Daniel 3:4 - AHYERƐLƐ KRONGRON

⁴ Yeɛ dawurebɔlɛniɛ ne teane nu serɛserɛ kyɛ, “Maen maen mɔ ee, mmenia ne edwudwolɛ mɔ ee, ahyɛdeɛ ne ole kyɛ,

Daniel 3:4 Iomraidhean Croise

Ɛseta 8:9

Bosome nza bɔ yeɛ oli Siwan ne anu, ye kyẽa bɔ ɔtɔ so aburanyɔ ne nza ne, bɛfrɛfrɛle Nana Ahasuro ahyerɛlɛfoɛ maa beeyiale. Na edwirɛ biala bɔ Modekae hane ne, bɛhyerɛle maa ɔyɛle mmeraa, na bɛfa bɛɛmane Yudafoɛ, mbɔtam mbanyi, amrado mɔ ne manzini mbanyi bɔ bɛwɔ manzini ɛyaa ko aburanyɔ ne nzoo ne anu, fite Yindia bɔ ɔkwaadwu Yitiopia. Manzini biala, kyɛbɔ ye ahyerɛlɛ te ne, yeɛ mmenia biala, kyɛbɔ bɛ dwudwolɛ te ne, sɔ ala yeɛ bɛhyerɛle krataa ne ɔ, na bɔ bɛfa bɛɛmane Yudafoɛ ne koso, ɔte b’ahyerɛlɛ ne bɛ dwudwolɛ.

Yesaya 40:9

O Sion bɔ ɛso ndɛenvɛen ɔ, fo kɔ bokaa tendenn ne aso; O Yerusalem bɔ ɛso ndɛenvɛen ɔ, tea nu kã ye serɛserɛ, tea nu kã, na nnɛsuro. Kã kyire Yuda nguro nemɔ kyɛ, “Ɛ́mɔtie, ɛmɔ Nyameɛ ne ɛhe!”

Yesaya 58:1

“Tea nu serɛserɛ, nnɛkã wɔ komvi ase, ma wɔ komvi so kyɛ totorobɛndo, kã me maen ye mmeraatolɛ kyire ye, ɔne Yakob bosofoɛ bɛ bɔne kyire bɛ.

Daniel 3:10

Nana, ahyɛ mmeraa kyɛ, sona biala bɔ ɔkɔte awɛen, dodobɛen, sangoo, bɛnda, atɛndɛbɛn, kyenneɛ ne sangoo ahoroɔ nga nen, odi kyɛ obutu berɛ sɔne sikaa kɔkorɛ amoen ne;

Daniel 3:3

Yeɛ mbɔtam mbanyi, mbanyi mɔ, amrado mɔ, foɛtulɛfoɛ, fotoɛsoneafoɛ, badwafoɛ, ndɛenbualɛfoɛ ne aseɛ nemɔ aso mbanyi amukoraa beeyiale nu, ɔnate amoen bɔ Nana Nebukadenesa wagyina bɔ ɔbaala ye ali ne ati, na begyinagyinane amoen bɔ Nebukadenesa wagyina ne anyunu berɛ.

Daniel 3:7

Yiti mmerɛ bɔ mmenia ne amukoraa bɛtele awɛen, dodobɛen, sangoo, bɛnda, atɛndɛbɛn, kyenneɛ ne sangoo ahoroɔ nga nen, maen ne amukoraa, maen maen amukoraa ne edwudwolɛ ahoroɔ amukoraa bebutubutuli berɛ bɛsɔnene sikaa kɔkorɛ amoen bɔ Nana Nebukadenesa wagyina ne.

Daniel 4:1

Nana Nebukadenesa noa dwirɛ bɔ ɔfa kɔma maen maen amukoraa, mmenia mukoraa ne edwudwolɛ amukoraa bɔ bɛwɔ aseɛ so ne, ye ɛhe: Ngɔsoɛ pee ɔbra ɛmɔ asetena oo!

Daniel 4:14

Na ɔteane nu serɛserɛ sele kyɛ, ‘Ɛ́mɔbu bakaa ne bɛ́to ase, ná ɛ́mɔpepɛ ye mmaen ne, ɛ́mɔporo ye nyaa ne, ná ɛ́mɔto ye mma ne bɛ́pete; ɛ́mɔma ngaka nemɔ béfi ye bo bɛ́nwati, ná ɛ́mɔma nnomaa nemɔ bétu béfi ye mmaen nemɔ aso.

Daniel 6:25

Yeɛ Nana Dario hyerɛle krataa ɔɔmane maen maen, mmenia ne edwudwolɛ amukoraa bɔ bɛwɔ aseɛ so amukoraa ɔ kyɛ, “Ngɔsoɛ pee ɔbra ɛmɔ asetena oo!

Hosea 5:11

Bɛhyɛ Efraim so, babua ye fɔ wɔ ndɛenbualɛ nu, ofikyɛ ɔhyɛle da lili mmeraa mbaen mbaen si.

Mika 6:16

Ofikyɛ edi Omri ahyɛdeɛ so, ɔne Ahabo boso ama yɔleɛ amukoraa so, yeɛ ɛmɔdi bɛ foɛtulɛ so. Ɔnate so ngɔmaa ɛkɔyɛ pasapasa, na ngɔma wɔ nu ama bɛkɔkakyi ngorohoɛ nikye. Yiti ɛmɔkɔsoa me maen animguaseɛ.

Nyekyire 5:9

Na bɛtole dwein foforɛ bie kyɛ, “Ɛfata kyɛ ede nwomaa bɔ babobɔ ne ná ebukye ye nzɔanoɛ nemɔ ɔ; ofikyɛ behuni wɔ, na afa wɔ mogya atɔ adasa mmaa ama Nyameɛ afi mmusua kure ne edwudwolɛ ne mmenia ne maen biala nu,