Daniel 2:41 - AHYERƐLƐ KRONGRON

⁴¹ Na ye gya tasaa ne ye gya mmɛseka bɔ enwuni kyɛ ye bue te ngukuenwonɛniɛ ɛfaa, ná ye bue koso te buralɛ ne, sɔ ala yeɛ ahennie ne anu kɔhyehyɛ ɔ; nakoso buralɛ n’anwoserɛ ne bie kɔha nu, kyɛbɔ enwuni kyɛ buralɛ ne ɛfaa bali afra ne ala.

Daniel 2:41 Iomraidhean Croise

Daniel 2:40

Afei ahennie bɔ ɔtɔ so nna ne, ye nwo kɔyɛ se kyɛ buralɛ. Na kyɛbɔ buralɛ bubu nningyein, ná ɔnyoko bɛ mukoraa ne, sɔ ala yeɛ ahennie bɔ ɔtɔ so nna ne okobubu bɛ mukoraa kɔnyoko bɛ ɔ.

Daniel 2:42

Na kyɛbɔ ye gya mmɛseka bue te buralɛ, ná ye bue koso te ɛfaa ne, sɔ ala yeɛ ahennie ne bue bie nwo kɔyɛ se, ná ye bue bie koso kɔyɛ mmerɛ ɔ.

Daniel 7:24

Na mmɛen buru nemɔ, ahemvo buru kodwɔso wɔ sɔ ahennie ne anu, na nziɛ ye, ɛhene foforɛ kodwɔso wɔ bɛ si; nzonzoleɛ kɔwa ye ne bɛ bɔ beli moa ne anu, na okoli ahemvo nza so ngonim.

Daniel 7:7

Na ɛhe asi ne, nwuni kaka bɔ ɔtɔ so nna ɔ wɔ kɔngɔen laleɛ ne anu. Ye nwo yɛ suro, nwanwa, na ye nwo yɛ se paa. Né ole buralɛ agyee mbiri mbiri; oku na ɔtete nu pasapasa, na otiatia ye ngaa ne aso. Nzonzoleɛ wɔ ye ne ngaka mukoraa bɔ belili ye nyunu ne anu, na né ye mmɛen te buru.

Nyekyire 12:3

Na sɛngyerɛnneɛ bieku lale ye nwo ali wɔ nyameɛso: na yieee, sasrabɔnzam pirikua kɔkorɛ bie bɔ ye ti nzoo, ye mmɛen buru, bɔ ahennie abotire nzoo bobɔ ye ti nemɔ ɔ.

Nyekyire 13:1

Na nwuni kaka bie bɔ ole tire nzoo, ɔne mmɛen buru kyɛ ofi ɛpo nu ofite ɔ. Né ahennie abotire buru bobɔ ye mmɛen nemɔ, na musue abodin mɔ wɔ ye ti nemɔ anwo.

Nyekyire 17:12

“Na mmɛen buru bɔ enwuni bɛ ne, bɛte ahemvo buru bɔ bɛ sa onnya ɔhhane ahennie ɔ, nakoso bɛne kaka ne bekonya tumi kyɛ ahemvo dɔnhwere ko.