Daniel 2:5 - AHYERƐLƐ KRONGRON

⁵ Yeɛ Nana buale Kaldeafoɛ nemɔ kyɛ, “Me de, edwirɛ bɔ mahã ne ala yeɛ mahã ɔ: Sɛ ɛmɔanga laleɛ ne bangyire me, ná ɛmɔangyire me ye bo a, ngɔmaa bɛkɔtete ɛmɔ nu pasapasa, yeɛ bɛkɔkakyi ɛmɔ awuro mɔ fofoɛ so.

Daniel 2:5 Iomraidhean Croise

2 Ahemvo 10:27

Bɛsɛkyele Baal bonima ne. Baal asɔneyɛɛ sua ne, bedwirili beguale ase, na bɛfa bɛkakyili nekaa bɔ bɛkɔ bondua ɔ maa waadwu ɛnɛ.

Ɛsra 6:11

Masa mahyɛ mmeraa koso kyɛ, ebiala bɔ okotu sɔ mmeraa ne kogua ne, bɛkɔye ye awuro nu mbuna ko, bekosinzi ye noa bɛkɔfa bɛkɔpena berɛ, ná bafa ye basina so, na bɛkɔfa ye awuro ne bɛkɔkakyi fofoɛ.

Edwein 50:22

“Ɛmɔ bɔ ɛmɔ wora ofi Nyameɛ ne, ɛ́mɔdwene ɛhe anwo, ná mandete ɛmɔ nu pasapasa bɔ ɛmɔngonya defoɛ ɔ.

Edwein 58:7

Maa betu bemini kyɛ nzue bɔ ɔse ɔ, maa betiatia bɛ so, ná bɛkese kyɛ ɛserɛ.

Daniel 2:12

Na ɔnate sɔ ati, Nana fɛle yaa, na ye nye borole, na ɔhyɛle kyɛ behũhũ Babilɔn nworɛfoɛ amukoraa.

Daniel 3:29

Yiti, méhyɛ mmeraa kyɛ, maen, mmenia anaa edwudwolɛ biala bɔ ɔkɔhã dwirɛ kotia Sadrake, Mesake ne Abedinego Nyameɛ ne nen, ngɔmaa bɛkɔtete ye nu pasapasa, na bɛkɔfa ye awuro bɛkɔkakyi fofoɛ; ofikyɛ nyameɛ biala nne berɛ bɔ ɔkora pepɛ de sona sɔaa ɔ.”

Daniel 4:9

“O Beltesasa, ngonyaayelɛfoɛ panyi, mese kyɛ nyameɛ krongron mɔ bɛ sunzum wɔ wɔ nu, yeɛ mvealeɛ nu dwirɛ biala mmo w’adwene so, yiti kã me laleɛ bɔ ngyene ne kyire me, ná kyire me ye bo.

Deuteronomi 13:16

Koɛ nu nzesadeɛ bɔ ekonya ye kuro ne anu ne, boaboa ye mukoraati noa wɔ dwaaso, ná afei fa see yera kuro ne ɔne nu nzesadeɛ ne ma ɔyɛ afɔleɛ mumua yeralɛ ma AWURADE wɔ Nyameɛ. Na ɔkɔyɛ kurofoen, bɔ bɛngɔkyekye ye ko le ɔ.

Yosua 6:26

Sɔ mmerɛ ne, Yosua payele kyɛ, “Sona biala bɔ ɔkɔkyekye Yeriko kuro he bieku nen, AWURADE prápra musue ógua ye so; sɛ ɔ́to kuro ne fapem a, ɔkɔfa ye bamuɛbaa yeɛ ɔkɔpɛ so ɔ, yeɛ sɛ ótuatua ye pambim mɔ a, ɔkɔfa ye kasiɛ yeɛ ɔkɔpɛ so ɔ!”

1 Samuel 15:33

Na Samuel sele kyɛ, “Kyɛbɔ wɔ ngrandɛ ama mmrasua bafa bɛ sa bafi terɛ ne, sɔ ala yeɛ mmrasua mɔ nu wora, eni kɔfa ye sa kofi terɛ ɔ.” Na Samuel pepɛle Agage nu ahuronzi ahuronzi wɔ AWURADE nyunu wɔ Gilgal.