Daniel 3:2 - AHYERƐLƐ KRONGRON

² Yeɛ Nana Nebukadenesa somane maa bɛɛfale mbɔtam mbanyi, mbanyi mɔ, amrado mɔ, foɛtulɛfoɛ, fotoɛsoneafoɛ, badwafoɛ, ndɛenbualɛfoɛ ne mbɔtam nemɔ aso mbanyi amukoraa, kyɛ amoen bɔ Nana Nebukadenesa wagyina bɔ ɔbaala ye ali ne, bɛbra berɛ bie.

Daniel 3:2 Iomraidhean Croise

1 Ahemvo 12:32

Aluolue bɔ né bedi ye wɔ Yuda wɔ bosome mmɔtwɛ ne anu, ye kyẽa bɔ ɔtɔ so buru ne nnu ne, Yeroboam hyehyɛle sɔ aluolue ne bie. Na ɔbobɔle afɔleɛ wɔ afɔleɛ bokyea so. Sɔ ala yeɛ ɔyɔle ye wɔ Betel ɔ, na ɔbɔle afɔleɛ mane nandwie mmaa bɔ wayɔ nemɔ. Na asɔneyɛɛ sua bɔ osisili ne, bɛ sɔfo nemɔ, ɔmaa bɛtenane Betel.

Anyandera 29:12

Maenbulɛniɛ bɔ otie ngondombo dwirɛ ne, ye mbanyi amukoraa bɛyɛ bɔnefoɛ.

Daniel 3:27

Yeɛ mbɔtam mbanyi, mbanyi, amrado mɔ ne Nana foɛtulɛfoɛ mɔ bɛbɔle nu bɛɛneane, na benwuni kyɛ see ne wannya sɔ mmenia nemɔ nwonaen so tumi, bɛ ti nwiaa anyera, b’ataadeɛ ne anyɛ hoyaa, yeɛ nwosina po mmo bɛ nwo.

Daniel 3:3

Yeɛ mbɔtam mbanyi, mbanyi mɔ, amrado mɔ, foɛtulɛfoɛ, fotoɛsoneafoɛ, badwafoɛ, ndɛenbualɛfoɛ ne aseɛ nemɔ aso mbanyi amukoraa beeyiale nu, ɔnate amoen bɔ Nana Nebukadenesa wagyina bɔ ɔbaala ye ali ne ati, na begyinagyinane amoen bɔ Nebukadenesa wagyina ne anyunu berɛ.

Numeri 25:2

Moabo mmrasua nemɔ hwehwene Yisraelfoɛ hɔle Moabo mmosoen sɔnenɛ nu. Yisraelfoɛ lili mmosoen so aleɛ ne bie, na bɛkotole bɛ mmosoen nemɔ.

Nyekyire 17:2

Ye yeɛ ewiase ahemvo mɔ bɛne ye babɔ adwaman, ná ye adwamanbɔlɛ nzaa ne wabobo aseɛsofoɛ ɔ.”

Maenbulɛfoɛ 16:23

Afei Filistifoɛ mbanyi bɔle dwaa kyɛ bɛbɔ afɔleɛ kandinga bɛma bɛ nyameɛ Dagɔn, ná bɛgye bɛ nye; ofikyɛ bɛhane kyɛ, “Yɛ nyameɛ yeɛ wafa yɛ pɔfoɛ Samson wawura yɛ sa ɔ.”