Daniel 2:4 - AHYERƐLƐ KRONGRON

⁴ Yeɛ Kaldeafoɛ nemɔ buale Nana wɔ Aramaeke dwudwolɛ nu kyɛ, “Nana, wɔ ngoa so oo! Wɔ somvoɛ mɔ, kã laleɛ ne yɛ, na yɛkohyire ye bo.”

Daniel 2:4 Iomraidhean Croise

Gyenesise 31:47

Laban frɛle nyɔboɛ kure ne Yega Sahaduta, yeɛ Yakob wora ɔfrɛle ye Galeede.

Gyenesise 41:8

Yiti aleɛ hyene ngyerɛmɔ ne, Faro yɛle basaa. Na ɔsomane maa bɛɛfrɛle Misraim ngonyaayelɛfoɛ amukoraa ne mmenia bɔ bɛse ase amukoraa bɛmane ye. Ɔhane ye laleɛ ne anu dwirɛ hyirele bɛ, nakoso bɛ nu biala angora ye bo kyire.

1 Ahemvo 1:25

Ofikyɛ Nana, ɛnɛ wafa nandwie nyii, nandwie sayɛɛ ɔne mmoaen pee wabɔ afɔleɛ, na wato ye sa wafrɛ wɔ mma nemɔ amukoraa, yeɛ safohene Yoabo ɔne ɔsɔfo Abiata. Kekesaala ye, bɛ ne ye bedidi bɛno, na bɛkã kyɛ, ‘Nana Adoniya, wɔ ngoa so oo!’

1 Ahemvo 1:31

Yeɛ Bahyeba kotole fale ye nyunu butuli berɛ wɔ Nana Dawide nyunu. Na ɔhane kyɛ, “Me mene Nana Dawide, wɔ ngoa so oo!”

2 Ahemvo 18:26

Yeɛ Hilkia awa Eliakim, Sebena ɔne Yoa besele Rabesake ne kyɛ, “Wɔ ngoaa, yɛsrɛ wɔ, kã edwirɛ ne kyire yɛ wɔ Aramaeke dwudwolɛ nu, ofikyɛ yɛte Aramaeke. Nnɛdwudwo kyire yɛ wɔ Yuda dwudwolɛ nu, ofikyɛ mmenia bɔ bɛwɔ fasue ne aso ne, bɛkɔte bɔ ɛkã ne.”

Ɛsra 4:7

Yeɛ Pɛsia hene Atasɛsɛse aberɛ so koso, Bislam, Mitredate, Tabeel ne bɛ mmango ngaa nemɔ bɛhyerɛle krataa bɛɛmane Pɛsia hene Atasɛsɛse. Bɛhyerɛle krataa ne Aramaeke dwudwolɛ nu, na bɛtele ye noa wɔ ye dwudwolɛ nu behyirele ye.

Nehemia 2:3

Na nzele Nana kyɛ, “Nana, wɔ ngoa so oo! Ɔkɔyɛ sɛɛ bɔ me wora ngɔbɔ ɔ, wɔ aberɛ bɔ kuro bɔ me nana mɔ asieleɛ wɔ so ne, wabɔ bɔ bafa see bayera ye pambim mɔ ɔ?”

Yesaya 36:11

Yeɛ Eliakim, Sebena ne Yoa besele safohene ne kyɛ, “Wɔ ngoaa, yɛsrɛ wɔ, kã edwirɛ ne kyire yɛ wɔ Aramaeke dwudwolɛ nu, ofikyɛ yɛte Aramaeke. Nnɛdwudwo kyire yɛ wɔ Yuda dwudwolɛ nu, ofikyɛ mmenia bɔ bɛwɔ fasue ne aso ne, bɛkɔte bɔ ɛkã ne.”

Yesaya 44:25

Kyẽa bie dwirɛ nwo musue bɔ ahɔmeɛ bɛye ne, me yeɛ memaa ɔyɛ mbaen ɔ, mema ngonyaayelɛfoɛ bɛyɛ ngwaseaa, mema nworɛfoɛ bɛ nworɛ ka nziɛ, na mekakyi bɛ nimdeɛ ngwaseasɛm.

Daniel 1:4

mmerandeɛ bɔ bellili nnɛen ɔ, anwonyemenefoɛ bɔ bɛse nworɛ, bɔ nimdeɛ ali bɛ ti, bɔ bɛkɔhora bekosua nwomaa, bɔ bɛkɔhora bɛkɔyɔ ɛsolɛ adwuma wɔ Nana ahemvie ɔ, ná ohyirehyire bɛ Kaldeafoɛ dwudwolɛ ne ye hyerɛlɛ.

Daniel 2:7

Yeɛ bebuale bieku kyɛ, “Nana, wɔ somvoɛ mɔ, kã laleɛ ne kyire yɛ, na yɛkohyire ye bo.”

Daniel 3:9

Besele Nana Nebukadenesa kyɛ, “Nana, wɔ ngoa so oo!

Daniel 4:19

Na Daniel bɔ osa li Beltesasa ne, ye nwo dwirili ye hyɛle kãa, na edwirɛ ne hale ye. Yeɛ ɛhene ne sele kyɛ, “Beltesasa, nnɛma laleɛ ne anaa ye bo hyirelɛ ne ɔha wɔ.” Na Beltesasa buale kyɛ, “Me mene, me ngome a, ahaa laleɛ ne ɔkakyi hɔ bɛ bɔ bekyi wɔ ɔ bɛ so, ná ye bo hyirelɛ ne koso ɔhɔ wɔ pɔfoɛ mɔ so!

Daniel 4:7

Yeɛ ngonyaayelɛfoɛ, bɛ bɔ bɛnea nzramaa nu bɛkã nu dwirɛ, Kaldeafoɛ ne ahɔmeɛ bɛwale. Ngane laleɛ ne ngyirele bɛ, nakoso bangora bangyire me ye bo.

Daniel 4:9

“O Beltesasa, ngonyaayelɛfoɛ panyi, mese kyɛ nyameɛ krongron mɔ bɛ sunzum wɔ wɔ nu, yeɛ mvealeɛ nu dwirɛ biala mmo w’adwene so, yiti kã me laleɛ bɔ ngyene ne kyire me, ná kyire me ye bo.

Daniel 5:10

Na mmerɛ bɔ ɛhemmaa ne tele edwirɛ bɔ ɛhene ne ne ye mbanyi mɔ begu so bɛkekã nen, ɔwale ɛpoentolɛ sua ne anu, na osele kyɛ, “Nana, wɔ ngoa so oo! Nnɛma edwirɛ ne ha wɔ, yeɛ nnɛma wɔ nyunu yɛ bosaa.

Daniel 5:8

Yeɛ Nana ye nworɛfoɛ ne amukoraa bɛwale berɛ, nakoso bangora ahyerɛlɛ ne kenga, yeɛ bangora bangyire ye bo bangyire Nana.

Daniel 6:21

Yeɛ Daniel buale ɛhene ne kyɛ, “Nana, wɔ ngoa so oo!

Daniel 6:6

Yeɛ mbanyi so neafoɛ nemɔ ne mbɔtam mbanyi nemɔ, bɛbɔle nu bɛhɔle ɛhene ne berɛ, na besele ye kyɛ, “Nana Dario, wɔ ngoa so oo!

Daniel 6:7

Yɛ, ahennie ye anu mbanyi so neafoɛ mɔ, mbanyi, mbɔtam mbanyi, foɛtulɛfoɛ ne amrado mɔ amukoraa bahã bɛ ti bapura, kyɛ odi kyɛ Nana hyɛ mmeraa, ná ɔbra ye kitii kyɛ, eleburasa ye anu, sona biala bɔ ɔkɔfa ye abisadeɛ kɔto nyameɛ bie anaa sona bie nyunu ne, odi kyɛ begyi ye bɛto gyata nemɔ bɛ tuin ne anu; Nana, sana wɔ ngome wɔ nyunu yeɛ odi kyɛ ɔfa to ɔ.

Mateo 21:9

Na ɛlɔen bɔ beli ye nyunu ne, bɛ ne bɛ bɔ beli ye si ne, bɛbɔle ese kyɛ, “Hosana hã Dawide Awa ne! Saleɛ ole bɔ ɔnate Awurade dumaa nu ɔ́ba ye! Hosana wɔ anwuro anwuro!”

1 Samuel 10:24

Na Samuel sele mmenia ne amukoraa kyɛ, “Ɛhe yeɛ AWURADE aneanea nu waye ye ɔ. Ebiala nne maen ye anu bɔ ɔte kyɛ ye ɔ.” Na mmenia ne amukoraa bɔ lele so kyɛ, “Nana, wɔ ngoa so oo!”