Daniel 3:8 - AHYERƐLƐ KRONGRON

⁸ Na sɔ mmerɛ ne, Kaldeafoɛ biemɔ bɛɛbɔle Yudafoɛ mɔ kwaadu yeayea.

Daniel 3:8 Iomraidhean Croise

Ɛseta 3:6

Né baha maen horɛ bɔ Modekae fi nu ɔ bahyire Haman, yiti Haman anguro kyɛ okohu ye ngome ɔ. Na mmom Haman bɔle porɛ kyɛ, Modekae aliɛma mɔ Yudafoɛ amukoraa bɔ bɛwɔ Ahasuro ahennie nu ne, okonua bɛ boso.

Daniel 1:4

mmerandeɛ bɔ bellili nnɛen ɔ, anwonyemenefoɛ bɔ bɛse nworɛ, bɔ nimdeɛ ali bɛ ti, bɔ bɛkɔhora bekosua nwomaa, bɔ bɛkɔhora bɛkɔyɔ ɛsolɛ adwuma wɔ Nana ahemvie ɔ, ná ohyirehyire bɛ Kaldeafoɛ dwudwolɛ ne ye hyerɛlɛ.

Daniel 2:10

Yeɛ Kaldeafoɛ nemɔ buale Nana kyɛ, “Ebiala nne aseɛ ye aso bɔ ɔkɔhora konya Nana dwirɛ ne anwo adwene ɔ; ofikyɛ edwirɛ sɔaa de, ɛhene, anaa meneɛ, anaa maenbulɛniɛ biala nne berɛ bɔ wafa wato ngonyaayelɛniɛ, anaa sona bɔ ɔnea nzramaa nu ɔkã nu dwirɛ, anaa Kaldeaniɛ biala nyunu le kyɛ ohyire ye bo ɔ.

Daniel 2:2

Na Nana Nebukadenesa hyɛle kyɛ bɛɛfa ngonyaayelɛfoɛ, bɛ bɔ bɛnea nzramaa nu bɛkã nu dwirɛ, musueyelɛfoɛ ne Kaldeafoɛ ma bɛbra beehyire ye laleɛ nemɔ abo. Yiti bɛwale beegyinane Nana nyunu.

Daniel 3:7

Yiti mmerɛ bɔ mmenia ne amukoraa bɛtele awɛen, dodobɛen, sangoo, bɛnda, atɛndɛbɛn, kyenneɛ ne sangoo ahoroɔ nga nen, maen ne amukoraa, maen maen amukoraa ne edwudwolɛ ahoroɔ amukoraa bebutubutuli berɛ bɛsɔnene sikaa kɔkorɛ amoen bɔ Nana Nebukadenesa wagyina ne.

Daniel 4:7

Yeɛ ngonyaayelɛfoɛ, bɛ bɔ bɛnea nzramaa nu bɛkã nu dwirɛ, Kaldeafoɛ ne ahɔmeɛ bɛwale. Ngane laleɛ ne ngyirele bɛ, nakoso bangora bangyire me ye bo.

Daniel 6:4

Yeɛ mbanyi so neafoɛ nemɔ ne mbɔtam mbanyi nemɔ, bɛpenane ahennie ne bulɛ nwo dwirɛ bɔ ɔkɔma Daniel nwo kɔhyere ye ɔ, nakoso bannya mvomsoɛ anaa ye nwo dwirɛ tɛɛ biala, ofikyɛ né odi nahorɛ, na bannya ye nwo mvomsoɛ anaa bɔne biala.

Asomafoɛ 28:22

Nakoso yɛpena kyɛ ekyire yɛ w’adwene, ɔnate kyɛ yɛse kyɛ nekaa biala mmenia dwudwo tia sɔ som he.”