Daniel 3:26 - AHYERƐLƐ KRONGRON

²⁶ Yeɛ Nebukadenesa pingyele see bɔ ogye wuronyiwuronyi wɔ foonoo ne anu ne, na osele kyɛ, “Sadrake, Mesake ne Abedinego, Anwuro Anwuro Nyameɛ ye somvoɛ mɔ, ɛ́mɔfi nu béfite bɛbra!” Yeɛ Sadrake, Mesake ne Abedinego befili see ne anu befitele.

Daniel 3:26 Iomraidhean Croise

Gyenesise 14:18

Na Salem hene Mɛlkisɛdɛke bɔ né ɔte Anwuro Anwuro Nyameɛ sɔfo nen, ɔfale paanoo ne bobe nzaa brɛle Abram.

1 Ahemvo 8:51

(Ofikyɛ bɛte wɔ maen ne w’agyapadeɛ, bɔ Misraim bɔ ɔte kyɛ buralɛ afaa hyerɛhyerɛ ne, ɛyele bɛ fili nu ɔ).

Ɛsra 5:11

Na mmuayɛɛ bɔ bɛfa bɛmane yɛ ɛhe, ‘Anwuro ne aseɛ Nyameɛ ne, yɛte ye ngoaa. Yɛsa yɛsi awuro bɔ daa tetetete besili, bɔ ɔte awuro bɔ Yisrael hene piri bie osi yiele korakora ɔ.

Edwein 66:12

Amaa mmenia bahwi bafa yɛ ti so, yɛfale see nu ne nzue nu, nakoso aye yɛ afite afa yɛ awa nekaa bɔ anwonya pee wɔ ɔ.

Yesaya 28:16

Yiti AWURADE Nyameɛ nwa nyoo: “Ɛ́mɔtie, méfa nyɔboɛ bie méto fapem wɔ Sion, nyɔboɛ bɔ maso manea, ndweasoɛ nyɔboɛ bɔ ye nyɔboɛ yɛ se bɔ otimu berɛ pindinn ɔ: ‘Ebiala bɔ ɔkɔfa ye nwo kɔto so ne, ɔngɔte ngɔtɔ.’

Yesaya 52:12

Ɛmɔngofi berɛ bɛngɔhɔ ye ndɛndɛ so, yeɛ ɛmɔngɔnwati bɛngɔhɔ, ofikyɛ AWURADE koli ɛmɔ nyunu, yeɛ Yisrael Nyameɛ ne kogyina ɛmɔ si.

Yeremia 11:4

apam bɔ nhyehyɛle mane ɛmɔ nana mɔ mmerɛ bɔ nyele bɛ mvili Misraim aseɛ so, buralɛ foonoo nu ne. Na ngane kyɛ, ɛ́mɔtie me dwirɛ, na ɛ́mɔli ahyɛdeɛ amukoraa bɔ mafa mama ɛmɔ ne aso. Ɔba ye sɔ a, ɛmɔkɔyɛ me maen, ná me koso mayɛ ɛmɔ Nyameɛ,

Daniel 2:47

Afei ɛhene ne sele Daniel kyɛ, “Nahorɛ nu, ɛmɔ Nyameɛ ne, ɔte nyameɛ mɔ nu Nyameɛ ne ahemvo mɔ nu Meneɛ, ɔne Nyameɛ bɔ ɔda mvealeɛ nu dwirɛ ali ɔ, ofikyɛ ahora ala sɔ mvealeɛ nu dwirɛ he ali.”

Daniel 3:17

Na sɛ ɔte sɔ de a, ye de yɛ Nyameɛ bɔ yɛso ye ne, ɔkɔhora kɔpepɛ kole yɛ kofi see bɔ ogye wuronyiwuronyi wɔ foonoo nu ne anu; na Nana, ɔkɔpepɛ kole yɛ kofi wɔ sa nu.

Daniel 4:2

Nzɛngyerɛnneɛ ne anwanwadeɛ bɔ Anwuro Anwuro Nyameɛ ne wayɔ wama me ne, ɔyɛ me fɛ kyɛ ngɔfa ngɔto dwaa ɔ.

Daniel 6:20

Na opingyele tuin ne anwo berɛ nen, ole ahunundetelɛ teane nu frɛle Daniel, na osele Daniel kyɛ, “Daniel, Nyameɛ teasefoɛ somvoɛ ee, wɔ Nyameɛ bɔ ɛso ye daa ne, wahora wapepɛ wale wɔ wafi gyata nemɔ bɛ sa nu anaa?”

Daniel 6:21

Yeɛ Daniel buale ɛhene ne kyɛ, “Nana, wɔ ngoa so oo!

Daniel 7:25

Okodwudwo kotia Anwuro Anwuroniɛ ne, ɔkɔmaa Anwuro Anwuroniɛ n’anwoteefoɛ nemɔ bekoli amia, na ɔkɔyɛ ye adwene kyɛ ɔkɔsesã mmerɛ ne mmeraa, na bɛkɔfa anwoteefoɛ nemɔ bekowura ye sa afoɛ ko, afoɛ nyɔ ne bosome nzia.

Asomafoɛ 16:17

Olili Pɔɔlo ne yɛ si teateane nu kyɛ, “Sɔ mmenia hemɔ bɛte Anwuro Anwuro Nyameɛ ne ngoaa bɔ bekyire ɛmɔ ngoalelɛ atee ne ɔ.”

Asomafoɛ 16:37

Nakoso Pɔɔlo sele bɛ kyɛ, “Bammua yɛ ndɛen wɔ bɔne biala nwo, yeɛ bafi yɛ mbire wɔ mmenia nu wɔ aberɛ bɔ yɛte Romanfoɛ ɔ, na bɛfale yɛ beguale kuku nu. Afei de, bɛ́fea bɛ nwo bɛye yɛ maa yɛkɔ anaa. Daabi, yɛngɔhɔ! Ma bɛ bɔbɔ bɛbra bɛɛye yɛ.”

Asomafoɛ 27:23

Ɔnate kyɛ, ɛnɛ kɔngɔen ye, Nyameɛ bɔ nde ye deɛ ná meso ye n’abɔfo wale me berɛ,

Galatiafoɛ 1:10

Afei, kuro sona, anaa Nyameɛ yeɛ mepena kyɛ ɔkamvo me ɔ? Anaa mepena kyɛ mesɔ adasa nye? Sɛ kuro sona yeɛ ngu so mesɔ ye nye a, ahaa nnde Kristo akoaa.

Deuteronomi 4:20

Nakoso ɛmɔ de, AWURADE afa ɛmɔ, na waye ɛmɔ wafi buralɛ afaa hyerɛhyerɛ nu, mekyire Misraim, kyɛ ɛmɔɔyɛ ye bɔbɔ deinn ye deɛ, kyɛbɔ kekesaala ye ɛmɔte ye.

Yosua 3:17

Mmerɛ bɔ né Yisraelfoɛ amukoraati bɛnate aseɛ wosee so bɛ́pɛ nu bɛ́kɔ nen, né asɔfo mɔ bɔ bɛsõ AWURADE apam alaka ne gyigyi aseɛ wosee so pindinn wɔ asue Yɔɔdan afia, kɔpem kyɛ maen ne amukoraati pɛle asue Yɔɔdan yiele ɔ.

Yosua 4:10

Asɔfo mɔ bɔ né bɛsõ alaka nen, begyinane Yɔɔdan afia toonn, kɔpem kyɛ edwirɛ bɔ AWURADE hyɛle Yosua kyɛ ɔha hyire mmenia nen, mmenia ne yɔle ye mukoraati yiele ɔ, kyɛbɔ Mose hyɛle kyɛ Yosua ɔyɔ ne amukoraa. Na mmenia ne hane bɛ nwo bɛpɛle asue ne.

Nyekyire 19:5

Na komviɛ bie fili ahennie bia ne anu teane nu kyɛ, “Ɛ́mɔye yɛ Nyameɛ ayɛ, ɛmɔ bɔ ɛmɔte ye ngoaa ne ɛmɔ bɔ ɛmɔsuro ye amukoraa, kwahweabaa mɔ ne atitire!”