Daniel 3:15 - AHYERƐLƐ KRONGRON

¹⁵ Afei de, sɛ ɛmɔaboaboa ɛmɔ nwo kyɛ sɛ ɛmɔte awɛen, dodobɛen, sangoo, bɛnda, atɛndɛbɛn, kyenneɛ ne sangoo ahoroɔ nga a, ɛmɔkobutu berɛ bɛkɔsɔne amoen bɔ magyina ne a, ye de ɛmɔ nwo sonn. Nakoso sɛ ɛmɔanzɔne ye de a, ye de bekofindi ɛmɔ bekogua see bɔ ogye wuronyiwuronyi wɔ foonoo nu ne anu; na nyameɛ beni yeɛ ɔkɔhora kɔpepɛ kole ɛmɔ kofi me sa nu ɔ?”

Daniel 3:15 Iomraidhean Croise

2 Ahemvo 18:35

Maen maen mɔ bɛ nyameɛ nemɔ amukoraa, bɛ nu beni yeɛ wahora wapepɛ wale ye maen wafi me sa nu ɔ. Nzikyɛ yeɛ ɔmaa ɛdwene kyɛ AWURADE kɔpepɛ kole Yerusalem kofi me sa nu ɔ.”

Ɛksadɔso 32:32

Nakoso mesrɛ wɔ, fa bɛ bɔne kyɛ bɛ. Na sɛ wamma ye sɔ de a, nzaade kyikyi me (dumaa) fi wɔ nwomaa bɔ ahyerɛ ne anu!”

Ɛksadɔso 5:2

Nakoso Faro buale kyɛ, “AWURADE ne ole nwa bɔ ɔsɛ kyɛ metie ye ná mema Yisraelfoɛ bɛkɔ ɔ? Menze sɔ AWURADE ne, yeɛ Yisraelfoɛ koso mengɔma bɛngɔhɔ!”

Yesaya 37:23

“ ‘Nwa yeɛ agoro ye nwo ná abɔ ye alapaa ne? Nwa yeɛ adwudwo atia ye, bɔ ama wɔ nye atra wɔ ndo nwiaa wɔ ye so e? Yisrael Krongronniɛ ne yeɛ ayɔ sɔ atia ye ɔ!

Daniel 2:47

Afei ɛhene ne sele Daniel kyɛ, “Nahorɛ nu, ɛmɔ Nyameɛ ne, ɔte nyameɛ mɔ nu Nyameɛ ne ahemvo mɔ nu Meneɛ, ɔne Nyameɛ bɔ ɔda mvealeɛ nu dwirɛ ali ɔ, ofikyɛ ahora ala sɔ mvealeɛ nu dwirɛ he ali.”

Daniel 2:9

Sɛ ɛmɔanga laleɛ ne bangyire me a, edwirɛ bɔ mahã ne ala yeɛ ɔkɔto ɛmɔ ɔ. Ofikyɛ nnakannaka ne ngondombo yeɛ ɛmɔayɛ ɛmɔ adwene kyɛ ɛmɔkɔhã ye wɔ me nyunu, kɔpem mmerɛ bɔ ngɔsesã m’adwene ɔ. Yiti ɛmɔ de, ɛmɔhã laleɛ ne behyire me, na sɔ kɔmaa ngonwu ye kyɛ ɛmɔkɔhora bekohyire me ye bo.”

Daniel 3:17

Na sɛ ɔte sɔ de a, ye de yɛ Nyameɛ bɔ yɛso ye ne, ɔkɔhora kɔpepɛ kole yɛ kofi see bɔ ogye wuronyiwuronyi wɔ foonoo nu ne anu; na Nana, ɔkɔpepɛ kole yɛ kofi wɔ sa nu.

Daniel 6:16

Yeɛ ɛhene ne hyɛle maa bɛɛfale Daniel bɛwale, na begyili ye bɛtole gyata mɔ tuin ne anu. Na ɛhene ne sele Daniel kyɛ, “Wɔ Nyameɛ bɔ ɛso ye daa ne, ɔpepɛ le wɔ!”

Daniel 6:20

Na opingyele tuin ne anwo berɛ nen, ole ahunundetelɛ teane nu frɛle Daniel, na osele Daniel kyɛ, “Daniel, Nyameɛ teasefoɛ somvoɛ ee, wɔ Nyameɛ bɔ ɛso ye daa ne, wahora wapepɛ wale wɔ wafi gyata nemɔ bɛ sa nu anaa?”

Mateo 10:19

Na sɛ bɛfa ɛmɔ bɛkɔ a, nnɛma ɛmɔdwenedwene kyɛbɔ ɛmɔkodwudwo anaa bɔ ɛmɔkɔhã ɔ nwo; ofikyɛ nyameɛ kɔfa bɔ odi kyɛ ɛmɔkã ɔ kɔma ɛmɔ wɔ sɔ mmerɛ ne ala nu.

Mateo 27:43

Ɔfale ye nwo tole Nyameɛ so; sɛ okuro ye dwirɛ a, maa ɔpepɛ ole ye e; ofikyɛ ɔhane kyɛ, ‘Me ole Nyameɛ Awa ne!’ ”

Marko 13:11

Na sɛ bɛkye ɛmɔ bɛfa ɛmɔ bɛkɔ badwa nyunu a, nnɛma ɛmɔdi moa bɛdwenedwene bɔ ɛmɔkɔhã ɔ nwo. Na bɔ bɛkɔfa bɛkɔma ɛmɔ sɔ mmerɛ ne ala nu ne, ye ala yeɛ odi kyɛ ɛmɔkã ɔ; ofikyɛ nna ɛmɔ yeɛ ɛmɔdwudwo ɔ, na mmom Sunzum Krongron ne ɔ.

Luka 12:11

“Sɛ bɛfa ɛmɔ bɛkɔ nyianu sua mɔ nu, ndɛenbualɛfoɛ ne mbanyi nyunu a, nnɛma ɛmɔdwenedwene kyɛbɔ ɛmɔkosi bɛkɔye ɛmɔ noa nwo, anaa bɔ ɛmɔkɔhã ɔ nwo;

Luka 13:9

Sɛ osu mmaa afoɛ bieku a, ye de né ye paa nu ɔ; nakoso sɛ wanzu de a, né abu ye mato.’ ”

Asomafoɛ 4:19

Na Petro ne Yohane buale bɛ kyɛ, “Sɛ ɔte paa wɔ Nyameɛ nyunu kyɛ yɛtie ɛmɔ yɛtra Nyameɛ a, nzaade ɛmɔ bɔbɔ ɛ́mbua;

Asomafoɛ 5:29

Yeɛ Petro ne asomafoɛ ngaa ne buale kyɛ, “Ɔsɛ kyɛ yɛtie Nyameɛ yɛtra kuro sona.

Asomafoɛ 6:15

Badwafoɛ ne amukoraa neane Setefano haa, na benwuni kyɛ ye nyunu ayɛ kyɛ abɔfo nyunu.