Daniel 3:24 - AHYERƐLƐ KRONGRON

²⁴ Yeɛ ɔyɛle Nana Nebukadenesa nwanwa, na odwɔsole ndɛndɛ so, na obisale ye foɛtulɛfoɛ nemɔ kyɛ, “Aso nna mmienzua nza yeɛ yɛkyekyele bɛ yɛgyili bɛ yɛguale see ne anu ɔ?” Yeɛ bebuale Nana kyɛ, “Nana, ɔte nahorɛ.”

Daniel 3:24 Iomraidhean Croise

2 Aberɛso Dwirɛ 22:4

Ɔyɔle bɔ ɔte bɔne wɔ AWURADE nyunu ɔ, kyɛbɔ Ahabo boso ama bɛyɔle ne ala. Ofikyɛ ye baba wue asi ne, Ahabo boso ama yeɛ bɛyɛle ye foɛtulɛfoɛ ɔ. Na bɛ foɛ bɔ betuli ye ne, wammoka ye koraa.

Daniel 3:17

Na sɛ ɔte sɔ de a, ye de yɛ Nyameɛ bɔ yɛso ye ne, ɔkɔhora kɔpepɛ kole yɛ kofi see bɔ ogye wuronyiwuronyi wɔ foonoo nu ne anu; na Nana, ɔkɔpepɛ kole yɛ kofi wɔ sa nu.

Daniel 3:23

Na sɔ mmienzua nza ne, bɔ bɛ ole Sadrake, Mesake ne Abedinego bɔ né bakyekye bɛ ne, bɛte beguale see bɔ ogye wuronyiwuronyi wɔ foonoo nu ne anu.

Daniel 3:25

Yeɛ osele kyɛ, “Nakoso menwu mmenia nna bɔ basangye bɛ ɔ bɔ bɛnatenate see ne anu ɔ. Nikye fee ɔyyɔle bɛ, na ko bɔ ɔtɔ so nna ne de, ye sue te kyɛ nyameɛ mɔ bɛ wa bie.”

Daniel 4:22

Nana, wɔ ɛne. Wɔ yeɛ anyi ná anya anwoserɛ ne. W’anwoserɛ ne anyi, na watrɛ waadwu nyameɛso, na wɔ tumi ne waadwu aseɛ so nekaa biala.

Daniel 4:27

Yiti Nana, me foɛ bɔ mebaatu wɔ ye, de to nu: Bɔ bra bɔ ɔtengyɛ ɔ ná yakyi bɔne yɔlɛ; nwu bɛ bɔ bɛyɛ anwumvo ɔ anwumvoin, ná yakyi amumuyɛɛ yɔlɛ, amaa ɔnate so ebiaa né wɔ so anu atɔ wɔ ahyɛ.”

Daniel 5:18

Nana, Anwuro Anwuro Nyameɛ ne, ɔfale ahennie mane wɔ baba Nebukadenesa, ɔmaa ɔyɛle titire, na ɔmaa onyane anidie ne animnyam;

Daniel 5:6

Yeɛ ɛhene ne nyunu tole, ye nwo dwirili ye, ye nwo yɛle ye hodwoo, na ye nangoroma kekã bɔle nu biribiribiri.

Daniel 6:22

Me Nyameɛ wasoma ye abɔfo maa waahã gyata nemɔ bɛ noa wato nu, yiti banyɔ me huu, ofikyɛ wanwu me kyɛ medi be wɔ ye nyunu; yeɛ Nana, wɔ nyunu koso nnyɔle bɔne biala.”

Daniel 6:7

Yɛ, ahennie ye anu mbanyi so neafoɛ mɔ, mbanyi, mbɔtam mbanyi, foɛtulɛfoɛ ne amrado mɔ amukoraa bahã bɛ ti bapura, kyɛ odi kyɛ Nana hyɛ mmeraa, ná ɔbra ye kitii kyɛ, eleburasa ye anu, sona biala bɔ ɔkɔfa ye abisadeɛ kɔto nyameɛ bie anaa sona bie nyunu ne, odi kyɛ begyi ye bɛto gyata nemɔ bɛ tuin ne anu; Nana, sana wɔ ngome wɔ nyunu yeɛ odi kyɛ ɔfa to ɔ.

Asomafoɛ 12:13

Petro bɔle dwaaso anoa ne anu, na abaayaa somvoɛ bie bɔ bɛfrɛ ye Roda wale kyɛ ɔbaanea sona horɛ.

Asomafoɛ 26:13

Atee ne anu, eyiagyina, Nana, yeɛ nwuni kyɛ kanea bie bɔ ɔta tra eyia fi nyameɛso wale ɔɔpɛle me ne me mmango bɔ me ne bɛ nate ne nwo bra yiale ɔ.

Asomafoɛ 26:27

Nana Agripa, aso ede ngɔmhyɛlɛfoɛ nemɔ dwirɛ di? Mese kyɛ ede di.”

Asomafoɛ 9:6

nakoso dwɔso ná kɔ kuro ne anu dɔ, na bɛkɔhã bɔ ɔsɛ kyɛ ɛyɔ ɔ bekohyire wɔ.”

1 Samuel 17:55

Mmerɛ bɔ Sɔɔlo nwuni Dawide kyɛ ɔkwaayia Filistiniɛ ne ɔne ye bɛko ne, obisale safohene Abenɛ kyɛ, “Sɔ aberandeɛ he, nwa awa ɛne?” Na Abenɛ buale kyɛ, “Nana, meta wɔ ndaen kyɛ menze.”