Daniel 4:6 - AHYERƐLƐ KRONGRON

⁶ Yiti nhyɛle mmeraa kyɛ bɛfa Babilɔn nworɛfoɛ amukoraa bɛbra me nyunu, maa beehyire me laleɛ ne abo.

Daniel 4:6 Iomraidhean Croise

Ɛksadɔso 7:11

Faro koso frɛfrɛle mmenia bɔ bɛse ase, ɔne musueyelɛfoɛ maa bɛwale, na sɔ Misraim ngonyaayelɛfoɛ nemɔ koso yele ngonyaa yɔle sɔ ala.

Yesaya 8:19

Na sɛ mmenia kã kyire ɛmɔ kyɛ, “Nzamangɔmhyɛlɛfoɛ ne ahɔmeɛ bɔ bɛ dwudwolɛ te katekate ne boborɔboborɔ ne, ɛmɔhɔ bɛ so abisa” a, aso nna maen bɛ Nyameɛ berɛ yeɛ odi kyɛ bebisa nikye ɔ? Aso odi kyɛ bebisa ateasefoɛ ti wɔ awufoɛ berɛ anaa?

Daniel 1:17

Na sɔ mmerandeɛ nna hemɔ de, Nyameɛ mane bɛ nimdeɛ ne ndeaseɛ wɔ nwomaasualɛ ne nworɛ amukoraa nu, na Daniel nyane nyekyire ne laleɛ mukoraa nu ndeaseɛ.

Daniel 2:2

Na Nana Nebukadenesa hyɛle kyɛ bɛɛfa ngonyaayelɛfoɛ, bɛ bɔ bɛnea nzramaa nu bɛkã nu dwirɛ, musueyelɛfoɛ ne Kaldeafoɛ ma bɛbra beehyire ye laleɛ nemɔ abo. Yiti bɛwale beegyinane Nana nyunu.

Daniel 2:48

Yeɛ ɛhene ne bɔle Daniel aba so piri paa, na ɔmane ye akyɛdeɛ bɔ bedi mu ɔ pee, na ɔmaa ɔlale Babilɔn maen ne amukoraa noa, na ɔbɔle ye Babilɔn nworɛfoɛ amukoraa bɛ so panyi paa.

Daniel 4:15

Nakoso ye dosii ndii ne de, ɛ́mɔyakyi ye wɔ aseɛ ne anu, ɛ́mɔfa buralɛ nyamaa ne kɔɔbere nyamaa bɛ́kyekye ye wɔ ndire frɔmfrɔm nu. Ɛ́mɔma nyameɛso bosue ɔloa ye, ná ɛ́mɔma ɔne ngaka beli aseɛ so ndire.

Daniel 5:11

Biaa bie wɔ w’ahennie ye anu bɔ nyameɛ krongron mɔ bɛ sunzum wɔ ye nu ɔ. Wɔ baba aberɛ so, benwuni kanea ne nimdeɛ ne nworɛ bɔ ɔte kyɛ nyameɛ nemɔ bɛ nworɛ deɛ ne bie ɔ wɔ ye nu, na wɔ baba Nana Nebukadenesa bɔle ye panyi wɔ ngonyaayelɛfoɛ, bɛ bɔ bɛnea nzramaa nu bɛkã nu dwirɛ, Kaldeafoɛ ne benewaafoɛ nemɔ bɛ so,

Daniel 5:7

Na ɛhene ne teane nu sele kyɛ bɛɛfa bɛ bɔ bɛnea nzramaa nu bɛkã nu dwirɛ, Kaldeafoɛ ne benewaafoɛ bɛbra. Yeɛ ɛhene ne sele Babilɔn nworɛfoɛ nemɔ kyɛ, “Ebiala bɔ ɔkɔkenga sɔ ahyerɛlɛ he, ná okohyire me ye bo nen, ngɔfa kende ngɔhera ye, yeɛ ngɔfa sikaa kɔkorɛ atweaban ngɔto ye kɔme anu, na ɔkɔyɛ ɛhene bɔ ye tumi tɔ so nza ɔ wɔ ahennie ye anu ɔ.”