Daniel 2:29 - AHYERƐLƐ KRONGRON

²⁹ Nana, mmerɛ bɔ né ɛla wɔ bɛen so ne, bɔ kyẽa bie okosi ɔ nwo adwene wale wɔ ti anu, na bɔ ɔda mvealeɛ nu dwirɛ ali ne yeɛ waye bɔ ɔbaasi ɔ wahyire wɔ ɔ.

Daniel 2:29 Iomraidhean Croise

Gyenesise 41:25

Yeɛ Yosef sele Faro kyɛ, “Nana, laleɛ ne amunyɔ kyire nikyee ko. Nyameɛ aye bɔ ɔbaayɔ ɔ wahyire Faro.

Hesekiel 38:10

“AWURADE Nyameɛ nwa nyoo: Sɔ kyẽa ne, adwene biemɔ kɔwa wɔ ti anu, ɛkɔbɔ porɛ,

Daniel 2:22

ɔda edwirɛ bɔ nu pi ɔ, ɔne mvealeɛ nu dwirɛ ali, ɔse bɔ ɔwɔ awosii nu ɔ, na kanea ne ye yeɛ bɛte ɔ.

Daniel 2:23

O, me nana mɔ Nyameɛ, meyɛ wɔ mmo meye wɔ ayɛ, kyɛ ama me nworɛ ne tumi, ná afei ala bɔ yasrɛ wɔ ne ali ahyire me ɔ, ofikyɛ ala Nana laleɛ ne ali ahyire yɛ.”

Daniel 2:28

na mmom Nyameɛ bie wɔ nyameɛso bɔ ɔda mvealeɛ nu dwirɛ ali ɔ, na ye yeɛ waye bɔ kyẽa bie okosi ɔ wahyire Nana Nebukadenesa ɔ. Ɛla wɔ bɛen so ne, wɔ laleɛ ne nyekyire bɔ enwuni ne, ye ɛhe:

Daniel 2:45

Na kyɛbɔ enwuni kyɛ nyɔboɛ bie, bɔ nna sona sa yeɛ ofindini ye ɔ, ɔte ofili bokaa so wale, bɔ obubuli buralɛ ne, kɔɔbere ne, ɛfaa ne, ɛdwetɛ ne ne sikaa kɔkorɛ ne nyokonyoko nen, Nana, sɔ ala yeɛ Nyameɛ piri ne waye bɔ kyẽa bie ɔbaasi ɔ wahyire wɔ ɔ. Laleɛ ne te nahorɛ, na ye bo hyirelɛ ne koso te turoloo.”

Daniel 2:47

Afei ɛhene ne sele Daniel kyɛ, “Nahorɛ nu, ɛmɔ Nyameɛ ne, ɔte nyameɛ mɔ nu Nyameɛ ne ahemvo mɔ nu Meneɛ, ɔne Nyameɛ bɔ ɔda mvealeɛ nu dwirɛ ali ɔ, ofikyɛ ahora ala sɔ mvealeɛ nu dwirɛ he ali.”

Amose 4:13

Ofikyɛ tie, bɔ ɔhyehyɛle mmokaa mɔ, ná ɔbɔle mvrama ne, ye bɔ ɔye ye ti anu adwene kyire adasa mmaa, ɔma ngyerɛmɔ kakyi awosii, ná otiatia aseɛ ye aso asɔneyɛɛ mɔ so ne, ye dumaa ole AWURADE, Asafo Nyameɛ.