Daniel 4:4 - AHYERƐLƐ KRONGRON

⁴ “Me, Nebukadenesa, né nde m’awuro asomdwee nu, bɔ né nningyein ɔkɔ so yé ma me wɔ m’ahemvie ɔ.

Daniel 4:4 Iomraidhean Croise

Yesaya 56:12

“Bɛkã kyɛ, ‘Ɛmɔbra, mekwaafa nzaa meba, ɛ́mɔma yɛ́no nzaa serɛ yɛ́bo, na ɛhema koso ɔkɔyɛ kyɛ ɛnɛ ala, na ɔkɔtra so po!’ ”

Yeremia 48:11

“Moabo atena asomdwee nu fi ye ngwadaa nu, wayɛ kyɛ nzaa bɔ ye pue ne la ye bo ɔ; banhwie ye bamvi akotokyiwa ko anu bangua foforɛ nu, yeɛ bangye ye nnure bangɔ. Yiti ye fɛɛ ne tɛgyi ye nu, na ye fona ne, ɔssesane.

Hesekiel 28:17

W’anwonyemene ti ɛyɛle anwomasoɛ, wɔ talɛ bɔ ɛta ti ɛsɛkyele wɔ nworɛ. Yiti mvindini wɔ ndole ase, nguale wɔ nyunu ase wɔ ahemvo mɔ bɛ nyunu, maa betuli bɛ nye beguale wɔ so.

Hesekiel 29:3

Dwudwo, ná se kyɛ, AWURADE Nyameɛ nwa nyoo, “Tie, meko metia wɔ, Misraim hene Faro, wɔ, sasrabɔnzam piri bɔ ɛla w’asue mɔ nu, bɔ ɛnwa: ‘M’asue Naele te me bɔbɔ me deɛ, na me bɔbɔ yeɛ nyɔ mane me nwo ɔ.’

Daniel 2:11

Edwirɛ bɔ Nana abisa ye de, ɔbo adwene so, na ebiala ngɔhora ngohyire nu ngohyire Nana, sana nyameɛ nemɔ bɔ bɛ de, nna bɛ ne kuro sona yeɛ bɛte ɔ ne yeɛ bɛkɔhora ɔ.”

Daniel 4:19

Na Daniel bɔ osa li Beltesasa ne, ye nwo dwirili ye hyɛle kãa, na edwirɛ ne hale ye. Yeɛ ɛhene ne sele kyɛ, “Beltesasa, nnɛma laleɛ ne anaa ye bo hyirelɛ ne ɔha wɔ.” Na Beltesasa buale kyɛ, “Me mene, me ngome a, ahaa laleɛ ne ɔkakyi hɔ bɛ bɔ bekyi wɔ ɔ bɛ so, ná ye bo hyirelɛ ne koso ɔhɔ wɔ pɔfoɛ mɔ so!

Daniel 5:8

Yeɛ Nana ye nworɛfoɛ ne amukoraa bɛwale berɛ, nakoso bangora ahyerɛlɛ ne kenga, yeɛ bangora bangyire ye bo bangyire Nana.

Sefania 1:12

Sɔ mmerɛ ne, ngɔfa kanea ngohyini ngɔneanea Yerusalem nu, na ngɔhwe bɛ bɔ bafa bɔne bayɛ bɛ nwo buru ne nnu nemɔ bɛ so, bɛ bɔ bɛkã ye bɛ ti anu kyɛ, ‘AWURADE ngɔyɔ ye nwo huu, kyɛ paa oo, anaa tɛɛ oo.’