Daniel 3:25 - AHYERƐLƐ KRONGRON

²⁵ Yeɛ osele kyɛ, “Nakoso menwu mmenia nna bɔ basangye bɛ ɔ bɔ bɛnatenate see ne anu ɔ. Nikye fee ɔyyɔle bɛ, na ko bɔ ɔtɔ so nna ne de, ye sue te kyɛ nyameɛ mɔ bɛ wa bie.”

Daniel 3:25 Iomraidhean Croise

YOB NWOMAA NE 1:6

Ɛlɛho bie, Nyameɛ mma mɔ wale beegyinagyinane AWURADE nyunu, na Satan koso ɔfrale bɛ nu hɔle berɛ bie.

YOB NWOMAA NE 38:7

mmerɛ bɔ ngyerɛmɔ nzramaa mɔ bɛbɔle nu bɛtole dwein, bɔ nyameɛso ama mukoraa belili ahurusi ne?

YOB NWOMAA NE 5:19

Ɔkɔye wɔ kofi amaneɛ sɔ alaa nzia nu, yoo, na bɔ ɔtɔ so nzoo ne anu, edwirɛ biala ngɔto wɔ.

Edwein 34:7

Bɛ bɔ besuro AWURADE ne, ye abɔfo bɔ bɛ nwo waen bra yia, na ɔpepɛ de bɛ.

Anyandera 30:4

Nwa yeɛ wafo wahɔ nyameɛso ná wadwu wawa ɔ? Nwa yeɛ waboaboa mvrama noa wɔ ye sa nu ɔ? Nwa yeɛ ɔfa ɛtena ɔbɔ nzue mɔ nonongu ɔ? Nwa yeɛ wafa aseɛ ye ti ne ye ti amukoraa wasiesie berɛ ɔ? Ye dumaa li sɛɛ, yeɛ ɔwa wora ye dumaa li sɛɛ? Sɛ ɛse a, kã kyire me e!

Yesaya 43:2

Sɛ ɛnate nzue nu a, me ne wɔ yeɛ yɛwɔ berɛ ɔ, sɛ ɛpɛ asue mɔ a, bɛngɔfa wɔ ngɔhɔ; sɛ ɛnate see nu a, ɔngɔyera wɔ, na ye gyelɛ wuronyiwuronyi ne, ɔngɔyera wɔ.

Yeremia 1:19

Bɛkɔho bekotia wɔ, nakoso bɛngɔhora bengoli wɔ so ngonim, ofikyɛ ngyi wɔ si, na ngɔpepɛ ngole wɔ, AWURADE noa dwirɛ ɛne.

Yeremia 1:8

Nnɛsuro bɛ nyunu, ngyi wɔ si, na ngɔpepɛ ngole wɔ,” AWURADE noa dwirɛ ɛne.

Yeremia 15:21

Ngɔpepɛ ngole wɔ ngofi bɔnefoɛ mɔ sa nu, na ngɔpɔ wɔ ngofi atianuserɛfoɛ bɛ sa nu.

Daniel 3:18

Nakoso Nana, sɛ wanne yɛ po a, yɛ́maa enwu ye kyɛ yɛngɔso wɔ nyameɛ nemɔ, yeɛ yɛngɔsɔne sikaa kɔkorɛ amoen bɔ agyina ne.”

Daniel 3:24

Yeɛ ɔyɛle Nana Nebukadenesa nwanwa, na odwɔsole ndɛndɛ so, na obisale ye foɛtulɛfoɛ nemɔ kyɛ, “Aso nna mmienzua nza yeɛ yɛkyekyele bɛ yɛgyili bɛ yɛguale see ne anu ɔ?” Yeɛ bebuale Nana kyɛ, “Nana, ɔte nahorɛ.”

Daniel 3:28

Yeɛ Nebukadenesa sele kyɛ, “Sadrake, Mesake ne Abedinego Nyameɛ bɔ wasoma ye abɔfo maa waapepɛ wale ye somvoɛ mɔ bɔ bɛfale bɛ wora bewurale ye nu ne, animnyam hã ye. Bɛ yeɛ behwi bɛfale me, Nana, me mmeraa so ɔ, na bɛfale bɛ ngoa bɛtole serewa, bɔ banzo anaa banzɔne nyameɛ biala ɔ, sana bɛ bɔbɔ bɛ Nyameɛ.

Daniel 6:23

Yeɛ ɔyɛle ɛhene ne fɛ paa, na ɔhyɛle kyɛ bɛye Daniel befi tuin ne anu. Yiti bɛyele Daniel befili tuin ne anu, na bannwu kyɛ ye nwo nekaa biala wapuropuro ɔ, ofikyɛ ɔfale ye wora wurale ye Nyameɛ nu.

Marko 16:18

bɛkɔma ewoo mɔ so, na sɛ bɛno nikyee biala bɔ ɛborɔ wɔ nu a, ɔngɔyɔ bɛ huu; bɛkɔfa bɛ sa bekogua ayarefoɛ so maa bɛkɔte apɔ.”

Luka 1:35

Na abɔfo ne buale ye kyɛ, “Sunzum Krongron ne kɔwa wɔ so, na Anwuro Anwuroniɛ ne, ye tumi komundu wɔ so; yiti baa krongron bɔ ɛkɔwo ye ne, bɛkɔfrɛ ye Nyameɛ Awa.

Asomafoɛ 28:5

Nakoso ɔpetene ewoo ne tole see ne anu bɔ ɛhwee anyɛ ye (Pɔɔlo) ɔ.

Romanfoɛ 1:4

bɔ bafa tumi baye ye bahyire kyɛ Nyameɛ Awa, kyɛbɔ anwotelɛ Sunzum te ne, awufoɛ tingyelɛ nu, Yesu Kristo, yɛ Awurade,

1 Petro 3:13

Na sɛ ɛmɔfa besie ɛmɔ nye so kyɛ ɛmɔyɔ bɔ ɔte paa a, nwa yeɛ ɔkɔha ɛmɔ ɔ?