Daniel 4:27 - AHYERƐLƐ KRONGRON

²⁷ Yiti Nana, me foɛ bɔ mebaatu wɔ ye, de to nu: Bɔ bra bɔ ɔtengyɛ ɔ ná yakyi bɔne yɔlɛ; nwu bɛ bɔ bɛyɛ anwumvo ɔ anwumvoin, ná yakyi amumuyɛɛ yɔlɛ, amaa ɔnate so ebiaa né wɔ so anu atɔ wɔ ahyɛ.”

Daniel 4:27 Iomraidhean Croise

Gyenesise 11:4

Afei besele kyɛ, “Biamɔ, ɛ́mɔma yɛkyekye yɛ kuro, ná yɛsi abandenden bɔ odwu nyameɛso yɛsie so, ná yɛfa yɛle dumaa, amaa yammɔ aya wɔ aseɛ ye aso amukoraa.”

1 Ahemvo 21:29

“Anwu kyɛbɔ Ahabo wasi wabrɛ ye nwo ase wɔ me nyunu ɔ? Ɔnate kyɛ wabrɛ ye nwo ase wɔ me nyunu ne ati, mengɔma sɔ amaneɛ ne ngɔto ye mmerɛ bɔ ɔte ase ɔ; na mmom amaneɛ ne kɔwa Ahabo abusuafoɛ so wɔ ɔwa bɔ okoli ye bia ne ye aberɛ so.”

Edwein 119:46

Ngɔhã wɔ noa dwirɛ nwo dwirɛ ngohyire ahemvo mɔ koso, na me nyunu ngogua ase.

Anyandera 11:2

Anwomasoɛ ne animguaseɛ yeɛ bɛnate ɔ, nakoso anwobrɛaseɛfoɛ de, benwu nworɛ.

Anyandera 16:6

Bɛfa pɛpɛɛpɛyɛlɛ ne nahorɛlilɛ yeɛ bɛyɛ bɔne nwo mbata ɔ, na AWURADE surolɛ yeɛ ɔma sona twe ye nwo fi bɔne nwo ɔ.

Anyandera 28:13

Ebiala bɔ ɔkata ye mmeraatolɛ so ne, ongoyie ye yé, nakoso bɔ ɔkã, ná ɔyakyi ye yɔlɛ ne, bekonwu ye anwumvoin.

Yesaya 10:13

Ofikyɛ Asiria hene nwa: “Me bɔbɔ m’anwoserɛ ne me nworɛ yeɛ mafa mayɔ ɛhe ɔ, ofikyɛ m’adwene nu pi; matutu maen maen nemɔ bɛ wɛen magua, mafẽ bɛ nningyein mafa; mayɛ kyɛ katakyie bɔ mapemo bɛ hene mɔ maa batete bagua ase ɔ.

Yesaya 47:10

“Ɛfale wɔ wora wurale w’amumuyɛɛyɔlɛ nu, na ɛhane kyɛ, ‘Sona biala nnwu me.’ Wɔ nworɛ ne wɔ nimdeɛ yeɛ bamaa amini ɔ, na ɛhane ye wɔ wɔ ti anu kyɛ, ‘Me ɛne! Ebiala nne berɛ bɔ ɔte kyɛ me ɔ.’

Yesaya 47:8

Yiti afei tie sɔ dwirɛ ɛhe, wɔ bɔ ekuro anigye ɔ, bɔ wɔ so anu atɔ wɔ wɔ asetena nu ɔ, bɔ ɛkã ye wɔ wɔ ti anu kyɛ, ‘Me ɛne! Ebiala nne berɛ bɔ ɔte kyɛ me ɔ; mengɔyɛ kunaniɛ, yeɛ mengoli abawuo.’

Yeremia 29:7

Na kuro bɔ mamaa bahye ɛmɔ nnure bahɔ so ne, odi kyɛ ɛmɔpena ye yeeyɛlɛ, ná ɛmɔbɔ mbaeɛ bekyire AWURADE bɛma ye, ofikyɛ kuro ne yeeyɛlɛ nu, yeɛ ɛmɔ koso ɛmɔkɔyɛ yé ɔ.

Yeremia 38:20

Nakoso Yeremia buale kyɛ, Bɛngɔfa wɔ bengowura bɛ sa. Mesrɛ wɔ, tie AWURADE noa dwirɛ bɔ mekã mekyire wɔ ye, na okoyie wɔ yé, na wɔ kra konya ye ti kodidi nu.

Hesekiel 18:7

ɔnhyɛ obiɛngo so; na mmom sɛ ebie fa nikyee si ye berɛ awowaa a, osa fa ye nikyee ma ye, ɔmva ebie nningyein patapaa so, na mmom ɔfa ye aleɛ ma bɔ ɛhɔen ku ye ɔ, ɔma bɔ ye nwo la so ɔ ɛtena,

Hesekiel 29:3

Dwudwo, ná se kyɛ, AWURADE Nyameɛ nwa nyoo, “Tie, meko metia wɔ, Misraim hene Faro, wɔ, sasrabɔnzam piri bɔ ɛla w’asue mɔ nu, bɔ ɛnwa: ‘M’asue Naele te me bɔbɔ me deɛ, na me bɔbɔ yeɛ nyɔ mane me nwo ɔ.’

Hesekiel 29:9

Misraim aseɛ ne kɔkakyi kurofoen ne aseɛ pralaa, na bekonwu kyɛ me ole AWURADE. “Ɔnate kyɛ ɔnwa, ‘Asue Naele te me bɔbɔ me deɛ, na me bɔbɔ yeɛ nyɔle ɔ.’

Yoel 2:14

Nwa yeɛ ɔse ɔ? Ebiaa okosa ye si kɔsesã ye adwene, ná wayakyi saleɛ wama ɛmɔ bɔ ɛmɔkɔfa bɛkɔbɔ aleɛ afɔleɛ ne anonneɛ afɔleɛ bɛkɔma AWURADE ɛmɔ Nyameɛ ɔ.

Amose 6:13

Ɛmɔ bɔ ɛmɔhoahoa ɛmɔ anwo kyɛ ɛmɔali Lodeba kuro ne aso ngonim, bɔ ɛmɔkekã kyɛ, “Aso nna yɛ bɔbɔ y’anwoserɛ yeɛ yafa yali Karenaim so ngonim ɔ?”

Yona 3:9

Ebie nze, ebiaa Nyameɛ kɔsesã ye adwene ná wayakyi ye yaafɛlɛ piri ne, amaa ɔnate so yɛ boso wannua.”

Habakuku 1:11

Na afei, bɛsɛkye nningyein bɛpɛ nu bɛkɔ kyɛ mvrama piri, awudifoɛ bɔ bɛ bɔbɔ b’anwoserɛ yeɛ ɔte bɛ nyameɛ ɔ!

Sefania 2:15

Anwomasoɛ kuro bɔ né ye so anu atɔ ye ne, ye ɛne oo, ye bɔ osele ye nwo kyɛ, “Me ɛne, ebiala nne berɛ ko bɔ ɔte kyɛ me ɔ” ne. Nea kyɛbɔ wasi wakakyi kurofoen ɔ, kyɛbɔ wakakyi ngaka dabea ɔ! Ebiala bɔ ɔkɔpɛ nu berɛ ne, ɔkɔwoso ye ti kosobi ye noa.

Mateo 3:8

Odi kyɛ ɛmɔyɔ bɔ okyire kyɛ ɛmɔasakyera ɛmɔ adwene amba ɔ.

Luka 11:41

Odi kyɛ ɛmɔfa bɔ ɔwɔ nu ne bɛyɛ adɔeɛ, na tie, nikyee biala nwo kɔte kɔma ɛmɔ.

Asomafoɛ 24:25

Na Pɔɔlo wɔ so bɔ ɔkã tenenee ne anwohyɛsoɛ ne ndɛenbualɛ kyẽa bɔ ɔbaawa ne nwo dwirɛ nen, Felise kunu tetele ye, na osele ye kyɛ, “Kekesaala ye de, kɔ; na sɛ menya ye nwo a, ngɔmaa bɛkɔɔfrɛ wɔ bieku.”

Asomafoɛ 26:20

Na nnili moa ngane edwirɛ ne wɔ Damasko, afei Yerusalem, ɔne Yudea maen ne anu mukoraa, ɔne Amaenmaensofoɛ nu; kyɛ bɛsakyera b’adwene bɛbra Nyameɛ berɛ na bɛbɔ bra bɔ okyire kyɛ basakyera b’adwene ɔ.

Asomafoɛ 8:22

Yiti sakyera w’adwene fi wɔ bɔne he nwo, na srɛ Awurade kyɛ sɛ ɔkɔyɛ yee a, ɔfa wɔ nzusuleɛ tɛɛ he hyɛ wɔ.

2 Korintofoɛ 5:11

Ɔnate kyɛ yɛse kyɛbɔ Awurade nwo suronyi si te ɔ ne ati, yɛbɔ mmɔden kyɛ yɛkɔma mmenia kosuro ye ɔ. Nyameɛ se kyɛbɔ yɛsi yɛte ɔ, na mede medi kyɛ ɛmɔ tiboa koso ma ɛmɔse kyɛbɔ yɛsi yɛte ɔ.

Galatiafoɛ 5:13

Aliɛmaa mɔ, bafrɛ ɛmɔ bawa fawɔnwodi nu; yiti nnɛmɔma fawɔnwodi ne diedie ɛmɔ kɔ anwoɔnaen akɔnnɔ nu, na mmom ɛ́mɔfa ɔdɔ so bɛso bɛ nwo ngoko ngoko.

Galatiafoɛ 5:22

Nakoso Sunzum ne de, ɔma ɔdɔ, anigye, asomdwee, aboterɛ, adɔeɛyɛlɛ, paayɛlɛ, gyidie,

Galatiafoɛ 5:6

Ofikyɛ sɛ yɛne Kristo Yesu yɛ ko de a, bienzuapɛlɛ oo, nna bienzuapɛlɛ oo, ye nwo nhia, na mmom gyidie bɔ ɔnate ɔdɔ so yɔ adwuma yeɛ ohia ɔ.

Ɛfesofoɛ 4:28

Nnɛma awueniɛ wua ko, na mmom ɔsɛ kyɛ ɔbɔ mmɔden ɔfa ye sa yɔ adwuma bɔ ɔfata ɔ; amaa wanya bie wafa waboka sona bɔ wahia ye ɔ.

Deuteronomi 24:13

Sɛ eyia kwaatɔ a, fa awowaa nikyee ne sá kɔma ye maa onya ye tena ogurɔ ye nwo, ná óyira wɔ. Na ɔkɔyɛ yɔleɛ bɔ ɔtengyɛ wɔ AWURADE wɔ Nyameɛ nyunu kɔma wɔ.

Deuteronomi 32:27

Nakoso né mesuro kyɛ pɔfoɛ ne kɔfa kɔhoahoa ye nwo, ofikyɛ ebiaa né bɛ pɔfoɛ mɔ ande bɔ meyɔ ne abo, na bɛkɔhã kyɛ, ‘Yali ngonim; nna AWURADE yeɛ ɔyɔle sɔ nningyein he amukoraati ɔ.’

Deuteronomi 8:17

Nnɛyɛ w’adwene kyɛ, ‘Ɔnate m’anwoserɛ ne m’abasa nu serɛ so yeɛ manya me nwo ɔ.’

1 Petro 4:8

Bɔ ɔtra so ɔ, ɛmɔhurohuro ɛmɔ nwo dwirɛ nahorɛ nu, ofikyɛ ɔdɔ kata bɔne pee so.