Daniel 2:25 - AHYERƐLƐ KRONGRON

²⁵ Yeɛ Arioke yɛle ndɛndɛ fale Daniel hɔle Nana nyunu, na osele ye kyɛ, “Nana, mmenia bɔ bɛhyele bɛ nnure befili Yuda bɛwale ne, manya bɛ nu bienzua ko bɔ okohyire wɔ laleɛ ne abo ɔ.”

Daniel 2:25 Iomraidhean Croise

Gyenesise 41:14

Yiti Faro somane maa bɛɛfrɛle Yosef bɛmane ye. Bɛyele ye befili kumaa nu kuku nu berɛ ndɛndɛ. Na Yosef poane ye kanza na ɔsesane ye ndaadeɛ yiele ne, ɔwale oogyinane Faro nyunu.

Nehemia 7:6

Mmenia bɔ Babilɔn hene Nebukadenesa hyele bɛ nnure hɔle Babilɔn nen, bɛ bɔ befili mbɔtam mbɔtam nemɔ anu besa bɛwale Yerusalem ne Yuda, bɔ ebiala sa hɔle ye kuro nen, bɛ ɛhe.

Anyandera 24:11

Sɛ ambepɛ anne bɛ bɔ babua bɛ ndɛengyea bɛkwaahũ bɛ, bɛ bɔ babua bɛ kumfɔ bɛkwaahũ bɛ a;

Nworɛ Dwirɛhanɛniɛ 9:10

Adwuma biala bɔ wɔ sa kɔsɔ nu kyɛ ɛyɔ ne, fa w’anwoserɛ yɔ, ofikyɛ ɛborɔ dɔ bɔ ɛbaahɔ ne, adwuma anaa adwene anaa nimdeɛ anaa nworɛ nne dɔ.

Daniel 1:6

Bɛ nu biemɔ ole: Daniel, Hanania, Misael ne Asaria bɔ befi Yuda abusua kure nu ɔ.

Daniel 5:13

Yeɛ bɛɛfale Daniel bɛwale ɛhene ne nyunu, na obisale Daniel kyɛ, “Wɔ ole Daniel, mmenia bɔ bɛhyele bɛ nnure befili Yuda nemɔ anu ko, bɔ Nana, me baba fale bɛ fili Yuda wale ne anaa?

Daniel 6:13

Yeɛ besele ɛhene ne kyɛ, “Sɔ Daniel ne, bɔ ɔte mmenia bɔ bɛhyele bɛ nnure befili Yuda nemɔ anu ko ne, Nana, ommu wɔ, yeɛ ɔmva mmeraa bɔ wɔ sa wura ye bo ne nyɛ huu, na mmom ɛlɛho biala ɔbɔ ye mbaeɛ ne pɛen nza.”