Daniel 4:26 - AHYERƐLƐ KRONGRON

²⁶ Na kyɛbɔ ɔhyɛle kyɛ bɛyakyi bakaa dosii ndii ne nen, sɔ ala yeɛ mmerɛ bɔ ekole kɔto nu kyɛ tumi mukoraa wura Nyameɛso bo ne, w’ahennie kosa kodwɔso bieku kɔma wɔ ɔ.

Daniel 4:26 Iomraidhean Croise

Daniel 2:18

na osele bɛ kyɛ bɛsrɛ nyameɛso Nyameɛ ne ma onwu bɛ anwumvoin wɔ sɔ mvealeɛ nu dwirɛ he anwo, amaa ɔnate so bamva ye Daniel ne ye mmango nemɔ bamvra Babilɔn nworɛfoɛ nemɔ aso banguku bɛ.

Daniel 2:19

Yeɛ Nyameɛ lale mvealeɛ nu dwirɛ ne ali hyirele Daniel wɔ kɔngɔen nyekyire nu. Na Daniel hyɛle nyameɛso Nyameɛ ne animnyam.

Daniel 2:37

Wɔ, Nana, ɛte ahemvo mɔ bɛ nu hene bɔ nyameɛso Nyameɛ ne wafa ahennie, tumi, anwoserɛ ne animnyam wama wɔ ɔ.

Daniel 4:15

Nakoso ye dosii ndii ne de, ɛ́mɔyakyi ye wɔ aseɛ ne anu, ɛ́mɔfa buralɛ nyamaa ne kɔɔbere nyamaa bɛ́kyekye ye wɔ ndire frɔmfrɔm nu. Ɛ́mɔma nyameɛso bosue ɔloa ye, ná ɛ́mɔma ɔne ngaka beli aseɛ so ndire.

Daniel 4:23

Nana, enwuni wɛmvoɛ krongronniɛ bie bɔ ofili nyameɛso dwu wale oosele kyɛ, ‘Ɛ́mɔbu bakaa ne bɛ́to ase bɛ́sɛkye ye, nakoso ye dosii ndii ne de, ɛ́mɔyakyi ye wɔ aseɛ ne anu, ɛ́mɔfa buralɛ nyamaa ne kɔɔbere nyamaa bɛ́kyekye ye wɔ ndire frɔmfrɔm nu; ná ɛ́mɔma nyameɛso bosue ɔloa ye, ná ɛ́mɔma ɔne eburo ngaka beli aseɛ so ndire ma afoɛ nzoo hɔ bra ɔɔto ye.’

Daniel 4:31

Na Nana Nebukadenesa noa ambe, yeɛ edwudwolɛ bie fili nyameɛso sele kyɛ, “Wɔ, ɛhene Nebukadenesa, wɔ yeɛ bɛ́kã edwirɛ he bekyire wɔ ɔ, kyɛ: Ahennie ne, wafi wɔ sa!

Daniel 4:37

Na afei de, me Nebukadenesa, mefa ayɛyelɛ, ɛkamvolɛ ne anidie mema nyameɛso Hene ne, ofikyɛ bɔ ɔyɔ amukoraa te turoloo, na ye atee tengyɛ, na bɛ bɔ bɛbɔ anwomasoɛ bra ne, ɔkora brɛ bɛ ase.

Daniel 5:20

Nakoso mmerɛ bɔ ahandaen wurale ye nu, ná anwomasoɛ maa ɔyɛle dwɛɛ nen, betuli ye befili ye bia so, na belele ye animnyam ne befili ye sa nu.

Daniel 5:21

Bɛfoane ye befili kuro mmenia nu, bɛmane ye adwene yɛle kyɛ kaka adwene, ɔne eburo afunum mɔ bɛɛtenane, bɛmaa olili ndire kyɛ nandwie, na nyameɛso bosue loaloale ye nwonaen, kɔpem kyɛ onwuni kyɛ Anwuro Anwuro Nyameɛ ne yeɛ ole adasa ahennie so tumi ɔ, na sona bɔ okuro biala yeɛ ɔfa ye sie so ɔ.

Mateo 21:20

Na asuafoɛ nemɔ nwuni ye sɔ nen, ɔyɛle bɛ nwanwa, na bɛhane kyɛ, “Ɔyɛle sɛɛ yeɛ kekesaala ye borɔdoma bakaa ye wawu ye?”

Mateo 5:34

Na me de, mekã mekyire ɛmɔ kyɛ, Nnɛma ɛmɔta ndaen koraa. Nnɛma ɛmɔfa anwuro bɛta ndaen, ɔnate kyɛ ɔte Nyameɛ ahennie bia,

Luka 15:18

Ngodwɔso ngɔhɔ me baba berɛ, ná mahã mahyire ye kyɛ: Baba, mayɔ nyameɛso ne wɔ nyunu bɔne;

Luka 15:21

Na ɔwa ne sele ye kyɛ, ‘Baba, mayɔ nyameɛso ne wɔ nyunu bɔne, na memvata kyɛ ɛkɔfrɛ me ɛwa ko ɔ.’