Daniel 2:27 - AHYERƐLƐ KRONGRON

²⁷ Yeɛ Daniel buale wɔ Nana nyunu berɛ kyɛ, “Nana, mvealeɛ nu dwirɛ bɔ abisa ye, nworɛfoɛ, bɛ bɔ bɛnea nzramaa nu bɛkã nu dwirɛ, ngonyaayelɛfoɛ anaa benewaafoɛ biala ngɔhora ngohyire wɔ ye bo;

Daniel 2:27 Iomraidhean Croise

Gyenesise 40:8

Na bebuale ye kyɛ, “Yahyehye laleɛ, nakoso yɛnnya sona maa ongyire yɛ bɛ bo.” Yeɛ Yosef sele bɛ kyɛ, “Aso nna Nyameɛ ala yeɛ ɔkora kyire laleɛ bo ɔ? Mesrɛ ɛmɔ, ɛ́mɔhã laleɛ ne behyire me.”

Gyenesise 41:8

Yiti aleɛ hyene ngyerɛmɔ ne, Faro yɛle basaa. Na ɔsomane maa bɛɛfrɛle Misraim ngonyaayelɛfoɛ amukoraa ne mmenia bɔ bɛse ase amukoraa bɛmane ye. Ɔhane ye laleɛ ne anu dwirɛ hyirele bɛ, nakoso bɛ nu biala angora ye bo kyire.

Yesaya 19:3

Misraim sunzum bɔ ɔwɔ ye nu ɔ ye nwo kɔto, bɛkɔ agyina a, ngɔmaa ɔkɔyɛ mbaen, bɛkɔhɔ abisa wɔ mmosoen ne musueyelɛfoɛ, nzamangɔmhyɛlɛfoɛ ne ngɔndwemahwenɛfoɛ so.

Yesaya 44:25

Kyẽa bie dwirɛ nwo musue bɔ ahɔmeɛ bɛye ne, me yeɛ memaa ɔyɛ mbaen ɔ, mema ngonyaayelɛfoɛ bɛyɛ ngwaseaa, mema nworɛfoɛ bɛ nworɛ ka nziɛ, na mekakyi bɛ nimdeɛ ngwaseasɛm.

Yeremia 10:7

Ao maen maen mɔ Hene, nwa yeɛ onzuro wɔ ɔ? Ofikyɛ wɔ yeɛ ɛhe fata wɔ ɔ. Amaenmaenso nworɛfoɛ amukoraa nu, yeɛ b’ahennie amukoraa nu, ebiala nne berɛ bɔ ɔte kyɛ wɔ ɔ.

Daniel 1:20

Na nworɛ dwirɛ ne edwirɛ bɔ ɔkye adwene biala bɔ Nana bisale bɛ ne, onwuni kyɛ bɛ mmuayɛɛ ne, ɔbo ngonyaayelɛfoɛ ne bɛ bɔ bɛnea nzramaa nu bɛkã nu dwirɛ amukoraa, bɔ bɛwɔ ye ahennie ne amukoraa nu ɔ bɛ deɛ so pɛen buru.

Daniel 2:2

Na Nana Nebukadenesa hyɛle kyɛ bɛɛfa ngonyaayelɛfoɛ, bɛ bɔ bɛnea nzramaa nu bɛkã nu dwirɛ, musueyelɛfoɛ ne Kaldeafoɛ ma bɛbra beehyire ye laleɛ nemɔ abo. Yiti bɛwale beegyinane Nana nyunu.

Daniel 4:7

Yeɛ ngonyaayelɛfoɛ, bɛ bɔ bɛnea nzramaa nu bɛkã nu dwirɛ, Kaldeafoɛ ne ahɔmeɛ bɛwale. Ngane laleɛ ne ngyirele bɛ, nakoso bangora bangyire me ye bo.