Daniel 2:48 - AHYERƐLƐ KRONGRON

⁴⁸ Yeɛ ɛhene ne bɔle Daniel aba so piri paa, na ɔmane ye akyɛdeɛ bɔ bedi mu ɔ pee, na ɔmaa ɔlale Babilɔn maen ne amukoraa noa, na ɔbɔle ye Babilɔn nworɛfoɛ amukoraa bɛ so panyi paa.

Daniel 2:48 Iomraidhean Croise

2 Samuel 19:32

Né Basilae anyi paa. Né wali afoɛ aburawɔtwɛ. Mmerɛ bɔ Nana Dawide wɔ Mahanaim nen, né Basilae yeɛ ɔma ye sa kɔ ye noa ɔ, ofikyɛ né ye sa nu le bie paa.

2 Ahemvo 5:1

Naaman te Siria hene ye koɛhonɛfoɛ so safohene. Né ɔte sona titire bɔ ye mene Siria hene kuro ye dwirɛ ɔ, ofikyɛ ɔnate ye so, AWURADE mane Siria lili ngonim wɔ koɛ nu. Ɔwɔ nu kyɛ né biaa ne te koɛhonɛniɛ titire paa de, nakoso né kwata anwonyerɛ ayɛ ye.

YOB NWOMAA NE 1:3

Né ole mmoaen apee nzoo, afupɔngɔ apee nza, nandwie nyɔ nyɔ bɔ bafa kɔnnua basosɔ bɛ babɔ nu ɔ sɔ alaa ɛyaa nnu, afunum mmeleɛ ɛyaa nnu, yeɛ somvoɛ pee. Na ɔnate sɔ ati, né ɔte titire tra sona biala bɔ ɔwɔ eyia afiteleɛ ɔ.

Yeremia 5:5

Ngɔhɔ atitirefoɛ nemɔ berɛ, ngoodwudwo ngohyire bɛ; ofikyɛ bɛ de, bɛse AWURADE atee ne, ɔne bɛ Nyameɛ mmeraa ne.” Ofikyɛ bɛ mukoraa babubu kɔnnua ne anu, yeɛ babubu wɔ panwu ne anu.

Daniel 2:6

Nakoso sɛ ɛmɔkã laleɛ ne bekyire me, ná ɛmɔkyire me ye bo a, ye de ɛmɔkonya me berɛ akyɛdeɛ, akatuaa ne anidie kandinga. Yiti laleɛ ne, ɛmɔhã behyire me, ná ɛmɔhyire me ye bo.”

Daniel 3:1

Nebukadenesa yɔle sikaa kɔkorɛ amoen bɔ ye tendenn te agyirɛ aburasia, bɔ ye tɛtrɛtɛɛ nu te agyirɛ nzia ɔ. Ogyinane ye wɔ Dura aseɛ pralaa ne aso wɔ Babilɔn aseɛ so.

Daniel 3:12

Nana, Yudafoɛ biemɔ wɔ berɛ bɔ atu bɛ asie berɛ kyɛ bɛnea Babilɔn maen ne aso ɔ, bɔ bɛ ole Sadrake, Mesake ne Abedinego ɔ. Nana, sɔ mmenia nemɔ bɛmva wɔ dwirɛ bɛnyɛ huu oo; bɛnzɔne wɔ nyameɛ nemɔ, yeɛ bɛnzɔne sikaa kɔkorɛ amoen bɔ agyina ne.”

Daniel 3:30

Afei ɛhene ne mane Sadrake, Mesake ne Abedinego dibea piri paa wɔ Babilɔn aseɛ so.

Daniel 4:6

Yiti nhyɛle mmeraa kyɛ bɛfa Babilɔn nworɛfoɛ amukoraa bɛbra me nyunu, maa beehyire me laleɛ ne abo.

Daniel 4:9

“O Beltesasa, ngonyaayelɛfoɛ panyi, mese kyɛ nyameɛ krongron mɔ bɛ sunzum wɔ wɔ nu, yeɛ mvealeɛ nu dwirɛ biala mmo w’adwene so, yiti kã me laleɛ bɔ ngyene ne kyire me, ná kyire me ye bo.

Daniel 5:11

Biaa bie wɔ w’ahennie ye anu bɔ nyameɛ krongron mɔ bɛ sunzum wɔ ye nu ɔ. Wɔ baba aberɛ so, benwuni kanea ne nimdeɛ ne nworɛ bɔ ɔte kyɛ nyameɛ nemɔ bɛ nworɛ deɛ ne bie ɔ wɔ ye nu, na wɔ baba Nana Nebukadenesa bɔle ye panyi wɔ ngonyaayelɛfoɛ, bɛ bɔ bɛnea nzramaa nu bɛkã nu dwirɛ, Kaldeafoɛ ne benewaafoɛ nemɔ bɛ so,

Daniel 5:16

Nakoso mate kyɛ wɔ de, ɛkora kyire edwirɛ bo, yeɛ ekyirekyire edwirɛ bɔ ɔkye adwene ɔ koso nu. Sɛ ɛkora kenga ahyerɛlɛ ne, ná ekyire me ye bo a, ngɔfa kende ngɔhera wɔ, yeɛ ngɔfa sikaa kɔkorɛ atweaban ngɔto wɔ kɔme anu, na ɛkɔyɛ ɛhene bɔ ye tumi tɔ so nza ɔ wɔ ahennie ye anu.”

Daniel 5:29

Yeɛ Bɛlsasa hyɛle maa bɛfale kende bɛherale Daniel, bɛfale sikaa kɔkorɛ atweaban bɛtole ye kɔme anu, na bɛbɔle ye nwo dawure kyɛ, ye yeɛ ɔte ɛhene bɔ ye tumi tɔ so nza wɔ ahennie ne anu ɔ.

Daniel 5:7

Na ɛhene ne teane nu sele kyɛ bɛɛfa bɛ bɔ bɛnea nzramaa nu bɛkã nu dwirɛ, Kaldeafoɛ ne benewaafoɛ bɛbra. Yeɛ ɛhene ne sele Babilɔn nworɛfoɛ nemɔ kyɛ, “Ebiala bɔ ɔkɔkenga sɔ ahyerɛlɛ he, ná okohyire me ye bo nen, ngɔfa kende ngɔhera ye, yeɛ ngɔfa sikaa kɔkorɛ atweaban ngɔto ye kɔme anu, na ɔkɔyɛ ɛhene bɔ ye tumi tɔ so nza ɔ wɔ ahennie ye anu ɔ.”

Daniel 8:27

Afei me, Daniel, me nwo yɛle me bɛtɛɛ, na me nwo yɛle me yea ngyẽa dɔnn. Afei ndwɔsole, na ndoale ɛhene n’adwuma ne aso; nakoso nyekyire ne mane me nwo dwirili me, ofikyɛ ebiala ande ye bo.

Numeri 24:11

Fi wa kɔ! Kɔ wɔ kuro! Ngane kyɛ ahaa ngɔma wɔ akatuaa piri paa, nakoso AWURADE abɔ w’akatuaa agua.”

1 Samuel 17:25

Yeɛ Yisrael koɛhonɛfoɛ nemɔ sisele kyɛ, “Yeɛ ɛmɔanwu biaa he bɔ ɔ́fo ba ye? Susu amba, wawa kyɛ ɔbaapɛ Yisrael poa. Sona bɔ okohu sɔ biaa he nen, Nana Sɔɔlo kɔbɔ ye aba so maa okonya ye nwo, ɔkɔfa ɔwa brasua maa okogya, na ɔkɔma ɔse awuro ama konya bɛ fawɔnwodi wɔ Yisrael.”

1 Samuel 2:8

Ɔma ehianiɛ so fi asefuo nu, na ɔma sona bɔ ɔyɛ anwumvo ɔ so fi fofoɛ so, maa ɔtena atitirefoɛ nu, na ɔmaa onya animnyam bia tena so. Ofikyɛ aseɛ nyinasoɛ nemɔ, AWURADE deɛ ɔ, na nyinasoɛ nemɔ so yeɛ wafa ewiase wasie ɔ.

1 Samuel 25:2

Né biaa bie wɔ Mayɔn bɔ ole agyapadeɛ wɔ Kamɛl ɔ. Né ye sa nu le bie paa, bɔ né ole mmoaen apee nza ne mbɔngye apee ko ɔ. Mmerɛ bie, né ɔpepɛ ye mmoaen nwo nwiaa wɔ Kamɛl.