Daniel 2:34 - AHYERƐLƐ KRONGRON

³⁴ Na egu so bɔ ɛnea ne, nyɔboɛ bie bɔ nna sona sa yeɛ ofindini ye ɔ, ɔte ɔɔbɔle sonaluwaa ne gya tasaa bɔ ɔte buralɛ ne ɛfaa ne, na obubuli ye nyokonyoko.

Daniel 2:34 Iomraidhean Croise

Edwein 118:22

Nyɔboɛ bɔ suasilɛfoɛ bɛpole ye ne, ye ala yeɛ waayɛ sua ne ndweasoɛ nyɔboɛ titire ɔ.

Yesaya 28:16

Yiti AWURADE Nyameɛ nwa nyoo: “Ɛ́mɔtie, méfa nyɔboɛ bie méto fapem wɔ Sion, nyɔboɛ bɔ maso manea, ndweasoɛ nyɔboɛ bɔ ye nyɔboɛ yɛ se bɔ otimu berɛ pindinn ɔ: ‘Ebiala bɔ ɔkɔfa ye nwo kɔto so ne, ɔngɔte ngɔtɔ.’

Yesaya 60:12

Ofikyɛ maen anaa ahennie bɔ ɔngɔso wɔ ne, okogu; na bɛkɔbɔ sɔ maen nemɔ bɔkɔɔ.

Yesaya 8:9

Maen maen mɔ, ɛmɔ de, ɛ́mɔhã ɛmɔ nwo bɛbɔ nu, nakoso ɛmɔkoli ngoguo, dedeede maen mɔ amukoraa, ɛ́mɔyɛ asoɛ bétie, ɛ́mɔyɛ koɛ nu anwoboa, nakoso ɛmɔkoli ngoguo, ɛ́mɔyɛ koɛ nu anwoboa, nakoso ɛmɔkoli ngoguo.

Hesekiel 32:28

Yiti, bɛmbɛ-bɛ-bienzuafoɛ mɔ nu yeɛ bekobubu wɔ nu ɔ, na ɛne bɛ bɔ batotɔ ngrandɛ noa yeɛ bɛkɔla bɛkɔbɔ nu ɔ.

Hesekiel 47:5

Osa susuli agyirɛ apee ko, na ɔte asue bɔ mangora ye pɛ ɔ, ofikyɛ né nzue ne wayi bɔ bɛngora ye pɛ ɔ, sana ebia pɛ ye.

Daniel 2:33

ye gya te buralɛ, na ye gya tasaa ne, ye bue te buralɛ, yeɛ ye bue koso te ɛfaa.

Daniel 7:27

Na bɛkɔfa ahennie ne tumi ɔne ahennie mɔ bɛ tumi bɔ ɔwɔ anwuro amukoraa bo bɛkɔma Anwuro Anwuroniɛ n’anwoteefoɛ maen ne. Ye ahennie ne te ahennie afebɔɔ, na tumi amukoraa kɔso ye, ná bayɛ sotie bama ye.’

Daniel 8:25

Na ye kanda ne ati, ɔkɔma nnakannaka kotira ndii wɔ ye aberɛ so, ye ti anu kɔyɛ ye fɛ maa ɔkɔhoahoa ye nwo, okohũhũ mmeni pee bɔ ɔngɔbɔ bɛ kɔkɔ ɔ, okodwɔso kotia ahemvo mɔ nu Hene ne, nakoso bekobu ye nu gyein wɔ aberɛ bɔ nna sona yeɛ wafa ye sa wahã ye ɔ.

Sakaria 12:3

Na sɔ kyẽa ne, ngɔfa Yerusalem ngɔyɛ nyɔboɛ nonɛnonɛ ngɔma maen maen amukoraa, ebiala bɔ ɔkɔpagya ye ne, okopura piri paa, ɔwɔ nu kyɛ aseɛ so maen maen amukoraa bɛkɔboa bɛ noa bekodwɔso bekotia ye de.

Sakaria 4:6

Na obuale me kyɛ, “AWURADE dwirɛ bɔ ɔkã kyire Serubabɛl ole kyɛ: Nna anwoserɛ ɔ, yeɛ nna tumi ɔ, na mmom me Sunzum ɔ. Asafo AWURADE noa dwirɛ ɛne.

Mateo 16:18

Na me, mekã mekyire wɔ kyɛ: Wɔ ole Petro, na nyɔbotaen he aso yeɛ ngosi m’asɔre ngosie ɔ, na ewue tumi ngɔhora ngoli so ngonim.

Yohane 1:13

bɔ bamva mogya so, anaakyɛ anwoɔnaen apɛdeɛ so, anaakyɛ sona apɛdeɛ so, na mmom Nyameɛ nu yeɛ bɛwole bɛ ɔ.

Asomafoɛ 4:11

Na ɛhe ole ‘Nyɔboɛ bɔ ɛmɔ suasilɛfoɛ apo ye, nakoso waayɛ ndweasoɛ nyɔboɛ titire ɔ.’

2 Korintofoɛ 5:1

Na yɛse kyɛ sɛ yɛ aseɛ ye aso ɛtena sua ne sɛkye a, yɛkonya awuro bɔ ofi Nyameɛ berɛ, bɔ nna sona yeɛ osili ɔ, bɔ ɔwɔ nyameɛso afebɔɔ.

Hebrifoɛ 9:24

Ɔnate kyɛ, Kristo anwura nekaa krongron bɔ kuro sona sili, ná osa te nyameɛso deɛ paa ne nwo nhwɛsoɛ ne anu; na mmom wahɔ nyameɛso berɛ deinn, na kekesaala ye odi yɛ ti dwirɛ ma yɛ wɔ Nyameɛ nyunu.

1 Petro 2:7

Na ɛmɔ bɔ ɛmɔde ye bedi ne de, odi mu ma ɛmɔ; nakoso bɛ bɔ benne benni ne de, “Nyɔboɛ bɔ suasilɛfoɛ bɛpole ye ne, ye ala yeɛ waayɛ sua ne ndweasoɛ nyɔboɛ titire ɔ;

Nyekyire 11:15

Na abɔfo bɔ ɔtɔ so nzoo ne huli ye totorobɛndo ne, na komviɛ mbiri mbiri bobɔle nu wɔ nyameɛso kyɛ, “Ewiase ahennie wayɛ yɛ Awurade ne ye Kristo ne deɛ, na okoli hene afebɔɔ.”

Nyekyire 17:14

Bɛkɔfa koɛ bɛkɔteta Boaen Ba ne, na Boaen Ba ne koli bɛ so ngonim; ofikyɛ ɔte meneɛ mɔ nu Meneɛ ne ahemvo mɔ nu Hene; na bɛ bɔ bɛboka ye so ne, wafrɛ bɛ, waneanea nu waye bɛ, na bedi nahorɛ.”