Daniel 3:1 - AHYERƐLƐ KRONGRON

¹ Nebukadenesa yɔle sikaa kɔkorɛ amoen bɔ ye tendenn te agyirɛ aburasia, bɔ ye tɛtrɛtɛɛ nu te agyirɛ nzia ɔ. Ogyinane ye wɔ Dura aseɛ pralaa ne aso wɔ Babilɔn aseɛ so.

Daniel 3:1 Iomraidhean Croise

1 Ahemvo 12:28

Yiti Nana Yeroboam fale adwene, na ɔfale esikaa kɔkorɛ yɔle nandwie mmaa nyɔ. Osele maen ne kyɛ, “Ɛmɔahɔ Yerusalem bie a, ɔte paa. Yisrael ee, ɛmɔ nyameɛ mɔ bɔ bɛyele ɛmɔ befili Misraim aseɛ so bɛwale ne, bɛ ɛhe.”

Ɛseta 1:1

Sɔ dwirɛ he sili wɔ Nana Ahasuro aberɛ so, na sɔ Ahasuro ne, olili manzini ɛyaa ko aburanyɔ ne nzoo so fite Yindia maa oodwuli Yitiopia.

Edwein 135:15

Amaen maen mɔ bɛ mmosoen nemɔ, bɛte ɛdwetɛ ne esikaa kɔkorɛ, bɛte mmenia sa noa adwuma.

Ɛksadɔso 20:23

Nnɛma ɛmɔfa ɛdwetɛ bɛyɛ nyameɛ foforɛ mɔ bɛboka me so, anaa sikaa kɔkorɛ bɛyɛ nyameɛ foforɛ mɔ bɛfa.

Ɛksadɔso 32:31

Yiti Mose sá hɔle AWURADE berɛ, na ɔhane kyɛ, “Ao, maen he ayɔ bɔne piri paa! Bafa sikaa kɔkorɛ bayɔ nyameɛ mɔ bama bɛ nwo.

Yesaya 2:20

Sɔ kyẽa ne, mmenia b’ɛdwetɛ amoen ne bɛ sikaa kɔkorɛ amoen bɔ bayɔ bama bɛ nwo, bɔ bɛsɔne bɛ ne, bekogyi bekogua bɛkɔma mmurokuruwa ne mbena.

Yesaya 30:22

Na w’amoen mɔ bɔ bafa ɛdwetɛ baboro bɛ nwo, ɔne bɔ bafa sikaa kɔkorɛ baboro bɛ nwo ne, ɛkɔfa efiɛ kɔhã bɛ, ekofindi bɛ kogua kyɛ manzaa asiaa, na ekose bɛ kyɛ, “Ɛ́mɔfi me so bɛhɔ!”

Yesaya 46:6

Mmenia fura sikaa kɔkorɛ befi bɛ bɔtɔ nu, bɛkari ɛdwetɛ wɔ tonyi so, bɛbɔ sikaa kɔkorɛ dwumvoɛ paa maa ɔfa yɔ bosoen, na bebutu berɛ bɛsɔne ye.

Yeremia 10:9

Bɛfa ɛdwetɛ bɔ baboro ye taataa ɔ befi Tasise, yeɛ esikaa kɔkorɛ bɔ ofi Yufase ɔ bɛba. Bɛte adwiililɛfoɛ ne esikaa kɔkorɛ dwumvoɛ bɛ sa noa adwuma. Bɛ ndaadeɛ te bibire ne koogyan, ye mukoraa te adwiililɛfoɛ bɛ sa noa adwuma.

Yeremia 16:20

Aso sona kɔhora kɔyɔ nyameɛ mɔ kɔfa? Asua! Ɛhemɔ bɛte nyameɛ mɔ!”

Daniel 2:48

Yeɛ ɛhene ne bɔle Daniel aba so piri paa, na ɔmane ye akyɛdeɛ bɔ bedi mu ɔ pee, na ɔmaa ɔlale Babilɔn maen ne amukoraa noa, na ɔbɔle ye Babilɔn nworɛfoɛ amukoraa bɛ so panyi paa.

Daniel 2:49

Afei Daniel srɛle ɛhene ne maa ɔfale Sadrake, Mesake ne Abedinego yɛle Babilɔn maen ne anu amukoraa so neafoɛ; na Daniel de, ɔtenane Nana ahemvie berɛ.

Daniel 3:14

Yeɛ Nebukadenesa bisale bɛ kyɛ, “Ɛmɔ, Sadrake, Mesake ne Abedinego, aso ɔte nahorɛ kyɛ ɛmɔnzɔne me nyameɛ nemɔ, yeɛ ɛmɔnzɔne sikaa kɔkorɛ amoen bɔ magyina ne koso?

Daniel 3:30

Afei ɛhene ne mane Sadrake, Mesake ne Abedinego dibea piri paa wɔ Babilɔn aseɛ so.

Daniel 5:23

na mmom adwɔso nyameɛso Mene ne so konguronn, baasesa ye awuro kulie nemɔ babrɛ wɔ, na wɔ, ɛne wɔ mbanyi mɔ, ɛye mɔ ne wɔ sómaa mɔ bano nu nzaa, na aye ɛdwetɛ, sikaa kɔkorɛ, kɔɔbere, buralɛ, bakaa ne nyɔboɛ nyameɛ mɔ bɔ bennwu nikye, bɛnde dwirɛ, anaa bɛnze huu ɔ ayɛ. Nakoso Nyameɛ bɔ otira wɔ ngoa nyamaa nu, bɔ w’atee amukoraa wɔ ye sa nu ne de, amva anidie amma ye.

Daniel 5:4

Bɛnone nzaa, na bɛyele sikaa kɔkorɛ, ɛdwetɛ, kɔɔbere, buralɛ, bakaa ne nyɔboɛ nyameɛ mɔ ayɛ.

Hosea 2:8

Hmmm, né ɔnze kyɛ me yeɛ mane ye aburoo ne nzaa ne ngoo, kyɛ me yeɛ mmaa onyane ɛdwetɛ ne esikaa kɔkorɛ pee, bɔ bɛfa bɛbɔle afɔleɛ bɛmane Baal ne ɔ.

Hosea 8:4

Basisi ahemvo bɔ nna me yeɛ nzili ɔ, babobɔ mbanyi bɔ menze ye nwo hwee ɔ; bafa b’ɛdwetɛ ne esikaa kɔkorɛ bayɔ mmosoen bama bɛ nwo, bɔ ɔnate so ɔngɔma ongoyie bɛ yé ɔ.

Habakuku 2:19

Sona bɔ ɔkã kyire bakaa kyɛ, “Tingye”, ná ɔkã kyire nyɔboɛ mumu kyɛ, “Dwɔso! Ɔbaahyirehyire” ne, ye yaakɔ! Tie, bafa esikaa kɔkorɛ ne dwetɛ baboro ye nwo, nakoso nwomeɛ biala ɔnne ye nu.

Asomafoɛ 17:29

Na ɔnate kyɛ yɛte Nyameɛ mma ne ati, ɔnzɛ kyɛ yɛdwene kyɛ Nyameɛ sue te kyɛ esikaa kɔkorɛ, anaa ɛdwetɛ, anaa nyɔboɛ bɔ kuro sona afa ye sa ne ye nworɛ wali adwii wayɔ ɔ.

Asomafoɛ 19:26

Na ɛmɔnwu ye, yeɛ ɛmɔte kyɛ sɔ Pɔɔlo ne nwa, nyameɛ mɔ bɔ kuro sona afa ye sa wayɔ ne de bɛtte nyameɛ mɔ koraa; na watu mmeni pee foɛ wasesã b’adwene: nna Ɛfeso wa angome ɔ, na mmom Asia mbɔtam amukoraa.

Deuteronomi 7:25

Amoen mɔ bɔ bafa bayɛ bɛ nyameɛ mɔ ne, ɛ́mɔfa see bɛ́yera bɛ. Nnɛma wɔ nye boro ɛdwetɛ anaa esikaa kɔkorɛ bɔ bafa baboro amoen nemɔ nwo ne, ná amva bie ma wanyɛ ngaen wangye wɔ, ofikyɛ ɔte AWURADE wɔ Nyameɛ akyiwadeɛ.

Nyekyire 9:20

Nakoso adasa mmaa ngaa bɔ ɛhawo hemɔ wangukũ bɛ ne, banzakyera b’adwene bamvi bɛ sa noa nnwumaa nwo, banyakyi sunzummɔne mɔ sɔnenɛ, yeɛ banyakyi sikaa kɔkorɛ, ɛdwetɛ, kɔɔbere, nyɔboɛ ne bakaa amoen mɔ bɔ bɛngora bennwu nikye, anaa bɛnde dwirɛ, anaa bɛnnate ɔ sɔnenɛ;