Daniel 2:30 - AHYERƐLƐ KRONGRON

³⁰ Na me de, nna kyɛ nworɛ yeɛ mese metra ateasefoɛ amukoraa ti ɔ, yeɛ ɔmaa ɔnate so waye sɔ mvealeɛ nu dwirɛ he wahyire me ɔ. Na mmom, Nana, kyɛbɔ ɔkɔyɛ bɔ bekohyire ye bo bekohyire wɔ, ná afei ate edwirɛ bɔ ɔwale wɔ ti anu ne abo ti ɔ.

Daniel 2:30 Iomraidhean Croise

Gyenesise 41:16

Yosef buale Faro kyɛ, “Nana, me de mengora ye bo kyire, na mmom Nyameɛ yeɛ ɔkɔma Faro nyeanoɛ paa ɔ.”

Edwein 139:2

Ɛse m’asetenalɛ ne me dwɔsolɛ mmerɛ; na enwu me ti anu adwene fi dedeede.

Yesaya 45:4

Me somvoɛ Yakob ne Yisrael bɔ maneanea nu maye ye ne ati yeɛ mabɔ wɔ dumaa mafrɛ wɔ ɔ; na mabɔ wɔ abodin, ɔwɔ nu kyɛ ɛnze me de.

Daniel 1:17

Na sɔ mmerandeɛ nna hemɔ de, Nyameɛ mane bɛ nimdeɛ ne ndeaseɛ wɔ nwomaasualɛ ne nworɛ amukoraa nu, na Daniel nyane nyekyire ne laleɛ mukoraa nu ndeaseɛ.

Daniel 2:47

Afei ɛhene ne sele Daniel kyɛ, “Nahorɛ nu, ɛmɔ Nyameɛ ne, ɔte nyameɛ mɔ nu Nyameɛ ne ahemvo mɔ nu Meneɛ, ɔne Nyameɛ bɔ ɔda mvealeɛ nu dwirɛ ali ɔ, ofikyɛ ahora ala sɔ mvealeɛ nu dwirɛ he ali.”

Daniel 2:49

Afei Daniel srɛle ɛhene ne maa ɔfale Sadrake, Mesake ne Abedinego yɛle Babilɔn maen ne anu amukoraa so neafoɛ; na Daniel de, ɔtenane Nana ahemvie berɛ.

Amose 4:13

Ofikyɛ tie, bɔ ɔhyehyɛle mmokaa mɔ, ná ɔbɔle mvrama ne, ye bɔ ɔye ye ti anu adwene kyire adasa mmaa, ɔma ngyerɛmɔ kakyi awosii, ná otiatia aseɛ ye aso asɔneyɛɛ mɔ so ne, ye dumaa ole AWURADE, Asafo Nyameɛ.

Mateo 24:22

Na sɛ bande sɔ ngyẽa ne aso a, ahaa bengole sona biala ngoa; nakoso ɔnate bɛ bɔ baneanea nu baye bɛ ne ati, bɛkɔte sɔ ngyẽa ne aso.

Marko 13:20

Na sɛ Awurade ande sɔ ngyẽa ne aso a, ahaa ongole sona biala ngoa; nakoso ɔnate bɛ bɔ waneanea nu waye bɛ, bɔ ɔsale nu yele bɛ ne ati, wate ngyẽa ne aso.

Asomafoɛ 3:12

Na Petro nwuni ye sɔ nen, osele ɛlɔen ne kyɛ, “Ɛmɔ, Yisraelfoɛ, nzu ati yeɛ ɛmɔama ɛhe ayɛ ɛmɔ nwanwa ɔ, anaakyɛ nzu ati yeɛ ɛmɔnea yɛ haa ye, kyɛ ebiaa yɛnate yɛ bɔbɔ yɛ tumi ne yɛ tenenee so yeɛ yɛmaa ɔnatele ɔ?

Romanfoɛ 8:28

Yɛse kyɛ bɛ bɔ bekuro Nyameɛ dwirɛ ne, bɔ okosi biala ɔboka bɛ, bɛ bɔ ɔnate ye nhyehyɛleɛ so wafrɛ bɛ ne.

2 Korintofoɛ 4:15

Ɛmɔ ti yeɛ sɔ nikyee ne wɔ berɛ ɔ, amaa mmeni pee bɔ Nyameɛ adom ɔtrɛ kɔ bɛ berɛ ne, bafa asennaa mmorosoɛ bahyɛ Nyameɛ animnyam.