Daniel 4:34 - AHYERƐLƐ KRONGRON

³⁴ “Na mmerɛ ne sone ne, me Nebukadenesa, ndole me ti anwuro nneane nyameɛso, m’adwene sa yɛle paa, na ngamvole Anwuro Anwuroniɛ ne, na nyele ye bɔ ɔte ase afebɔɔ ne ayɛ mvale anidie mane ye, ofikyɛ ye tumi ne te afebɔɔ tumi, na ye ahennie wɔ berɛ ma aworɛ ndoatoasoɛ amukoraa;

Daniel 4:34 Iomraidhean Croise

2 Samuel 22:31

Sɔ Nyameɛ he, ye atee tengyɛ, AWURADE bɔhyɛ te nahorɛ, na ebiala bɔ ɔbɔ ye nwo waen wɔ Nyameɛ nu ne, Nyameɛ te ye akokyɛm.

1 Aberɛso Dwirɛ 29:10

Afei Dawide yele AWURADE ayɛ wɔ maen ne amukoraati bɛ nyunu. Na Dawide hane kyɛ, “Yɛye wɔ ayɛ afebɔɔ oo, AWURADE, yɛ nana Yisrael ye Nyameɛ.

1 Aberɛso Dwirɛ 29:13

Afei, yɛ Nyameɛ, yɛda wɔ ase, na yɛye wɔ animnyam dumaa ne ayɛ.

YOB NWOMAA NE 1:21

Na ɔhane kyɛ, “Mvi me ni akunu méba ne, né me nwo la so, na ye sɔ ala yeɛ ngosa ngɔfa ngɔhɔ ɔ. AWURADE yeɛ ɔfa mane me ɔ, yeɛ AWURADE asa ale ɔ. Animnyam hã AWURADE dumaa.”

Edwein 10:16

AWURADE te hene afebɔɔ, na maen maen mɔ bɛ boso konua kofi ye aseɛ so.

Edwein 102:24

Menwa, “Ao me Nyameɛ, wɔ bɔ ɛwɔ berɛ afebɔɔ wɔ aworɛ ndoatoasoɛ amukoraa nu ɔ, nnɛde me ngoa fi me sa nu wɔ me mmerandeɛ nu.”

Edwein 107:15

Odi kyɛ bɛye AWURADE ayɛ wɔ ye ɔdɔ bɔ onni ngasi ne ati, wɔ ye anwanwadeɛ bɔ ɔyɔ ma adasa mmaa ne ati.

Edwein 107:22

Na odi kyɛ bɛbɔ asennaa afɔleɛ, ná bɛfa ahurusi dwein bɛbɔ ye nnwumaa nwo dawure.

Edwein 107:31

Odi kyɛ bɛye AWURADE ayɛ wɔ ye ɔdɔ bɔ onni ngasi ne ati, wɔ ye anwanwadeɛ bɔ ɔyɔ ma adasa mmaa ne ati.

Edwein 107:8

Odi kyɛ bɛye AWURADE ayɛ wɔ ye ɔdɔ bɔ onni ngasi ne ati, wɔ ye anwanwadeɛ bɔ ɔyɔ ma adasa mmaa ne ati.

Edwein 111:7

AWURADE sa noa nnwumaa te nahorɛ ne turoloo, ye ahyɛdeɛ amukoraa timu berɛ pindinn.

Edwein 121:1

Mema me ti so mefa me nye mekyire mmokaa nemɔ. Nisua yeɛ me mmokalɛ fi ba ɔ?

Edwein 123:1

1 Wɔ yeɛ mema me ti so menea wɔ ɔ, ao wɔ bɔ ɛte w’ahennie bia so wɔ nyameɛso ɔ!

Edwein 145:13

W’ahennie ne te daa ahennie, na wɔ tumi ne wɔ berɛ wɔ aworɛ ndoatoasoɛ amukoraa nu. [AWURADE di nahorɛ wɔ ye dwirɛ amukoraa nu, na onwu anwumvoin wɔ nikyee biala bɔ ɔyɔ ɔ nu].

Edwein 146:10

AWURADE koli hene afebɔɔ, ao Sion, wɔ Nyameɛ di hene aworɛ ndoatoasoɛ amukoraa nu. Ɛ́mɔye AWURADE ayɛ!

Edwein 50:14

Fa asennaa yɛ afɔleɛ bɔ ma AWURADE, ná tua w’aboadeɛ ma Anwuro Anwuroniɛ ne.

Edwein 66:7

ye yeɛ ɔfa ye tumi ne di hene afebɔɔ ɔ, ye yeɛ ye nye kɔ aporɔ wɔ wiase amukoraa ɔ, nnɛma ɛlɔenyɛlɛfoɛ bɛmoma bɛ nwo so. Sela

Edwein 7:17

AWURADE tengyɛ, yiti ngɔfa asennaa bɔ ɔfata ye ɔ ngɔma ye, na AWURADE bɔ ɔwɔ anwuro anwuro ne, ngɔto dwein ngɔye ye dumaa ayɛ.

Edwein 9:2

Ɔnate wɔ ti ngɔma me nye kɔgye, ná mali ahurusi; ao, Anwuro Anwuro Nyameɛ, ngɔto wɔ dumaa nwo ayɛyelɛ dwein.

Edwein 92:1

Ɔte paa kyɛ bɛkɔfa asennaa bɛkɔma AWURADE ɔ, kyɛ bɛkɔto wɔ dumaa nwo ayɛyelɛ dwein ɔ, ao Anwuro Anwuroniɛ;

Yesaya 13:11

Mebaahwe ewiase so wɔ ye bɔne nwo, ngɔhwe bɔnefoɛ so wɔ b’amumuyɛɛ nwo, ngɔpɛ ahandaenfoɛ b’anwomasoɛ ne aso, yeɛ ngɔbrɛ atianuserɛfoɛ bɛ nduhoɛ ne ase.

Yesaya 2:11

Bɛkɔbrɛ ahandaen anyeɛ ase, yeɛ bekogua mmenia b’anwomasoɛ nyunu ase, na AWURADE angome yeɛ bɛkɔma ye so sɔ kyẽa ne ɔ.

Yesaya 24:15

Yiti ɛ́mɔye AWURADE ayɛ wɔ eyia afiteleɛ, ɛpo nu supɔ mɔ so koso, ɛ́mɔye AWURADE Yisrael Nyameɛ ne dumaa ayɛ.

Yeremia 10:10

Nakoso AWURADE yeɛ ɔte nahorɛ Nyameɛ ne ɔ; ye yeɛ ɔte Nyameɛ teasefoɛ ne Ɛhene afebɔɔ ne ɔ. Sɛ ye ahone hu a, aseɛ woso, na amaen maen mɔ bɛngora ye yaafɛlɛ noa gyina.

Awuye 3:38

Tɛɛ oo, paa oo, aso nna Anwuro Anwuroniɛ ne noa nu yeɛ befi bɛba ɔ?

Daniel 12:7

Na biaa bɔ ɔhera nwera, bɔ ɔwɔ asue ne anye ne, ndele ye mmuayɛɛ ne. Ɔpagyale ye sa famaa ne ye sa bɛen hyirele nyameɛso, na ɔfale Ɛdangama bɔ ɔte ase daa ne tale ndaen kyɛ, “Okoodwu afoɛ nza ne bue; na sɛ bede maen krongron ne tumi befi ye sa nu beyie a, yeɛ ɛhemɔ amukoraa kɔwa nu ɔ.

Daniel 2:44

Na sɔ ahemvo nemɔ aberɛ so, nyameɛso Nyameɛ kɔma ahennie bɔ ɔngɔsɛkye le ɔ kɔye ye ti, na sɔ ahennie ne, bɛngɔkakyi bengowura maen foforɛ sa. Sɔ ahennie ne kɔsɛkye ahennie nemɔ amukoraa kɔmaa bɛkɔbɔ bɔkɔɔ, nakoso ye de, okogyina afebɔɔ.

Daniel 4:2

Nzɛngyerɛnneɛ ne anwanwadeɛ bɔ Anwuro Anwuro Nyameɛ ne wayɔ wama me ne, ɔyɛ me fɛ kyɛ ngɔfa ngɔto dwaa ɔ.

Daniel 4:26

Na kyɛbɔ ɔhyɛle kyɛ bɛyakyi bakaa dosii ndii ne nen, sɔ ala yeɛ mmerɛ bɔ ekole kɔto nu kyɛ tumi mukoraa wura Nyameɛso bo ne, w’ahennie kosa kodwɔso bieku kɔma wɔ ɔ.

Daniel 4:3

Kyɛbɔ ye nzɛngyerɛnneɛ osi te mbiri mbiri ɔ! Kyɛbɔ anwoserɛ osi wɔ ye anwanwadeɛ nu ɔ! Ye ahennie te ahennie afebɔɔ, na ye tumi wɔ berɛ wɔ aworɛ ndoatoasoɛ amukoraa nu.

Daniel 4:32

Bɛkɔfoa wɔ bekofi mmenia nu, na ɛne eburo ngaka yeɛ bɛkɔɔtena ɔ. Bɛkɔmaa ekoli ndire kyɛ nandwie. Ɛhe kɔto wɔ afoɛ nzoo, kɔpem kyɛ ekonwu ye kyɛ Anwuro Anwuroniɛ ne yeɛ ole adasa ahennie so tumi ɔ, na ebiala bɔ okuro ne yeɛ ɔfa ma ye ɔ.”

Daniel 4:36

Na sɔ mmerɛ ne ala, m’adwene sa yɛle paa, na kyɛbɔ ɔkɔyɛ bɔ m’ahennie ne konya animnyam ne ati, m’animnyam ne m’anwonyemene sa yɛle me deɛ. Me foɛtulɛfoɛ ne me mbanyi mɔ bɛɛpenane me boso, besa bɛfale me besiele m’ahennie bia so, na bɛfale tumi bɔ ɔtra daa deɛ ne ɔ bewurale me sa.

Daniel 5:18

Nana, Anwuro Anwuro Nyameɛ ne, ɔfale ahennie mane wɔ baba Nebukadenesa, ɔmaa ɔyɛle titire, na ɔmaa onyane anidie ne animnyam;

Daniel 5:21

Bɛfoane ye befili kuro mmenia nu, bɛmane ye adwene yɛle kyɛ kaka adwene, ɔne eburo afunum mɔ bɛɛtenane, bɛmaa olili ndire kyɛ nandwie, na nyameɛso bosue loaloale ye nwonaen, kɔpem kyɛ onwuni kyɛ Anwuro Anwuro Nyameɛ ne yeɛ ole adasa ahennie so tumi ɔ, na sona bɔ okuro biala yeɛ ɔfa ye sie so ɔ.

Daniel 6:26

Mahyɛ mmeraa kyɛ, m’ahennie maen bɔ medi so tumi ne amukoraa nu, odi kyɛ mmenia bɛma bɛ nwo wosowoso bɛ, ná besuro wɔ Daniel Nyameɛ ne nyunu, ofikyɛ ye yeɛ ɔte Nyameɛ teasefoɛ bɔ ɔwɔ berɛ afebɔɔ ɔ; ye ahennie ne, ɔngɔbɔ le, na ye tumi ne kɔtena berɛ afebɔɔ.

Daniel 7:14

Na ye yeɛ bɛmane ye tumi, animnyam ne ahennie, amaa ɔnate so maen maen mukoraa, mmenia mukoraa ne edwudwolɛ amukoraa baso ye. Ye tumi ne, ɔte tumi bɔ olle ayieleɛ bɔ ɔngɔpɛ nu le ɔ, na ye ahennie ne, ɔte ahennie bɔ ɔngɔbɔ le ɔ.

Daniel 7:27

Na bɛkɔfa ahennie ne tumi ɔne ahennie mɔ bɛ tumi bɔ ɔwɔ anwuro amukoraa bo bɛkɔma Anwuro Anwuroniɛ n’anwoteefoɛ maen ne. Ye ahennie ne te ahennie afebɔɔ, na tumi amukoraa kɔso ye, ná bayɛ sotie bama ye.’

Daniel 9:14

Ye sɔ ne ati, AWURADE asiesie amaneɛ, na wamaa wato yɛ; ofikyɛ AWURADE yɛ Nyameɛ ne, ɔtengyɛ wɔ bɔ ɔyɔ ɔ amukoraa nu; nakoso yɛ de, yandie ye dwirɛ.

Yona 1:14

Yiti bɛteane nu besu bɛfrɛle AWURADE kyɛ, “Ao AWURADE, yɛsrɛ wɔ, akoaa he wue ne, nnɛmaa yiti yɛwuwu, yeɛ nnɛmaa yɛdi mogya bɔ odi be ɔ nwo fɔ, ofikyɛ wɔ, AWURADE, bɔ ekuro yeɛ ayɔ ɔ.”

Mika 4:7

Na ngɔma mmubuafoɛ nemɔ kɔyɛ mmenia bɔ baha ɔ, yeɛ bɛ bɔ bapɛ bɛ asue ne, ngɔmaa bɛkɔyɛ anwoserɛ maen; na AWURADE koli bɛ so hene wɔ Sion bokaa so kekesaala ye ne afebɔɔ.

Luka 1:33

na okoli Yakob awuro so hene afebɔɔ, na ye ahennie ne olle ayieleɛ.”

Luka 18:13

“Nakoso ɛtoɔdidelɛniɛ ne de, oogyinane nziɛ nziɛ, na wanguro kyɛ ɔkɔma ye nye so kɔnea nyameɛso po ɔ, na mmom ɔfale ye sa guale ye ahone so hane kyɛ, ‘O Nyameɛ, nde bɔnefoɛ, na nwu me anwumvoin!’

Yohane 5:26

Na kyɛbɔ Baba ne ole ngoa wɔ ye bɔbɔ ye nu nen, sɔ ala yeɛ wafa wama Baa ne kyɛ ye koso onya ngoa wɔ ye bɔbɔ ye nu ɔ;

Deuteronomi 32:4

Nyɔbotaen ne, ye adwuma te pɛpɛɛpɛ, na ye atee mukoraa tengyɛ. Ɔte nahorɛ Nyameɛ, bɔ nnakannaka nne ye nu ɔ, ɔte pɛpɛɛpɛ, na ɔtengyɛ.

1 Timoteo 1:17

Afei, anidie ne animnyam hã daa daa Hene ne, bɔ ɔte ase daa, bɔ anyeɛ nnwu ye, Nyameɛ komapɛ twe ne, afebɔɔ! Amen.

1 Timoteo 6:16

bɔ ye ngome twe yeɛ onwu, ná ɔwɔ berɛ afebɔɔ, bɔ ɔte kanea bɔ ebie ngora mbingye ye nu, bɔ ebiala nnwuni ye le, ná ebiala ngɔhora ngonwu ye ne. Ye yeɛ anidie ne daa tumi te ye deɛ ɔ! Amen.

Nyekyire 10:6

na ɔfale bɔ ɔte ase afebɔɔ, bɔ ɔbɔle anwuro ne bɔ ɔwɔ nu, aseɛ ne ne bɔ ɔwɔ nu, yeɛ ɛpo ne bɔ ɔwɔ nu ne tale ndaen kyɛ, “Mmerɛ biala nne berɛ ko,

Nyekyire 11:15

Na abɔfo bɔ ɔtɔ so nzoo ne huli ye totorobɛndo ne, na komviɛ mbiri mbiri bobɔle nu wɔ nyameɛso kyɛ, “Ewiase ahennie wayɛ yɛ Awurade ne ye Kristo ne deɛ, na okoli hene afebɔɔ.”

Nyekyire 4:10

mbanyi aburanyɔ ne nna nemɔ bɛfa bɛ nyunu bebutubutu bɔ ɔte ahennie bia ne aso ne nyunu berɛ, na bɛsɔne bɔ ɔte ase afebɔɔ ne; na betutu b’abotire nemɔ begua ahennie bia ne nyunu bɛkã kyɛ,

Nyekyire 4:9

Na sɛ abɔdeɛ ateasefoɛ nemɔ bɛfa animnyam, anidie ne asennaa bɛma bɔ ɔte ahennie bia ne aso, bɔ ɔte ase afebɔɔ ne a,