Daniel 4:7 - AHYERƐLƐ KRONGRON

⁷ Yeɛ ngonyaayelɛfoɛ, bɛ bɔ bɛnea nzramaa nu bɛkã nu dwirɛ, Kaldeafoɛ ne ahɔmeɛ bɛwale. Ngane laleɛ ne ngyirele bɛ, nakoso bangora bangyire me ye bo.

Daniel 4:7 Iomraidhean Croise

Gyenesise 41:24

Aburoo kesenewaa nemɔ memene aburoo nzoo bɔ bahyẽ paa nemɔ. Ngane laleɛ ye anu dwirɛ ngyirele ngonyaayelɛfoɛ nemɔ, nakoso bɛ nu biala wangora wangyire me ye bo.”

Gyenesise 41:8

Yiti aleɛ hyene ngyerɛmɔ ne, Faro yɛle basaa. Na ɔsomane maa bɛɛfrɛle Misraim ngonyaayelɛfoɛ amukoraa ne mmenia bɔ bɛse ase amukoraa bɛmane ye. Ɔhane ye laleɛ ne anu dwirɛ hyirele bɛ, nakoso bɛ nu biala angora ye bo kyire.

Edwein 37:35

Manwu bɔnefoɛ atianuserɛniɛ, bɔ wanyi tendenn kyɛ Lebanon sida ɔ.

Yesaya 44:25

Kyẽa bie dwirɛ nwo musue bɔ ahɔmeɛ bɛye ne, me yeɛ memaa ɔyɛ mbaen ɔ, mema ngonyaayelɛfoɛ bɛyɛ ngwaseaa, mema nworɛfoɛ bɛ nworɛ ka nziɛ, na mekakyi bɛ nimdeɛ ngwaseasɛm.

Hesekiel 31:3

Nea, Asiria te kyɛ Lebanon sida, ye mmaen nyemenenyemene, pusaa bɔ ye bo te fɔnwoo ɔ, na ɔwale paa kɔ anwuro, na ye ti anwuro kɔkã munungum ne anu dɔ.

Daniel 1:4

mmerandeɛ bɔ bellili nnɛen ɔ, anwonyemenefoɛ bɔ bɛse nworɛ, bɔ nimdeɛ ali bɛ ti, bɔ bɛkɔhora bekosua nwomaa, bɔ bɛkɔhora bɛkɔyɔ ɛsolɛ adwuma wɔ Nana ahemvie ɔ, ná ohyirehyire bɛ Kaldeafoɛ dwudwolɛ ne ye hyerɛlɛ.

Daniel 2:10

Yeɛ Kaldeafoɛ nemɔ buale Nana kyɛ, “Ebiala nne aseɛ ye aso bɔ ɔkɔhora konya Nana dwirɛ ne anwo adwene ɔ; ofikyɛ edwirɛ sɔaa de, ɛhene, anaa meneɛ, anaa maenbulɛniɛ biala nne berɛ bɔ wafa wato ngonyaayelɛniɛ, anaa sona bɔ ɔnea nzramaa nu ɔkã nu dwirɛ, anaa Kaldeaniɛ biala nyunu le kyɛ ohyire ye bo ɔ.

Daniel 2:27

Yeɛ Daniel buale wɔ Nana nyunu berɛ kyɛ, “Nana, mvealeɛ nu dwirɛ bɔ abisa ye, nworɛfoɛ, bɛ bɔ bɛnea nzramaa nu bɛkã nu dwirɛ, ngonyaayelɛfoɛ anaa benewaafoɛ biala ngɔhora ngohyire wɔ ye bo;

Daniel 2:7

Yeɛ bebuale bieku kyɛ, “Nana, wɔ somvoɛ mɔ, kã laleɛ ne kyire yɛ, na yɛkohyire ye bo.”

Daniel 3:8

Na sɔ mmerɛ ne, Kaldeafoɛ biemɔ bɛɛbɔle Yudafoɛ mɔ kwaadu yeayea.

Daniel 4:18

Laleɛ bɔ me, Nana Nebukadenesa, ngyene ne, ye ɛne. Yiti wɔ, Beltesasa, kyire ye bo, ofikyɛ m’ahennie nu nworɛfoɛ amukoraa bɛngɔhora ngohyire me ye bo. Nakoso wɔ de, ɛkɔhora, ofikyɛ nyameɛ krongron mɔ bɛ sunzum wɔ wɔ nu.”

Daniel 5:7

Na ɛhene ne teane nu sele kyɛ bɛɛfa bɛ bɔ bɛnea nzramaa nu bɛkã nu dwirɛ, Kaldeafoɛ ne benewaafoɛ bɛbra. Yeɛ ɛhene ne sele Babilɔn nworɛfoɛ nemɔ kyɛ, “Ebiala bɔ ɔkɔkenga sɔ ahyerɛlɛ he, ná okohyire me ye bo nen, ngɔfa kende ngɔhera ye, yeɛ ngɔfa sikaa kɔkorɛ atweaban ngɔto ye kɔme anu, na ɔkɔyɛ ɛhene bɔ ye tumi tɔ so nza ɔ wɔ ahennie ye anu ɔ.”

Daniel 5:8

Yeɛ Nana ye nworɛfoɛ ne amukoraa bɛwale berɛ, nakoso bangora ahyerɛlɛ ne kenga, yeɛ bangora bangyire ye bo bangyire Nana.