Daniel 4:24 - AHYERƐLƐ KRONGRON

²⁴ “Nana, me mene, laleɛ ne, ye bo hyirelɛ ɛhe. Nana, nikyee bɔ Anwuro Anwuroniɛ ne ɔbaafa yɔ wɔ ne yeɛ waye wahyire wɔ ne:

Daniel 4:24 Iomraidhean Croise

YOB NWOMAA NE 20:29

Sɔ yeɛ Nyameɛ ma amumuyɛɛniɛ ayieleɛ yie ye ɔ, agyapadeɛ bɔ Nyameɛ ahyehyɛ wato berɛ wama ye hɔ ɛne.”

Edwein 107:40

Obu atitirefoɛ animtia, na ɔmaa bekyinikyini wɔ ɛserɛ so bɔ atee ɔnne so ɔ so.

Edwein 148:6

Ɔfale bɛ tindimuni berɛ afebɔɔ; na ɔmane bɛ ahyɛdeɛ bɔ ɔngɔpɛ nu le ɔ.

Edwein 2:7

Ngɔfa AWURADE ahyɛdeɛ ne ngɔto dwaa: Osele me kyɛ, “Mma ole wɔ, ɛnɛ mawo wɔ.

Anyandera 16:6

Bɛfa pɛpɛɛpɛyɛlɛ ne nahorɛlilɛ yeɛ bɛyɛ bɔne nwo mbata ɔ, na AWURADE surolɛ yeɛ ɔma sona twe ye nwo fi bɔne nwo ɔ.

Anyandera 20:28

Pɛpɛɛpɛyɛlɛ ne nahorɛlilɛ ɔbɔ ɛhene nwo waen, na pɛpɛɛpɛyɛlɛ yeɛ ɔma ye ahennie gyina ɔ.

Yesaya 23:9

Asafo AWURADE yeɛ wayɔ sɔ nhyehyɛleɛ ne ɔ, kyɛ ɔkɔma animnyam amukoraa b’anwomasoɛ nyunu kogua ase, kyɛ ɔkɔbrɛ aseɛ so atitirefoɛ amukoraa ase.

Daniel 4:17

Sɔ ahyɛdeɛ ne, awɛmvoɛ nemɔ bɛ noa dwirɛ ɛne, krongronfoɛ nemɔ b’agyina bɔ batu hɔ ɛne, amaa ɔnate so ateasefoɛ banwu kyɛ Anwuro Awuroniɛ ne yeɛ ole adasa ahennie so tumi ɔ, ɔfa ma sona biala bɔ okuro ɔ, na adasa nu anwobrɛaseɛfoɛ yeɛ ɔfa bɛ sie so ɔ.’

Daniel 4:19

Na Daniel bɔ osa li Beltesasa ne, ye nwo dwirili ye hyɛle kãa, na edwirɛ ne hale ye. Yeɛ ɛhene ne sele kyɛ, “Beltesasa, nnɛma laleɛ ne anaa ye bo hyirelɛ ne ɔha wɔ.” Na Beltesasa buale kyɛ, “Me mene, me ngome a, ahaa laleɛ ne ɔkakyi hɔ bɛ bɔ bekyi wɔ ɔ bɛ so, ná ye bo hyirelɛ ne koso ɔhɔ wɔ pɔfoɛ mɔ so!

Daniel 4:2

Nzɛngyerɛnneɛ ne anwanwadeɛ bɔ Anwuro Anwuro Nyameɛ ne wayɔ wama me ne, ɔyɛ me fɛ kyɛ ngɔfa ngɔto dwaa ɔ.