Daniel 3:16 - AHYERƐLƐ KRONGRON

¹⁶ Yeɛ Sadrake, Mesake ne Abedinego buale Nana kyɛ, “Nana Nebukadenesa, Onhia kyɛ yɛma wɔ mmuayɛɛ wɔ sɔ dwirɛ he anwo ɔ.

Daniel 3:16 Iomraidhean Croise

Nworɛ Dwirɛhanɛniɛ 4:12

Sɛ ebie fa ngondii toa sona horɛ, ná odi ye so ngonim a, mmenia nyɔ de, ɔngora nni bɛ so ngonim. Nyamaa bɔ banwo ye mmɛsa ne, nu telɛ nyɛ mmerɛ.

Daniel 1:7

Yeɛ sayɛɛ panyi ne totole bɛ dumaa: Ɔtole Daniel dumaa Beltesasa, ɔtole Hanania dumaa Sadrake, ɔtole Misael dumaa Mesake, yeɛ ɔtole Asaria dumaa Abedinego.

Daniel 3:12

Nana, Yudafoɛ biemɔ wɔ berɛ bɔ atu bɛ asie berɛ kyɛ bɛnea Babilɔn maen ne aso ɔ, bɔ bɛ ole Sadrake, Mesake ne Abedinego ɔ. Nana, sɔ mmenia nemɔ bɛmva wɔ dwirɛ bɛnyɛ huu oo; bɛnzɔne wɔ nyameɛ nemɔ, yeɛ bɛnzɔne sikaa kɔkorɛ amoen bɔ agyina ne.”

Daniel 3:28

Yeɛ Nebukadenesa sele kyɛ, “Sadrake, Mesake ne Abedinego Nyameɛ bɔ wasoma ye abɔfo maa waapepɛ wale ye somvoɛ mɔ bɔ bɛfale bɛ wora bewurale ye nu ne, animnyam hã ye. Bɛ yeɛ behwi bɛfale me, Nana, me mmeraa so ɔ, na bɛfale bɛ ngoa bɛtole serewa, bɔ banzo anaa banzɔne nyameɛ biala ɔ, sana bɛ bɔbɔ bɛ Nyameɛ.