Daniel 3:19 - AHYERƐLƐ KRONGRON

¹⁹ Yeɛ Nebukadenesa fɛle yaa hahii, na omunane Sadrake, Mesake ne Abedinego so paa. Na ɔhyɛle kyɛ behua foonoo see ne anu paa ma nu ɔyɛ hye pɛen nzoo ɔtra kyɛbɔ ɔyɛ a ye hyerɛ te ne.

Daniel 3:19 Iomraidhean Croise

Gyenesise 31:2

Onwuni kyɛ Laban olle ye nwo adwene paa kyɛ daa ne ko.

Ɛseta 3:5

Haman nwuni kyɛ Modekae ngoto ye mmɔ ye ti ase mma ye nen, Haman ahone huli.

Ɛseta 7:7

Yeɛ Nana Ahasuro le ɛyaa dwɔsole fili ɛpoentolɛ ne abo, na ɔhɔle ahemvie turo ne anu, nakoso Haman de, ɔhale berɛ srɛle Nana hemmaa Ɛseta kyɛ onwu ye anwumvoin ole ye ngoa, ofikyɛ onwuni kyɛ Nana Ahasuro wayɛ ye adwene kyɛ ɔkɔma edwirɛ piri paa kɔto ye.

Edwein 76:10

“Amba, mmenia yaafɛlɛ po, ɔkakyi ayɛyelɛ ma wɔ; wɔ yaafɛlɛ piri ne, ɛfa ye ngaa bɔ abɔsoɛ.

Anyandera 16:14

Ɛhene ahonehulɛ te ewue bɔfoɛ, nakoso nworɛniɛ ma ahone ne tɔ nzue nu.

Anyandera 21:24

Anwomasoɛniɛ bɔ otu ye nwo ne, ye dumaa ole ngorohoɛniɛ, na ɔbɔ ye bra anwomasoɛ ndrasoɛ nu.

Yesaya 51:23

Na ngɔfa ngowura bɛ bɔ bɛhyɛ wɔ so nemɔ bɛ sa nu, bɛ bɔ bahã bahyire wɔ kyɛ, ‘Da berɛ ma yɛtiatia wɔ so yɛhɔ’ ne; na ɛfale wɔ si yɛle kyɛ aseɛnwo, yeɛ ɛfa yɛle kyɛ atee maa bɛfale so.”

Daniel 2:12

Na ɔnate sɔ ati, Nana fɛle yaa, na ye nye borole, na ɔhyɛle kyɛ behũhũ Babilɔn nworɛfoɛ amukoraa.

Daniel 3:13

Yeɛ Nebukadenesa fɛle yaa hahii hyɛle kyɛ bɛɛfa Sadrake, Mesake ne Abedinego bɛbra. Na bɛɛfale sɔ mmenia ne bɛwale Nana nyunu.

Daniel 3:20

Afei ɔhyɛle ye asraafoɛ mmienzua anwoserɛfoɛ nemɔ bie, kyɛ bɛkyekye Sadrake, Mesake ne Abedinego bɛfa bɛ beegua see bɔ ogye wuronyiwuronyi wɔ foonoo nu ne anu.

Daniel 5:6

Yeɛ ɛhene ne nyunu tole, ye nwo dwirili ye, ye nwo yɛle ye hodwoo, na ye nangoroma kekã bɔle nu biribiribiri.

Daniel 6:24

Yeɛ ɛhene ne hyɛle maa bɛɛfale mmenia bɔ bɛbɔle Daniel kwaadu ne bɛwale, na ɔmaa beegyili bɛ beguale gyata mɔ bɛ tuin ne anu, bɛ ne bɛ mma ne bɛ ye mɔ; na bandwu tuin ne abo dɔ po yeɛ gyata nemɔ hyele bɛ ɔ, na bɛgorɔgorɔle bɛ mmowue mukoraa nu pasapasa.

Lewitikɔso 26:18

Na sɛ ɛhe amukoraa si ye po, ɛmɔanyɛ sotie bamma me a, ɔnate ɛmɔ bɔne ti, ngɔhɔ so ngɔhwe ɛmɔ so mmɔhoɛ nzoo.

Lewitikɔso 26:21

“Sɛ ɛmɔkɔso bedwɔso betia me, na ɛmɔandie me dwirɛ a, ɔnate ɛmɔ bɔne ti, ngɔhɔ so ngɔfa amaneɛ piri ngɔto ɛmɔ so pɛen nzoo.

Lewitikɔso 26:24

ye de me koso ngɔhɔ so ngodwɔso ngotia ɛmɔ, ná ɔnate ɛmɔ bɔne ti, mahwe ɛmɔ so pɛen nzoo.

Lewitikɔso 26:28

ye de nne ɛyaa piri ngodwɔso ngotia ɛmɔ, na ɔnate ɛmɔ bɔne ti, me bɔbɔ ngɔhwe ɛmɔ so pɛen nzoo.

Asomafoɛ 5:33

Na bɛtele sɔ dwirɛ nen, b’ahone huli, na bɛbɔle porɛ kyɛ bekohũ asomafoɛ nemɔ.

Asomafoɛ 7:54

Mmerɛ bɔ badwafoɛ ne tele edwirɛ bɔ Setefano hane nen, b’ahone huli paa, na bɛnwosene bɛ gye behyirele ye; ofikyɛ né bafɛ ye so yaa paa.