Daniel 2:45 - AHYERƐLƐ KRONGRON

⁴⁵ Na kyɛbɔ enwuni kyɛ nyɔboɛ bie, bɔ nna sona sa yeɛ ofindini ye ɔ, ɔte ofili bokaa so wale, bɔ obubuli buralɛ ne, kɔɔbere ne, ɛfaa ne, ɛdwetɛ ne ne sikaa kɔkorɛ ne nyokonyoko nen, Nana, sɔ ala yeɛ Nyameɛ piri ne waye bɔ kyẽa bie ɔbaasi ɔ wahyire wɔ ɔ. Laleɛ ne te nahorɛ, na ye bo hyirelɛ ne koso te turoloo.”

Daniel 2:45 Iomraidhean Croise

Gyenesise 41:26

Nandwie branoa nzoo ne kyire afoɛ nzoo, yeɛ aburoo nzoo bɔ wahyẽ ne kyire afoɛ nzoo; laleɛ ne te ko.

Gyenesise 41:28

Na kyɛbɔ mahã mahyire Faro nen, Nyameɛ aye bɔ ɔbaayɔ wahyire Faro.

Gyenesise 41:32

Faro hyene laleɛ mmɔhoɛ nyɔ. Ɛhe kyire kyɛ Nyameɛ ahyehyɛ ye sɔ amba, na ɔngɔhyɛ biala ɔkɔwa nu.

2 Samuel 7:22

O, AWURADE Nyameɛ, ɛte piri. Edwirɛ amukoraa bɔ yate ye wɔ yɛ so anu ne, okyire kyɛ ebiala nne berɛ bɔ ɔte kyɛ wɔ ɔ, yeɛ nyameɛ biala nne berɛ kyɛ wɔ.

1 Aberɛso Dwirɛ 16:25

Ofikyɛ AWURADE te piri, na ɔfata ayɛyelɛ piri paa; odi kyɛ sona suro ye tra nyameɛ biala.

Nehemia 4:14

Na nneane bɔ ɔkɔ so ne, ndwɔsole nga ngyirele atitire nemɔ, mbanyi nemɔ ne maen ne ngaa ne kyɛ, “Nnɛma ɛmɔsuro bɛ. Ɛ́mɔkaye AWURADE bɔ ɔte piri bɔ ye nwo yɛ suro ne, ná ɛ́mɔho bɛpepɛ bele ɛmɔ abusuafoɛ, ɛmɔ mma mmienzua, ɛmɔ mma mmrasua, ɛmɔ aye mɔ ɔne ɛmɔ awuro ama.”

Nehemia 9:32

“Yiti afei, yɛ Nyameɛ bɔ ɛte piri bɔ wɔ nwo yɛ suro, bɔ edi apam so ná ekyire ɔdɔ bɔ onni ngasi ɔ, amaneɛ amukoraa bɔ wato yɛ ne y’ahemvo, yɛ mbanyi mɔ, y’asɔfo mɔ, yɛ ngɔmhyɛlɛfoɛ, yɛ nana mɔ, ɔne wɔ mmenia amukoraa, ofi Asiria ahemvo mɔ aberɛ so bɔ ɔbaadwu ɛnɛ ye, nnebu ye nikyee ba.

YOB NWOMAA NE 36:26

Tie, kyɛbɔ Nyameɛ si te piri ne, yɛngɔhora ngonwu ye ngoyie, na ye afoɛ somaa de, ɔbo sona ndeaseɛ so.

Edwein 135:5

Na me de, mese kyɛ AWURADE te piri; yɛ Mene ne tra nyameɛ mɔ amukoraa.

Edwein 145:3

AWURADE te piri, na ɔfata ayɛyelɛ piri paa; ye piri ne bo sona ndeaseɛ so.

Edwein 2:9

Ɛkɔfa buralɛ pɔmaa kobubu bɛ, ná anyoko bɛ kyɛ ngukuenwonɛniɛ ye bua.”

Edwein 48:1

AWURADE te piri, na ɔfata ayɛyelɛ piri paa wɔ yɛ Nyameɛ kuro ne anu. Ye bokaa krongron ne,

Edwein 96:4

Ofikyɛ AWURADE te piri, na ɔfata ayɛyelɛ piri paa; odi kyɛ sona suro ye tra nyameɛ biala.

Yesaya 28:16

Yiti AWURADE Nyameɛ nwa nyoo: “Ɛ́mɔtie, méfa nyɔboɛ bie méto fapem wɔ Sion, nyɔboɛ bɔ maso manea, ndweasoɛ nyɔboɛ bɔ ye nyɔboɛ yɛ se bɔ otimu berɛ pindinn ɔ: ‘Ebiala bɔ ɔkɔfa ye nwo kɔto so ne, ɔngɔte ngɔtɔ.’

Daniel 2:24

Afei Daniel hɔle Arioke bɔ Nana afa awura ye sa kyɛ ohũhũ Babilɔn nworɛfoɛ nemɔ ne berɛ, na oosele ye kyɛ, “Nnɛkũkũ Babilɔn nworɛfoɛ nemɔ! Fa me kɔ Nana nyunu, na ngohyire Nana laleɛ ne abo ngohyire ye.”

Daniel 2:28

na mmom Nyameɛ bie wɔ nyameɛso bɔ ɔda mvealeɛ nu dwirɛ ali ɔ, na ye yeɛ waye bɔ kyẽa bie okosi ɔ wahyire Nana Nebukadenesa ɔ. Ɛla wɔ bɛen so ne, wɔ laleɛ ne nyekyire bɔ enwuni ne, ye ɛhe:

Daniel 2:29

Nana, mmerɛ bɔ né ɛla wɔ bɛen so ne, bɔ kyẽa bie okosi ɔ nwo adwene wale wɔ ti anu, na bɔ ɔda mvealeɛ nu dwirɛ ali ne yeɛ waye bɔ ɔbaasi ɔ wahyire wɔ ɔ.

Daniel 2:44

Na sɔ ahemvo nemɔ aberɛ so, nyameɛso Nyameɛ kɔma ahennie bɔ ɔngɔsɛkye le ɔ kɔye ye ti, na sɔ ahennie ne, bɛngɔkakyi bengowura maen foforɛ sa. Sɔ ahennie ne kɔsɛkye ahennie nemɔ amukoraa kɔmaa bɛkɔbɔ bɔkɔɔ, nakoso ye de, okogyina afebɔɔ.

Daniel 8:25

Na ye kanda ne ati, ɔkɔma nnakannaka kotira ndii wɔ ye aberɛ so, ye ti anu kɔyɛ ye fɛ maa ɔkɔhoahoa ye nwo, okohũhũ mmeni pee bɔ ɔngɔbɔ bɛ kɔkɔ ɔ, okodwɔso kotia ahemvo mɔ nu Hene ne, nakoso bekobu ye nu gyein wɔ aberɛ bɔ nna sona yeɛ wafa ye sa wahã ye ɔ.

Hagae 2:22

Ngogu ahennie mɔ bɛ bia mɔ bɔkɔɔ; ngɔsɛkye maen maen mɔ b’ahennie anwoserɛ; ngɔhã teaseɛnam mɔ ne teaseɛnamhanɛfoɛ mɔ ngogua; mbɔngɔ ne pɔngɔhanɛfoɛ nemɔ kofifi ase, na ebiala kɔtɔ wɔ obiɛngo ngrandɛ noa.

Sakaria 12:3

Na sɔ kyẽa ne, ngɔfa Yerusalem ngɔyɛ nyɔboɛ nonɛnonɛ ngɔma maen maen amukoraa, ebiala bɔ ɔkɔpagya ye ne, okopura piri paa, ɔwɔ nu kyɛ aseɛ so maen maen amukoraa bɛkɔboa bɛ noa bekodwɔso bekotia ye de.

Malaki 1:11

Ofikyɛ, ofi eyia fitelɛ kodwu ye tɔlɛ, me dumaa te piri wɔ maen maen mɔ nu, na bɛyera ɛyɛɛ bɛbɔ afɔleɛ bɛma me dumaa nekaa biala, yeɛ bɛbɔ afɔleɛ bɔ ye nwo te ɔ bɛma me; ofikyɛ me dumaa te piri wɔ maen maen mɔ nu, Asafo AWURADE noa dwirɛ ɛne.

Mateo 21:24

Na Yesu buale bɛ kyɛ, “Me koso ngobisa ɛmɔ dwirɛ ko, na sɛ ɛmɔma me mmuayɛɛ a, ye de, me koso ngɔhã tumi horɛ bɔ ngyi so meyɔ nningyein hemɔ ɔ ngohyire ɛmɔ.

Mateo 24:35

Anwuro ne aseɛ kɔpɛ nu kɔhɔ, nakoso me dwirɛ de, ɔngɔpɛ nu le.

Luka 17:20

Farasiifoɛ nemɔ bisale Yesu mmerɛ bɔ Nyameɛ ahennie ne kɔwa ɔ, na obuale bɛ kyɛ, “Nyameɛ ahennie ne, ɔmma bɔ mmenia bɛ nye tua ɔ;

Deuteronomi 10:17

Ofikyɛ AWURADE ɛmɔ Nyameɛ ne, ɔte nyameɛ mɔ nu Nyameɛ ɔne meneɛ mɔ nu Meneɛ, Nyameɛ piri bɔ ye nwo yɛ suro, bɔ ɔnyɛ nyeyemuɛ, bɔ onne fea-ase-ma ɔ.

Nyekyire 1:19

Yiti kyerɛ bɔ anwu ye, bɔ ɔwɔ berɛ kekesaala ye, ɔne bɔ nziɛ ye ɔbaasi ne.

Nyekyire 19:17

Na nwuni kyɛ abɔfo bie ogyi eyia so ɔ. Na ɔteane nu serɛserɛ frɛle nnomaa amukoraa bɔ betu bɛfa ewienu kyɛ, “Ɛmɔbra beeyia Nyameɛ poentolɛ piri ne abo,

Nyekyire 4:1

Na ɛhe asi ne, ndole me nye, na nwuni kyɛ babukye anoa bie wɔ nyameɛso. Na komviɛ bɔ nnili moa ndele bɔ ɔte kyɛ totorobɛndo bɔ odwudwu hyirele me, osele me kyɛ, “Fo bra anwuro wa, na ngohyire wɔ nningyein bɔ ɔsɛ kyɛ ɛhemɔ asi ne besisi ɔ.”