Daniel 4:19 - AHYERƐLƐ KRONGRON

¹⁹ Na Daniel bɔ osa li Beltesasa ne, ye nwo dwirili ye hyɛle kãa, na edwirɛ ne hale ye. Yeɛ ɛhene ne sele kyɛ, “Beltesasa, nnɛma laleɛ ne anaa ye bo hyirelɛ ne ɔha wɔ.” Na Beltesasa buale kyɛ, “Me mene, me ngome a, ahaa laleɛ ne ɔkakyi hɔ bɛ bɔ bekyi wɔ ɔ bɛ so, ná ye bo hyirelɛ ne koso ɔhɔ wɔ pɔfoɛ mɔ so!

Daniel 4:19 Iomraidhean Croise

Gyenesise 31:35

Na Rahɛl sele ɔse kyɛ, “Nnɛma me mene fɛ ɛyaa kyɛ mengɔhora dwɔso wɔ wɔ nyunu ɔ, ofikyɛ mabu me sa.” Yiti Laban hɔle so penane, nakoso wannwu ye awuro mmosoen nemɔ.

Gyenesise 32:18

se ye kyɛ, “W’akoaa Yakob deɛ ɔ; ɔte akyɛdeɛ bɔ wasoma kyɛ yɛfa yɛbrɛ me mene Yisɔ ɔ. Ye bɔbɔ po oli yɛ si.”

Gyenesise 40:12

Na Yosef sele ye kyɛ, “Laleɛ ne bo ɛhe: bakaa sa mmaa nza ne kyire ɛlɛsa;

1 Ahemvo 18:7

Obadia nate atee so bɔ ɔkɔ ne, Elia yiale ye. Obadia nwuni kyɛ Elia ɔ. Obadia kotole fale ye nyunu butuli ase mane ye, na osele ye kyɛ, “Me mene Elia, wɔ ɛhe?”

Ɛksadɔso 32:32

Nakoso mesrɛ wɔ, fa bɛ bɔne kyɛ bɛ. Na sɛ wamma ye sɔ de a, nzaade kyikyi me (dumaa) fi wɔ nwomaa bɔ ahyerɛ ne anu!”

Yeremia 29:7

Na kuro bɔ mamaa bahye ɛmɔ nnure bahɔ so ne, odi kyɛ ɛmɔpena ye yeeyɛlɛ, ná ɛmɔbɔ mbaeɛ bekyire AWURADE bɛma ye, ofikyɛ kuro ne yeeyɛlɛ nu, yeɛ ɛmɔ koso ɛmɔkɔyɛ yé ɔ.

Yeremia 4:19

Me kunu tete me, me kunu tete me! Ahunundetelɛ atɔ me so. M’ahone yɛ me hwimhwim. Mengora me noa kã to nu; ofikyɛ mete totorobɛndohulɛ nga, mete koɛ nga.

Daniel 1:7

Yeɛ sayɛɛ panyi ne totole bɛ dumaa: Ɔtole Daniel dumaa Beltesasa, ɔtole Hanania dumaa Sadrake, ɔtole Misael dumaa Mesake, yeɛ ɔtole Asaria dumaa Abedinego.

Daniel 2:26

Yeɛ Nana bisale Daniel bɔ osa li Beltesasa ne kyɛ, “Ɛkɔhora kɔhã laleɛ horɛ bɔ ngyene ne, ná ekosa kohyire ye bo kohyire me?”

Daniel 2:37

Wɔ, Nana, ɛte ahemvo mɔ bɛ nu hene bɔ nyameɛso Nyameɛ ne wafa ahennie, tumi, anwoserɛ ne animnyam wama wɔ ɔ.

Daniel 4:24

“Nana, me mene, laleɛ ne, ye bo hyirelɛ ɛhe. Nana, nikyee bɔ Anwuro Anwuroniɛ ne ɔbaafa yɔ wɔ ne yeɛ waye wahyire wɔ ne:

Daniel 5:12

ofikyɛ benwuni kyɛ sɔ Daniel ne, bɔ Nana Nebukadenesa tole ye dumaa Beltesasa ne, ole sunzum sonongo, nimdeɛ ne ndeaseɛ bɔ bɛfa bekyire laleɛ bo ɔ, ɔne bɔ bɛfa bekyirekyire edwirɛ bɔ nu ɔlla berɛ ɔ nu, ɔne edwirɛ bɔ ɔkye adwene ɔ nu. Yiti maa bɛɛfrɛ Daniel bɛbra ma ohyire ye bo.”

Daniel 5:18

Nana, Anwuro Anwuro Nyameɛ ne, ɔfale ahennie mane wɔ baba Nebukadenesa, ɔmaa ɔyɛle titire, na ɔmaa onyane anidie ne animnyam;

Daniel 5:19

na ɔnate sona titire bɔ ɔmaa ɔyɛle ne ati, maen maen mukoraa, mmenia mukoraa ne edwudwolɛ amukoraa besurole ye, na bɛ nwo wosowosole bɛ wɔ ye nyunu. Sona biala bɔ né okuro kyɛ oku ye ne, ohuni ye; yeɛ bɔ okuro kyɛ onya ngoa ne, ɔmaa onyane ngoa; sona bɔ okuro ne, ɔbɔle ye aba so, na sona bɔ okuro ne, ɔbrɛle ye ase.

Daniel 7:15

“Me, Daniel, me sunzum wora bɔle wɔ me nu, na nyekyire bɔ nwuni ye ne hale me.

Daniel 7:28

“Edwirɛ ne, ye ayieleɛ ɛne. Na me, Daniel de, edwirɛ ne hale me paa, me nwo yɛle me basaa, nakoso mvale edwirɛ ne nziele me ti anu.”

Daniel 8:27

Afei me, Daniel, me nwo yɛle me bɛtɛɛ, na me nwo yɛle me yea ngyẽa dɔnn. Afei ndwɔsole, na ndoale ɛhene n’adwuma ne aso; nakoso nyekyire ne mane me nwo dwirili me, ofikyɛ ebiala ande ye bo.

Habakuku 3:10

Mmokaa mɔ nwuni wɔ, na bɛ nwo wosowosole bɛ. Asue bɔ ɔsẽ wuruwuru ɔ pɛle nu hɔle, buma mane ye komvi so teateane nu, na ɔmane ye sa so hɔle anwuro.

1 Samuel 1:15

Nakoso Hana buale kyɛ, “Nna sɔ ɔ, me mene, nde brasua bɔ me wora abɔ paa ɔ. Nnnone bobe nzaa anaa nzaa serɛ biala, na mmom m’aworabɔlɛ dwirɛ yeɛ méfa méto AWURADE nyunu ɔ.

1 Samuel 24:8

Ye si ye, Dawide koso fili nyɔboɛ bɔ wasi sua ne anu fitele, na ɔtole Sɔɔlo huuu kyɛ, “Nana, me mene ee!” Sɔɔlo pɛle ye nye neane nziɛ, na Dawide fale ye nyunu butuli berɛ anidie nu.

1 Samuel 26:15

Na Dawide buale Abenɛ kyɛ, “Saa ɛtte bienzua! Nwa yeɛ ɔne wɔ bɛte pɛ wɔ Yisrael ɔ? Nzu ati yeɛ ammɔ wɔ mene Nana Sɔɔlo nwo waen ɔ? Koɛhonɛfoɛ ne, ko wale asikyeleɛ ne anu kyɛ ahaa ɔbaahu wɔ mene Nana Sɔɔlo.

1 Samuel 3:17

Na Eli bisale ye kyɛ, “Nzikyɛ dwirɛ yeɛ ɔha hyirele wɔ ne? Nnɛfa fea me. Edwirɛ amukoraa bɔ ɔha hyirele wɔ ne, sɛ ɛfa nu bie fea me a, Nyameɛ tua wɔ kerɛ maa ɔbo so!”