Daniel 3:10 - AHYERƐLƐ KRONGRON

¹⁰ Nana, ahyɛ mmeraa kyɛ, sona biala bɔ ɔkɔte awɛen, dodobɛen, sangoo, bɛnda, atɛndɛbɛn, kyenneɛ ne sangoo ahoroɔ nga nen, odi kyɛ obutu berɛ sɔne sikaa kɔkorɛ amoen ne;

Daniel 3:10 Iomraidhean Croise

1 Aberɛso Dwirɛ 15:16

Dawide sa fale ahyɛdeɛ mane Lewi abusua kure mbanyi ne, kyɛ bɛye edweintolɛfoɛ maa bɛbɔ sangoo, adengum ne firikyiwa bɛto anigye dwein.

1 Aberɛso Dwirɛ 15:28

Yiti Yisrael mukoraa bele esebɔlɛ, awɛenhulɛ, totorobɛndohulɛ ne firikyiwabɔlɛ bɛɛfale AWURADE apam alaka ne bɛwale, na né bɛbɔ adengum ne sangoo bɛto dwein serɛserɛ paa.

2 Aberɛso Dwirɛ 29:25

Ɔmane Lewifoɛ nemɔ bɛtenane AWURADE awuro berɛ bɛbɔle firikyiwa, adengum ne sangoo, kyɛbɔ Dawide ne Nana ye sona bɔ ɔse ase Gade ne ngɔmhyɛlɛniɛ Natan bɛhane ne ala. Ofikyɛ sɔ ahyɛdeɛ ne, AWURADE nate ye ngɔmhyɛlɛfoɛ so yeɛ ɔhyɛle ɔ.

Edwein 94:20

Maenbulɛfoɛ atianuserɛfoɛ bɔ bɛhyɛ mmeraa bɛfa bedi bɔne ne, aso bɛkɔhora bɛ ne wɔ kotira abiɛngoɛ?

Ɛksadɔso 1:16

“Sɛ ɛmɔde Hebri mmrasua aworɛ, ná awoleɛ nu berɛ, ɛmɔnwu kyɛ adɔma ne te bienzua a, odi kyɛ ɛmɔku ye. Sɛ ɔte brasua de a, nnɛma ɛmɔku ye.”

Ɛksadɔso 1:22

Na Faro hyɛle ye mmenia ne amukoraa kyɛ, “Bienzua biala bɔ Hebrifoɛ kɔwo ye ne, ɛ́mɔgyi ye bɛto asue Naele nu, nakoso brasua biala de, ɛ́mɔma onya ngoa.”

Nworɛ Dwirɛhanɛniɛ 3:16

Masa manwu ye wɔ wiase kyɛ, nekaa bɔ bedi dwirɛ ne, amumuyɛɛ wɔ berɛ, nekaa bɔ ɔsɛ kyɛ tenenee ba berɛ ne, bɔne yeɛ ɔwɔ berɛ ɔ.

Yesaya 10:1

Bɛ yaakɔ! Bɛ bɔ bɛhyɛ mmeraa tɛɛ ɔ, ɔne ahyerɛlɛfoɛ bɔ bɛkyerɛ nhyɛsoɛ mmeraa ɔ,

Daniel 3:11

na ebiala bɔ wammutu berɛ wanzɔne ye ne, odi kyɛ befindi ye bɛto see bɔ ogye wuronyiwuronyi wɔ foonoo nu ne anu.

Daniel 3:15

Afei de, sɛ ɛmɔaboaboa ɛmɔ nwo kyɛ sɛ ɛmɔte awɛen, dodobɛen, sangoo, bɛnda, atɛndɛbɛn, kyenneɛ ne sangoo ahoroɔ nga a, ɛmɔkobutu berɛ bɛkɔsɔne amoen bɔ magyina ne a, ye de ɛmɔ nwo sonn. Nakoso sɛ ɛmɔanzɔne ye de a, ye de bekofindi ɛmɔ bekogua see bɔ ogye wuronyiwuronyi wɔ foonoo nu ne anu; na nyameɛ beni yeɛ ɔkɔhora kɔpepɛ kole ɛmɔ kofi me sa nu ɔ?”

Daniel 6:12

Yiti bɛhɔle ɛhene ne berɛ beebisale ye mmeraa ne anwo dwirɛ kyɛ, “Nana, aso amva wɔ sa anwura mmeraa bo, kyɛ eleburasa ye anu, sona biala bɔ ɔkɔfa ye abisadeɛ kɔto nyameɛ bie anaa sona bie nyunu ne, odi kyɛ begyi ye bɛto gyata nemɔ bɛ tuin ne anu ɔ; bɔ Nana, sana wɔ ngome wɔ nyunu yeɛ odi kyɛ ɔfa to ɔ?” Yeɛ ɛhene ne buale kyɛ, “Ye ala ɛne, kyɛbɔ Medese ne Pɛsia mmeraa bɔ bɛnzesã ye ne ɔte ne.”

Amose 6:5

ɛmɔ bɔ ɛmɔto dwein basabasa bɛfa besuro sangoo so, ná ɛmɔyɔ edweintolɛ nningyein bɔ ɔte kyɛ Dawide deɛ ne ɔ;

Yohane 11:57

Né asɔfo mbanyi ne Farasiifoɛ nemɔ bahyɛ mmeraa kyɛ, sɛ ebie se nekaa bɔ ɔwɔ a, ohyire bɛ ma bɛɛhye ye.