Daniel 2:38 - AHYERƐLƐ KRONGRON

³⁸ Nekaa biala bɔ kuro mmenia, eburo ngaka ne ewienu nnomaa bɛte ne, wafa bɛ wawura wɔ sa, na wamaa ali bɛ mukoraa bɛ so tumi. Wɔ ole sikaa kɔkorɛ tire ne.

Daniel 2:38 Iomraidhean Croise

Yeremia 34:1

Mmerɛ bɔ Babilɔn hene Nebukadenesa ne ye koɛhonɛfoɛ amukoraa ne aseɛ so ahennie amukoraa bɔ bewura ye bo, ɔne maen maen amukoraa bɛfale koɛ bɛɛtetale Yerusalem ne ye nwo nguro amukoraati ne, AWURADE lale ye dwirɛ ali hyirele Yeremia kyɛ,

Daniel 1:2

Na AWURADE fale Yuda hene Yehoakim wurale ye sa, bɔ Nyameɛ awuro berɛ nningyein ne biemɔ boka so ɔ. Ɔsesale nningyein ne wale ye bosoen awuro wɔ Sinari aseɛ so, na ɔfale nningyein ne ooguale ye bosoen awuro berɛ nekaa bɔ besie nningyein ne.

Daniel 2:32

Sonaluwaa ne, ye ti ne te sikaa kɔkorɛ paa, ye hue ne ye sa te dwetɛ, ye ko ne ye sɔ te kɔɔbere,

Daniel 2:39

Efi berɛ a, ahennie bieku bɔ ye tumi ndwu wɔ deɛ ne ɔ kodwɔso; yeɛ afei ahennie bieku bɔ ɔtɔ so nza ɔ kɔwa bɔ ye ole kɔɔbere ne, na okoli hene wɔ aseɛ so amukoraa.

Daniel 4:18

Laleɛ bɔ me, Nana Nebukadenesa, ngyene ne, ye ɛne. Yiti wɔ, Beltesasa, kyire ye bo, ofikyɛ m’ahennie nu nworɛfoɛ amukoraa bɛngɔhora ngohyire me ye bo. Nakoso wɔ de, ɛkɔhora, ofikyɛ nyameɛ krongron mɔ bɛ sunzum wɔ wɔ nu.”

Daniel 5:18

Nana, Anwuro Anwuro Nyameɛ ne, ɔfale ahennie mane wɔ baba Nebukadenesa, ɔmaa ɔyɛle titire, na ɔmaa onyane anidie ne animnyam;

Daniel 7:4

Né bɔ oli moa ne te kyɛ gyata, na né ole kɔleɛ ndaa. Na ngu so bɔ menea ne, betutuli ye ndaa nemɔ, bɛmane ye so befili aseɛnwo, bɛmaa ogyinane agyirɛ nyɔ so kyɛ sona, na bɛmane ye sona adwene.