniel 2:47

Afei ɛhene ne sele Daniel kyɛ, “Nahorɛ nu, ɛmɔ Nyameɛ ne, ɔte nyameɛ mɔ nu Nyameɛ ne ahemvo mɔ nu Meneɛ, ɔne Nyameɛ bɔ ɔda mvealeɛ nu dwirɛ ali ɔ, ofikyɛ ahora ala sɔ mvealeɛ nu dwirɛ he ali.”

Daniel 2:48

Yeɛ ɛhene ne bɔle Daniel aba so piri paa, na ɔmane ye akyɛdeɛ bɔ bedi mu ɔ pee, na ɔmaa ɔlale Babilɔn maen ne amukoraa noa, na ɔbɔle ye Babilɔn nworɛfoɛ amukoraa bɛ so panyi paa.

Daniel 4:18

Laleɛ bɔ me, Nana Nebukadenesa, ngyene ne, ye ɛne. Yiti wɔ, Beltesasa, kyire ye bo, ofikyɛ m’ahennie nu nworɛfoɛ amukoraa bɛngɔhora ngohyire me ye bo. Nakoso wɔ de, ɛkɔhora, ofikyɛ nyameɛ krongron mɔ bɛ sunzum wɔ wɔ nu.”

Daniel 4:5

Ngyene laleɛ bie bɔ ɔmaa nzurole. Laleɛ bɔ ogyinagyinane me nye so wɔ mba ne aso, ɔne bɔ nwuni ye wɔ nu nen, ɔhale me.

Daniel 4:8

Ye si ye, Daniel bɔ me nyameɛ Beltesasa dumaa yeɛ bɛfa bɛfrɛ ye, bɔ nyameɛ krongron mɔ bɛ sunzum wɔ ye nu ne, ɔwale me nyunu, na ngane laleɛ ne ngyirele ye kyɛ,

Daniel 5:11

Biaa bie wɔ w’ahennie ye anu bɔ nyameɛ krongron mɔ bɛ sunzum wɔ ye nu ɔ. Wɔ baba aberɛ so, benwuni kanea ne nimdeɛ ne nworɛ bɔ ɔte kyɛ nyameɛ nemɔ bɛ nworɛ deɛ ne bie ɔ wɔ ye nu, na wɔ baba Nana Nebukadenesa bɔle ye panyi wɔ ngonyaayelɛfoɛ, bɛ bɔ bɛnea nzramaa nu bɛkã nu dwirɛ, Kaldeafoɛ ne benewaafoɛ nemɔ bɛ so,

1 Samuel 4:8

“Yawu oo, yawu oo! Nwa yeɛ ɔkɔpepɛ kole yɛ kofi nyameɛ tumifoɛ hemɔ bɛ sa nu ɔ? Nyameɛ hemɔ yeɛ bɛpraprale amaneɛ ahoroɔ beguale Misraimfoɛ so wɔ ɛserɛ so ne.