Daniel 2:9 - AHYERƐLƐ KRONGRON

⁹ Sɛ ɛmɔanga laleɛ ne bangyire me a, edwirɛ bɔ mahã ne ala yeɛ ɔkɔto ɛmɔ ɔ. Ofikyɛ nnakannaka ne ngondombo yeɛ ɛmɔayɛ ɛmɔ adwene kyɛ ɛmɔkɔhã ye wɔ me nyunu, kɔpem mmerɛ bɔ ngɔsesã m’adwene ɔ. Yiti ɛmɔ de, ɛmɔhã laleɛ ne behyire me, na sɔ kɔmaa ngonwu ye kyɛ ɛmɔkɔhora bekohyire me ye bo.”

Daniel 2:9 Iomraidhean Croise

1 Ahemvo 22:22

Na AWURADE bisale ye kyɛ: Ɛyɛ sɛɛ né alakalaka ye?’ Na obuale kyɛ, ‘Ngɔɔyɛ anoanu sunzum wɔ ye ngɔmhyɛlɛfoɛ ne amukoraa bɛ noa nu maa bɛkɔpɛ anoanu.’ Yeɛ AWURADE sele kyɛ, ‘Kɔ na kɔlakalaka ye, na wɔ sa kɔhã yeɛ kɔ na kɔyɔ ye sɔ ala.’

1 Ahemvo 22:6

Yiti Yisrael hene boaboale ngɔmhyɛlɛfoɛ nemɔ noa. Bɛ somaa te kɔyɛ ɛyaa nna. Na obisale bɛ kyɛ, “Mva koɛ ngɔndoa Ramote Gileade, anaa nyakyi?” Bebuale kyɛ, “Nana, kɔ, ofikyɛ AWURADE kɔfa kuro ne kowura wɔ sa.”

Ɛseta 4:11

“Nana somvoɛ amukoraa, yeɛ ye manzini nemɔ nu ama bɛse kyɛ, sɛ Nana wando ye sa wamvrɛ wɔ, ná ɛkɔ ye nyunu wɔ ahemvie ne akunu dɔ a, kyɛ bienzua oo, anaa brasua oo, ye nwo mmeraa te komapɛ, bekohu sɔ sona ne. Sana sona bɔ Nana konwu ye anwumvoin kɔfa ye sikaa kɔkorɛ hɔtɔ kɔtengyɛ ye so ne, ye yeɛ okonya ye ti okodidi nu ɔ. Eleburasa ɛhe, ɔffrɛle me kyɛ mmra ye nyunu.”

Anyandera 12:19

Edwirɛ nahorɛ timu berɛ daa, nakoso ngondombo dwirɛ de, ɔngyɛ koraa.

Yesaya 41:23

Bɔ kyẽa bie okosi ne, ɛmɔhã behyire yɛ maa yɛnwu kyɛ ɛmɔte nyameɛ mɔ; ɛ́mɔyɔ paa anaa bɔne, amaa ɔnate so yɛ kunu atete yɛ ná yasuro.

Yesaya 44:25

Kyẽa bie dwirɛ nwo musue bɔ ahɔmeɛ bɛye ne, me yeɛ memaa ɔyɛ mbaen ɔ, mema ngonyaayelɛfoɛ bɛyɛ ngwaseaa, mema nworɛfoɛ bɛ nworɛ ka nziɛ, na mekakyi bɛ nimdeɛ ngwaseasɛm.

Hesekiel 13:17

“Na wɔ, Sona awa, wɔ maen ne anu mmrasua bɔ bɛbɔ bɛ ti anu bɛhyɛ ngɔm ne, tu wɔ nye sie bɛ so, ná hyɛ ngɔm tia bɛ kyɛ,

Hesekiel 13:19

Ɔnate ayuo bɛ sa bum kãa bie, ɔne paanoo bue kãa bie ti, ɛmɔagua me nwo fiɛ wɔ me maen nyunu. Ɛmɔlakalaka me maen bɔ okuro nnakannaka tielɛ, na ɔnate so ɛmɔku mmenia bɔ bɛmvata ewue, yeɛ ɛmɔyakyi bɛ bɔ bɛfata ewue ɔ.

Hesekiel 13:6

Bɛ noa dwirɛ te nnakannaka, yeɛ bɛhyɛ ngondombo ngɔm. Bɛnwa: ‘AWURADE nwa nyoo,’ wɔ aberɛ bɔ nna AWURADE yeɛ wasoma bɛ ɔ; nakoso bɛ nye la so kyɛ AWURADE kɔma bɛ dwirɛ ne kɔwa nu ɔ.

Daniel 2:16

Yeɛ Daniel hɔle Nana berɛ ɔɔsrɛle ye kyɛ ɔma ye mmerɛ, amaa ɔnate so wahyire Nana laleɛ ne abo wahyire ye.

Daniel 2:21

Ye yeɛ ɔsakyera mmerɛ ne ngyẽa nu ɔ, otu ahemvo mɔ bia so, yeɛ ɔfa ahemvo mɔ sie bia so; ɔma nworɛfoɛ benwu nworɛ, na ɔma bɛ bɔ b’adwene nu pi ɔ benya nimdeɛ;

Daniel 2:8

Na Nana buale kyɛ, “Manwu ye pefee kyɛ me mmerɛ yeɛ ɛmɔpena kyɛ ɛmɔsɛkye ye ɔ, ofikyɛ ɛmɔse kyɛ edwirɛ bɔ mahã ne ala yeɛ mahã ɔ.

Daniel 3:15

Afei de, sɛ ɛmɔaboaboa ɛmɔ nwo kyɛ sɛ ɛmɔte awɛen, dodobɛen, sangoo, bɛnda, atɛndɛbɛn, kyenneɛ ne sangoo ahoroɔ nga a, ɛmɔkobutu berɛ bɛkɔsɔne amoen bɔ magyina ne a, ye de ɛmɔ nwo sonn. Nakoso sɛ ɛmɔanzɔne ye de a, ye de bekofindi ɛmɔ bekogua see bɔ ogye wuronyiwuronyi wɔ foonoo nu ne anu; na nyameɛ beni yeɛ ɔkɔhora kɔpepɛ kole ɛmɔ kofi me sa nu ɔ?”

Daniel 5:28

PERES, wahyɛ w’ahennie ne anu wafa wama Medesefoɛ ne Pɛsiafoɛ.”

Daniel 5:31

Na Medeseniɛ Dario fale ahennie ne. Né wali afoɛ kɔyɛ aburasia ne nyɔ.

Daniel 7:25

Okodwudwo kotia Anwuro Anwuroniɛ ne, ɔkɔmaa Anwuro Anwuroniɛ n’anwoteefoɛ nemɔ bekoli amia, na ɔkɔyɛ ye adwene kyɛ ɔkɔsesã mmerɛ ne mmeraa, na bɛkɔfa anwoteefoɛ nemɔ bekowura ye sa afoɛ ko, afoɛ nyɔ ne bosome nzia.

2 Korintofoɛ 2:17

Yɛ de, yɛtte kyɛ mmeni pee bɔ bɛnate besi Nyameɛ dwirɛ ne aso kongo ne. Na mmom yɛbɔ Kristo nwo dawure nahorɛ nu wɔ Nyameɛ nyunu kyɛ mmenia bɔ Nyameɛ asoma bɛ ɔ.