Daniel 4:14 - AHYERƐLƐ KRONGRON

¹⁴ Na ɔteane nu serɛserɛ sele kyɛ, ‘Ɛ́mɔbu bakaa ne bɛ́to ase, ná ɛ́mɔpepɛ ye mmaen ne, ɛ́mɔporo ye nyaa ne, ná ɛ́mɔto ye mma ne bɛ́pete; ɛ́mɔma ngaka nemɔ béfi ye bo bɛ́nwati, ná ɛ́mɔma nnomaa nemɔ bétu béfi ye mmaen nemɔ aso.

Daniel 4:14 Iomraidhean Croise

YOB NWOMAA NE 24:20

Koɛsɛen bɔ ɔwole ye ne, ye wora fi ye, ɔkakyi nnɔboakoma mɔ b’aleɛ, mmenia ngaye ye ko, na sɔ yeɛ amumuyɛɛ nu bubu kyɛ bakaa ɔ.

Yeremia 27:5

“Me yeɛ mvale me tumi piri ne me tumi asaa mmɔle aseɛ, so mmenia ne so ngaka ɔ, na mefa mema ebiala bɔ me bɔbɔ mekuro ɔ.

Yeremia 51:6

“Ɛ́mɔnwati béfi Babilɔn, ɛ́mɔma ebiala ɔpepɛ ole ye kra; nnɛmɔmaa ɔnate ye amumuyɛɛ ti ɛmɔ boso nua, ofikyɛ AWURADE ye wereɛtɔlɛ mmerɛ ne ɛhe, na okotua ye so kerɛ.

Yeremia 51:9

Ahaa yɛpena kyɛ yɛsa Babilɔn anwonyerɛ, nakoso wande apɔ. Ɛ́mɔpo ye, ná ɛ́mɔma yɛ nu biala ɔhɔ ye bɔbɔ ye maen nu, ofikyɛ ye ndɛen bɔ babua ye ne, wafo wadwu nyameɛso, na bama so baadwu ewienu dɔ.

Hesekiel 31:10

“Yiti AWURADE Nyameɛ nwa nyoo: Ɔnate kyɛ onyi yɛle tendenn, bɔ ye ti anwuro ɔɔhane munungum ne anu dɔ, ná ɔyɛle ye tendenn nwo anwomasoɛ ne ati,

Daniel 2:21

Ye yeɛ ɔsakyera mmerɛ ne ngyẽa nu ɔ, otu ahemvo mɔ bia so, yeɛ ɔfa ahemvo mɔ sie bia so; ɔma nworɛfoɛ benwu nworɛ, na ɔma bɛ bɔ b’adwene nu pi ɔ benya nimdeɛ;

Daniel 3:4

Yeɛ dawurebɔlɛniɛ ne teane nu serɛserɛ kyɛ, “Maen maen mɔ ee, mmenia ne edwudwolɛ mɔ ee, ahyɛdeɛ ne ole kyɛ,

Daniel 4:12

Ye nyaa yɛle nyemene, so mmaa yɛle pee, na ɔyɛle aleɛ mane ebiala. Eburo ngaka bɛɛlelale ye bo fɔnwoo ne anu, ewienu nnomaa bɛɛtenatenane ye mmaen nemɔ aso, na abɔdeɛ amukoraa benyane so aleɛ belili.

Daniel 4:23

Nana, enwuni wɛmvoɛ krongronniɛ bie bɔ ofili nyameɛso dwu wale oosele kyɛ, ‘Ɛ́mɔbu bakaa ne bɛ́to ase bɛ́sɛkye ye, nakoso ye dosii ndii ne de, ɛ́mɔyakyi ye wɔ aseɛ ne anu, ɛ́mɔfa buralɛ nyamaa ne kɔɔbere nyamaa bɛ́kyekye ye wɔ ndire frɔmfrɔm nu; ná ɛ́mɔma nyameɛso bosue ɔloa ye, ná ɛ́mɔma ɔne eburo ngaka beli aseɛ so ndire ma afoɛ nzoo hɔ bra ɔɔto ye.’

Daniel 4:29

Bosome buru ne nyɔ sone ne, ɛlɛho bie, né ɔnatenate Babilɔn ahemvie berɛ anwuro nekaa bie,

Daniel 5:20

Nakoso mmerɛ bɔ ahandaen wurale ye nu, ná anwomasoɛ maa ɔyɛle dwɛɛ nen, betuli ye befili ye bia so, na belele ye animnyam ne befili ye sa nu.

Daniel 5:21

Bɛfoane ye befili kuro mmenia nu, bɛmane ye adwene yɛle kyɛ kaka adwene, ɔne eburo afunum mɔ bɛɛtenane, bɛmaa olili ndire kyɛ nandwie, na nyameɛso bosue loaloale ye nwonaen, kɔpem kyɛ onwuni kyɛ Anwuro Anwuro Nyameɛ ne yeɛ ole adasa ahennie so tumi ɔ, na sona bɔ okuro biala yeɛ ɔfa ye sie so ɔ.

Mateo 3:10

Bafa akumaa ne babɔ bakaa ne ndii nu dada. Yiti bakaa biala bɔ onzu mmaa paa ne, bekobu ye, ná bagyi bato see nu.

Mateo 7:19

Bakaa biala bɔ onzu mmaa paa nen, bɛpɛ bɛto, na begyi bɛto see nu.

Luka 3:9

Na kekesaala ye po, bafa akumaa ne babɔ bakaa ne ndii nu, na bakaa biala bɔ onzu mmaa paa nen, bɛkɔpɛ bekogyi bɛkɔto see nu.”

Nyekyire 10:3

Na ɔteane nu serɛserɛ kyɛ gyata bɔ ɔbobɔ nu ɔ. Na ɔteane nu nen, agralaa nzoo ne bobɔle nu kurudududu.

Nyekyire 18:2

Na ɔteane nu serɛserɛ kyɛ, “Kuro piri Babilɔn abɔ, wabɔ! Wakakyi sunzummɔne mɔ b’atenaleɛ ne sunzum fiɛ amukoraa b’awuro ne nnomaa bɔ bɛ nwo nde ná bekyi ɔ amukoraa b’atenaleɛ.