Daniel 3:29 - AHYERƐLƐ KRONGRON

²⁹ Yiti, méhyɛ mmeraa kyɛ, maen, mmenia anaa edwudwolɛ biala bɔ ɔkɔhã dwirɛ kotia Sadrake, Mesake ne Abedinego Nyameɛ ne nen, ngɔmaa bɛkɔtete ye nu pasapasa, na bɛkɔfa ye awuro bɛkɔkakyi fofoɛ; ofikyɛ nyameɛ biala nne berɛ bɔ ɔkora pepɛ de sona sɔaa ɔ.”

Daniel 3:29 Iomraidhean Croise

2 Ahemvo 10:27

Bɛsɛkyele Baal bonima ne. Baal asɔneyɛɛ sua ne, bedwirili beguale ase, na bɛfa bɛkakyili nekaa bɔ bɛkɔ bondua ɔ maa waadwu ɛnɛ.

Ɛsra 6:11

Masa mahyɛ mmeraa koso kyɛ, ebiala bɔ okotu sɔ mmeraa ne kogua ne, bɛkɔye ye awuro nu mbuna ko, bekosinzi ye noa bɛkɔfa bɛkɔpena berɛ, ná bafa ye basina so, na bɛkɔfa ye awuro ne bɛkɔkakyi fofoɛ.

Edwein 3:8

Ngoalelɛ fi AWURADE berɛ; wɔ saleɛ ne, maa ɔbra wɔ mmenia so! Sela

Edwein 76:10

“Amba, mmenia yaafɛlɛ po, ɔkakyi ayɛyelɛ ma wɔ; wɔ yaafɛlɛ piri ne, ɛfa ye ngaa bɔ abɔsoɛ.

Daniel 1:19

Yeɛ Nana ne bɛ lili ngɔmɔ, na onwuni kyɛ ebiala nne berɛ bɔ ɔte kyɛ Daniel, Hanania, Misael ne Asaria wɔ bɛ mukoraa bɛ nu ɔ; yiti bɛmaa begyinane Nana nyunu bɛsole ye.

Daniel 1:7

Yeɛ sayɛɛ panyi ne totole bɛ dumaa: Ɔtole Daniel dumaa Beltesasa, ɔtole Hanania dumaa Sadrake, ɔtole Misael dumaa Mesake, yeɛ ɔtole Asaria dumaa Abedinego.

Daniel 2:17

Afei Daniel hɔle ye awuro, ɔɔbɔle ye mmango Hanania, Misael ne Asaria amaneɛ,

Daniel 2:47

Afei ɛhene ne sele Daniel kyɛ, “Nahorɛ nu, ɛmɔ Nyameɛ ne, ɔte nyameɛ mɔ nu Nyameɛ ne ahemvo mɔ nu Meneɛ, ɔne Nyameɛ bɔ ɔda mvealeɛ nu dwirɛ ali ɔ, ofikyɛ ahora ala sɔ mvealeɛ nu dwirɛ he ali.”

Daniel 2:49

Afei Daniel srɛle ɛhene ne maa ɔfale Sadrake, Mesake ne Abedinego yɛle Babilɔn maen ne anu amukoraa so neafoɛ; na Daniel de, ɔtenane Nana ahemvie berɛ.

Daniel 2:5

Yeɛ Nana buale Kaldeafoɛ nemɔ kyɛ, “Me de, edwirɛ bɔ mahã ne ala yeɛ mahã ɔ: Sɛ ɛmɔanga laleɛ ne bangyire me, ná ɛmɔangyire me ye bo a, ngɔmaa bɛkɔtete ɛmɔ nu pasapasa, yeɛ bɛkɔkakyi ɛmɔ awuro mɔ fofoɛ so.

Daniel 3:12

Nana, Yudafoɛ biemɔ wɔ berɛ bɔ atu bɛ asie berɛ kyɛ bɛnea Babilɔn maen ne aso ɔ, bɔ bɛ ole Sadrake, Mesake ne Abedinego ɔ. Nana, sɔ mmenia nemɔ bɛmva wɔ dwirɛ bɛnyɛ huu oo; bɛnzɔne wɔ nyameɛ nemɔ, yeɛ bɛnzɔne sikaa kɔkorɛ amoen bɔ agyina ne.”

Daniel 3:15

Afei de, sɛ ɛmɔaboaboa ɛmɔ nwo kyɛ sɛ ɛmɔte awɛen, dodobɛen, sangoo, bɛnda, atɛndɛbɛn, kyenneɛ ne sangoo ahoroɔ nga a, ɛmɔkobutu berɛ bɛkɔsɔne amoen bɔ magyina ne a, ye de ɛmɔ nwo sonn. Nakoso sɛ ɛmɔanzɔne ye de a, ye de bekofindi ɛmɔ bekogua see bɔ ogye wuronyiwuronyi wɔ foonoo nu ne anu; na nyameɛ beni yeɛ ɔkɔhora kɔpepɛ kole ɛmɔ kofi me sa nu ɔ?”

Daniel 3:17

Na sɛ ɔte sɔ de a, ye de yɛ Nyameɛ bɔ yɛso ye ne, ɔkɔhora kɔpepɛ kole yɛ kofi see bɔ ogye wuronyiwuronyi wɔ foonoo nu ne anu; na Nana, ɔkɔpepɛ kole yɛ kofi wɔ sa nu.

Daniel 3:28

Yeɛ Nebukadenesa sele kyɛ, “Sadrake, Mesake ne Abedinego Nyameɛ bɔ wasoma ye abɔfo maa waapepɛ wale ye somvoɛ mɔ bɔ bɛfale bɛ wora bewurale ye nu ne, animnyam hã ye. Bɛ yeɛ behwi bɛfale me, Nana, me mmeraa so ɔ, na bɛfale bɛ ngoa bɛtole serewa, bɔ banzo anaa banzɔne nyameɛ biala ɔ, sana bɛ bɔbɔ bɛ Nyameɛ.

Daniel 6:28

Yiti Daniel he, onyane ngɔsoɛ wɔ Dario ahennie aberɛ so ne Pɛsianiɛ Karose ahennie aberɛ so.

Deuteronomi 32:31

Ofikyɛ bɛ nyɔbotaen ne, ɔtte kyɛ yɛ Nyɔbotaen ne, na yɛ pɔfoɛ mɔ bɔbɔ po bɛse.