Daniel 2:6 - AHYERƐLƐ KRONGRON

⁶ Nakoso sɛ ɛmɔkã laleɛ ne bekyire me, ná ɛmɔkyire me ye bo a, ye de ɛmɔkonya me berɛ akyɛdeɛ, akatuaa ne anidie kandinga. Yiti laleɛ ne, ɛmɔhã behyire me, ná ɛmɔhyire me ye bo.”

Daniel 2:6 Iomraidhean Croise

Daniel 2:48

Yeɛ ɛhene ne bɔle Daniel aba so piri paa, na ɔmane ye akyɛdeɛ bɔ bedi mu ɔ pee, na ɔmaa ɔlale Babilɔn maen ne amukoraa noa, na ɔbɔle ye Babilɔn nworɛfoɛ amukoraa bɛ so panyi paa.

Daniel 5:29

Yeɛ Bɛlsasa hyɛle maa bɛfale kende bɛherale Daniel, bɛfale sikaa kɔkorɛ atweaban bɛtole ye kɔme anu, na bɛbɔle ye nwo dawure kyɛ, ye yeɛ ɔte ɛhene bɔ ye tumi tɔ so nza wɔ ahennie ne anu ɔ.

Daniel 5:7

Na ɛhene ne teane nu sele kyɛ bɛɛfa bɛ bɔ bɛnea nzramaa nu bɛkã nu dwirɛ, Kaldeafoɛ ne benewaafoɛ bɛbra. Yeɛ ɛhene ne sele Babilɔn nworɛfoɛ nemɔ kyɛ, “Ebiala bɔ ɔkɔkenga sɔ ahyerɛlɛ he, ná okohyire me ye bo nen, ngɔfa kende ngɔhera ye, yeɛ ngɔfa sikaa kɔkorɛ atweaban ngɔto ye kɔme anu, na ɔkɔyɛ ɛhene bɔ ye tumi tɔ so nza ɔ wɔ ahennie ye anu ɔ.”

Numeri 22:17

ofikyɛ ngɔma wɔ akatuaa bɔ ɔfata paa ɔ, na bɔ ekose me ne biala ngɔyɔ. Mesrɛ wɔ, bra baanoma mmenia ye ma me.’ ”

Numeri 22:37

Na Balake bisale Balaam kyɛ, “Manzoma kyɛ bɛɛfrɛ wɔ? Nzu ati yeɛ amma ɔ?” Aso mengɔhora mengɔma wɔ akatuaa bɔ ɔsɛ ɔ?”

Numeri 22:7

Yiti Moabo mbanyi ne Midian mbanyi fale abisa aboadeɛ ne, na besili nu bɛhɔle Balaam berɛ bɛɛfale Balake dwirɛ ne bɛɛbɔle ye amaneɛ.

Numeri 24:11

Fi wa kɔ! Kɔ wɔ kuro! Ngane kyɛ ahaa ngɔma wɔ akatuaa piri paa, nakoso AWURADE abɔ w’akatuaa agua.”