Daniel 4:13 - AHYERƐLƐ KRONGRON

¹³ “Bɔ nwuni ye wɔ me laleɛ nu wɔ me mba so ne, mvum nu, wɛmvoɛ krongronniɛ bie fili nyameɛso dwu wale.

Daniel 4:13 Iomraidhean Croise

YOB NWOMAA NE 12:24

Mbanyi bɔ bɛla mmenia noa wɔ aseɛ so ne, ode bɛ nworɛ fi bɛ sa nu, na ɔmaa bemini bekyinikyini ɛserɛ bɔ atee nne so ɔ so.

Edwein 103:20

Ao AWURADE abɔfo mɔ, ɛ́mɔye ye ayɛ: ɛmɔ anwoserɛfoɛ bɔ ɛmɔyɔ ye apɛdeɛ ná ɛmɔyɔ sotie bɛma ye dwirɛ ɔ.

Edwein 89:7

Ɔte Nyameɛ bɔ besuro ye wɔ krongronfoɛ badwa nu ɔ, ɔte piri, na ye nwo yɛ suro tra bɛ bɔ bapɛ ye nwo bayia amukoraa.

Daniel 4:10

Bɔ nwuni ye wɔ me laleɛ ne anu, mmerɛ bɔ né nna mba so ne, ye ɛhe: Nwuni bakaa bie kyɛ ogyi aseɛ afia, na né ɔwale paa.

Daniel 4:17

Sɔ ahyɛdeɛ ne, awɛmvoɛ nemɔ bɛ noa dwirɛ ɛne, krongronfoɛ nemɔ b’agyina bɔ batu hɔ ɛne, amaa ɔnate so ateasefoɛ banwu kyɛ Anwuro Awuroniɛ ne yeɛ ole adasa ahennie so tumi ɔ, ɔfa ma sona biala bɔ okuro ɔ, na adasa nu anwobrɛaseɛfoɛ yeɛ ɔfa bɛ sie so ɔ.’

Daniel 4:23

Nana, enwuni wɛmvoɛ krongronniɛ bie bɔ ofili nyameɛso dwu wale oosele kyɛ, ‘Ɛ́mɔbu bakaa ne bɛ́to ase bɛ́sɛkye ye, nakoso ye dosii ndii ne de, ɛ́mɔyakyi ye wɔ aseɛ ne anu, ɛ́mɔfa buralɛ nyamaa ne kɔɔbere nyamaa bɛ́kyekye ye wɔ ndire frɔmfrɔm nu; ná ɛ́mɔma nyameɛso bosue ɔloa ye, ná ɛ́mɔma ɔne eburo ngaka beli aseɛ so ndire ma afoɛ nzoo hɔ bra ɔɔto ye.’

Daniel 4:5

Ngyene laleɛ bie bɔ ɔmaa nzurole. Laleɛ bɔ ogyinagyinane me nye so wɔ mba ne aso, ɔne bɔ nwuni ye wɔ nu nen, ɔhale me.

Daniel 7:1

Babilɔn hene Bɛlsasa ahennie afoɛ bɔ oli moa ne anu, Daniel hyene laleɛ, na onyane nyekyire wɔ mmerɛ bɔ né ɔla ye bɛen so ɔ. Na afei ɔhyerɛle laleɛ ne, na ɔbɔle nu dwirɛ ne porɛ.

Daniel 7:17

‘Sɔ ngaka mbiri nna nemɔ, bɛ ole ahemvo nna bɔ bɛbaadwɔso aseɛ so ɔ.

Daniel 7:23

“Na ohyirele ye bo kyɛ, ‘Kaka bɔ ɔtɔ so nna ne, ɔkɔyɛ ahennie bɔ ɔtɔ so nna wɔ aseɛ so, nzonzoleɛ kɔwa ye ne ahennie amukoraa nu, okoli aseɛ amukoraa so ngonim, okotiatia so ná wasɛkye ye pasapasa.

Daniel 8:13

Yeɛ ndele kyɛ krongronniɛ bie odwudwo, na krongronniɛ ko koso bisale bɔ odwudwole ne kyɛ, “Daa biala naen yeralɛ afɔleɛ ne, musuebɔlɛ mmeraatolɛ ne, nekaa krongron berɛ bɔ waali ye sa ne, yeɛ ɛlɔen ne bɔ otiatiale bɛ so ne nwo nyekyire ne, mmerɛ beni yeɛ ɔkɔhɔ so koodwu ɔ?”

Sakaria 14:5

Ɛmɔkɔnwati bɛkɔhɔ me mmokaa nemɔ bɛ bɔnza ne anu, ofikyɛ mmokaa nemɔ bɔnza ne kɔtrɛ alaa koodwu Asal. Amba, ɛmɔkɔnwati, kyɛbɔ aseɛwosolɛ maa ɛmɔnwatili wɔ Yuda hene Yusia aberɛ so ne. Na afei AWURADE me Nyameɛ kɔwa, bɔ krongronfoɛ amukoraa bɛboka ye so ɔ.

Mateo 25:31

“Sona Awa ne kɔwa ye animnyam nu bɔ ye abɔfo amukoraa bɛboka ye so ɔ, na ɔkɔtena ye animnyam ahennie bia so.

Marko 1:24

“Yesu Nasarɛteniɛ, nzikyɛ yeɛ yɛne wɔ le yɔ ɔ? Awa kyɛ ɛbaasɛkye yɛ hɔ ɔ? Mese wɔ sona sue, Nyameɛ ye Krongronniɛ ne.”

Luka 4:34

“Yesu bɔ efi Nasarɛte, nnɛba teetee yɛ! Nzikyɛ yeɛ yɛ ne wɔ le yɔ ɔ? Awa kyɛ ɛbaasɛkye yɛ hɔ ɔ? Mese wɔ sona sue, wɔ ole Nyameɛ ye Krongronniɛ ne!”

Deuteronomi 33:2

Ɔnwa: “AWURADE fili Sinai wale, opukyele Sɛre kyɛ eyia tale bɛ so; ɔtale hyireinn fili Paran bokaa ne aso, ɔne krongronfoɛ apee buru yeɛ bɛwale ɔ, see bɔ ogye wuronyiwuronyi wɔ ye sa famaa nu.

Yuda 1:14

Na sɔ mmenia nemɔ yeɛ Henɔke, bɔ ɔte aworɛ ndoatoasoɛ nzoo fi Adam so ne, ɔhyɛle ngɔm fale bɛ nwo kyɛ, “Tie, Awurade ne ye anwoteefoɛ apee apee bɛ́ba;

Nyekyire 14:10

sɔ sona ne koso kɔno Nyameɛ ahonehulɛ nzaa bɔ wahwie ye gyengɔgyengɔ wagua ye yaafɛlɛ kulie nu ne bie; na bɛkɔteetee ye wɔ see ne sɔfe nu wɔ abɔfo krongron mɔ nyunu ne Boaen Ba ne nyunu.