Daniel 4:12 - AHYERƐLƐ KRONGRON

¹² Ye nyaa yɛle nyemene, so mmaa yɛle pee, na ɔyɛle aleɛ mane ebiala. Eburo ngaka bɛɛlelale ye bo fɔnwoo ne anu, ewienu nnomaa bɛɛtenatenane ye mmaen nemɔ aso, na abɔdeɛ amukoraa benyane so aleɛ belili.

Daniel 4:12 Iomraidhean Croise

YOB NWOMAA NE 12:24

Mbanyi bɔ bɛla mmenia noa wɔ aseɛ so ne, ode bɛ nworɛ fi bɛ sa nu, na ɔmaa bemini bekyinikyini ɛserɛ bɔ atee nne so ɔ so.

YOB NWOMAA NE 14:7

“Ofikyɛ bakaa po, anyelasoɛ wɔ berɛ ma ye, kyɛ bɛpɛ ye bɛto a, okosa kɔfefɛ, na okosa konya nyaa foforɛ.

YOB NWOMAA NE 14:9

nakoso sɛ onya nzue kaala pɛ a, ɔfefɛ, na ɔyeye mmaen kyɛ bakaa bɔ batu batɛ ɔ.

Awuye 4:20

Yɛ ngoa nwomeɛ, bɔ yeɛ ole bɔ AWURADE apopa ye ngoo ne, bɛhyele ye wɔ bɛ kumaa nemɔ anu. Ye yeɛ yɛhã yɛfale ye nwo kyɛ, “Ye fɔnwoo ne abo, yeɛ yɛkɔtena wɔ Amaenmaensofoɛ nemɔ anu ɔ.”

Hesekiel 17:23

Yisrael bokaa tendenn ne aso yeɛ ngolua ye ɔ. Ɔkɔyeye mmaen frɔmfrɔm ná wasu mmaa, na ɔkɔyɛ sida bakaa nyemenenyemene. Nnomaa mukoraa bɛkɔtenatena ye bo, na ye mmaen fɔnwoo ne anu yeɛ kaka biala bɔ ole ndaa ɔ ɔkɔnwo ye saen ɔ.

Hesekiel 31:17

Na bɛ bɔ batotɔ ngrandɛ noa, ɔne bɛ bɔ bɛtenane ye bo fɔnwoo nu, wɔ maen maen mɔ nu ne, bɛ koso bɛ ne ye hɔle ɛborɔ dɔ.

Daniel 4:14

Na ɔteane nu serɛserɛ sele kyɛ, ‘Ɛ́mɔbu bakaa ne bɛ́to ase, ná ɛ́mɔpepɛ ye mmaen ne, ɛ́mɔporo ye nyaa ne, ná ɛ́mɔto ye mma ne bɛ́pete; ɛ́mɔma ngaka nemɔ béfi ye bo bɛ́nwati, ná ɛ́mɔma nnomaa nemɔ bétu béfi ye mmaen nemɔ aso.

Mateo 13:32

Ye yeɛ ɔte mmakaammaa mukoraa nu kãa ɔ, nakoso sɛ onyi a, ɔyɛ piri tra kwaanzusuaa sɛso mmakaa mukoraa, na onyi yɛ bakaa ma ewienu nnomaa bayɛ bɛ saen wɔ ye mmaen nemɔ so.”

Marko 13:32

“Nakoso kyẽa ne ne dɔnhwere ne de, ebiala nze, abɔfo mɔ bɔ bɛwɔ nyameɛso po bɛnze, yeɛ Baa ne koso nze, sana Baba ne ngome.

Marko 4:32

Nakoso sɛ bedua a, onyi yɛ piri tra kwaanzusuaa sɛso mmakaa mukoraa. Na ɔyɛ mmaen ngandinga ma ewienu nnomaa bɛkora bɛnwo bɛ saen wɔ ye fɔnwoo ne anu.”

Luka 13:19

Ɔte kyɛ sinapi baa ko bɔ biaa bie fa ooluale ye wɔ ye bondua boo nu ɔ. Onyini yɛle bakaa piri, na ewienu nnomaa bɛnwone bɛ saen wɔ ye mmaen nemɔ aso.”