Daniel 2:23 - AHYERƐLƐ KRONGRON

²³ O, me nana mɔ Nyameɛ, meyɛ wɔ mmo meye wɔ ayɛ, kyɛ ama me nworɛ ne tumi, ná afei ala bɔ yasrɛ wɔ ne ali ahyire me ɔ, ofikyɛ ala Nana laleɛ ne ali ahyire yɛ.”

Daniel 2:23 Iomraidhean Croise

Gyenesise 18:17

Na AWURADE sele kyɛ, “Aso mva bɔ mebaayɔ ye mvea Abraham anaa?

Gyenesise 31:42

Me baba ye Nyameɛ bɔ yeɛ ɔte Abraham ye Nyameɛ, na osa te Nyameɛ bɔ Yisake suro ye ne, sɛ wangyina me si a, ahaa ɛmaa mvale nzanza ngɔle. Na Nyameɛ nwuni m’ateetee ne me fɛɛ, yiti yeɛ ɔmaa ɔhane wɔ nyunu anoma kɔngɔen ne.”

1 Ahemvo 18:36

Mmerɛ bɔ bɛfa bɛbɔ aburoo afɔleɛ ne dwuli ne, ngɔmhyɛlɛniɛ Elia pingyele berɛ, na osele kyɛ, “Ao AWURADE, Abraham, Yisake ne Yisrael Nyameɛ, ɛnɛ maa benwu ye kyɛ wɔ yeɛ ɛte Nyameɛ wɔ Yisrael ɔ, na nde wɔ somvoɛ, na wɔ noa dwirɛ so yeɛ ngyi bɔ mayɔ ɛhe amukoraati ye.

1 Ahemvo 8:57

Mesrɛ kyɛ AWURADE yɛ Nyameɛ ogyina yɛ si, kyɛbɔ ogyinane yɛ nana mɔ si ne. Nnɛmaa ɔyakyi yɛ nu, anaa ɔye ye sa fi yɛ bo.

1 Aberɛso Dwirɛ 29:10

Afei Dawide yele AWURADE ayɛ wɔ maen ne amukoraati bɛ nyunu. Na Dawide hane kyɛ, “Yɛye wɔ ayɛ afebɔɔ oo, AWURADE, yɛ nana Yisrael ye Nyameɛ.

1 Aberɛso Dwirɛ 29:13

Afei, yɛ Nyameɛ, yɛda wɔ ase, na yɛye wɔ animnyam dumaa ne ayɛ.

2 Aberɛso Dwirɛ 20:6

Na osele kyɛ, “Ao AWURADE yɛ nana mɔ Nyameɛ, aso nna wɔ yeɛ ɛte Nyameɛ bɔ ɔwɔ nyameɛso ɔ? Aso nna wɔ yeɛ edi maen maen mɔ b’ahennie amukoraa so ɔ? Wɔ yeɛ ele anwoserɛ ne tumi ɔ, na ebiala ngɔhora ngosi wɔ ate.

Edwein 21:2

Ama ye sa ahã bɔ ye ahone nu ɔpena ɔ, na bɔ wate ye noa wabisa ne, amva ammɔ ye atianuserɛ.

Edwein 21:4

Ɔsrɛle wɔ berɛ ngoa, na ɛfa mane ye; ɛmane ye ngoa tendenn afebɔɔ.

Edwein 25:14

AWURADE ne bɛ bɔ besuro ye ne yeɛ betu asure ɔ, na ɔye ye apam ne ali kyire bɛ.

Edwein 50:14

Fa asennaa yɛ afɔleɛ bɔ ma AWURADE, ná tua w’aboadeɛ ma Anwuro Anwuroniɛ ne.

Ɛksadɔso 3:15

Nyameɛ sa sele Mose kyɛ, “Kã kyire Yisraelfoɛ kyɛ, ‘AWURADE ɛmɔ nana mɔ Nyameɛ ne, Abraham Nyameɛ ne, Yisake Nyameɛ ne, Yakob Nyameɛ ne yeɛ wasoma me ɛmɔ berɛ ɔ.’ Me dumaa bɔ ɔwɔ berɛ afebɔɔ hɔ ɛne, na ɛhe yeɛ aworɛ ndoatoasoɛ mukoraa bɛkɔfa bɛkɔfrɛ me ɔ.

Anyandera 21:22

Nworɛniɛ fo fasue kɔ anwoserɛfoɛ bɛ kuro, na anwoserɛ afealeɛ bɔ bafa bɛ wora bawura nu ne, odwiri gua.

Anyandera 24:5

Bienzua bɔ ɔse nworɛ ne, ole anwoserɛ, yeɛ bɔ ole nimdeɛ ne koso, onya anwoserɛ mmɔhoɛ mmɔhoɛ;

Anyandera 8:14

Foɛtulɛ ne nworɛ paa te me deɛ, me ole ndeaseɛ, na me nwo yɛ se.

Nworɛ Dwirɛhanɛniɛ 7:19

Nworɛ ma nworɛniɛ nya tumi tra mbanyi buru bɔ bɛnea kuro so ɔ.

Nworɛ Dwirɛhanɛniɛ 9:16

Na ye sɔ ne ati, ngane kyɛ, “Nworɛ nwo hia tra anwoserɛ, nakoso bemmu ehianiɛ nworɛ, yeɛ ɔkã dwirɛ a bɛmva.”

Nworɛ Dwirɛhanɛniɛ 9:18

Nworɛ nwo hia tra akodeɛ, nakoso bɔnefoɛ komapɛ sɛkye paa pee.

Yesaya 12:1

Sɔ kyẽa ne, ekose kyɛ, “O AWURADE, meda wɔ ase, ɔwɔ nu kyɛ ɛfɛle me so yaa, nakoso w’ahone tɔle nzue nu, na ɛkyekyele me wora.

Yeremia 33:3

Sũ frɛ me, na ngobua wɔ, na ngɔla edwirɛ mbiri mbiri bɔ wafea wɔ bɔ ɛnze ɔ ali ngohyire wɔ.

Daniel 1:17

Na sɔ mmerandeɛ nna hemɔ de, Nyameɛ mane bɛ nimdeɛ ne ndeaseɛ wɔ nwomaasualɛ ne nworɛ amukoraa nu, na Daniel nyane nyekyire ne laleɛ mukoraa nu ndeaseɛ.

Daniel 2:18

na osele bɛ kyɛ bɛsrɛ nyameɛso Nyameɛ ne ma onwu bɛ anwumvoin wɔ sɔ mvealeɛ nu dwirɛ he anwo, amaa ɔnate so bamva ye Daniel ne ye mmango nemɔ bamvra Babilɔn nworɛfoɛ nemɔ aso banguku bɛ.

Amose 3:7

Amba, AWURADE Nyameɛ ngɔyɔ nikyee biala, bɔ ɔngɔla ye mvealeɛ nu dwirɛ ne ali ngohyire ye somvoɛ mɔ ngɔmhyɛlɛfoɛ nemɔ ɔ.

Mateo 11:25

Sɔ mmerɛ ne anu, Yesu hane kyɛ, “Baba, anwuro ne aseɛ Mene, meda wɔ ase kyɛ afa edwirɛ hemɔ afea nworɛfoɛ ne nimdeɛfoɛ, ná aye ahyire ngokwaammaa ɔ.

Luka 10:21

Sɔ mmerɛ ne ala nu, olili ahurusi wɔ Sunzum nu, na ɔhane kyɛ, “Baba, anwuro ne aseɛ Mene, meda wɔ ase kyɛ afa edwirɛ hemɔ afea nworɛfoɛ ne nimdeɛfoɛ, ná aye ahyire ngokwaammaa ɔ. Yoo, Baba, sɔ yeɛ ɔte nikyee bɔ ɔyɛ nyemene wɔ wɔ nyunu ɔ.

Yohane 11:41

Yiti bɛyele nyɔboɛ ne. Na Yesu neane anwuro hane kyɛ, “Baba, meda wɔ ase kyɛ atie me ɔ.

Yohane 15:15

Memvrɛ ɛmɔ ngoaa ko, ofikyɛ akoaa nze bɔ ye mene ɔyɔ ɔ; na mmom mafrɛ ɛmɔ me damvo mɔ, ɔnate kyɛ edwirɛ biala bɔ mate mafi me Baba berɛ ne, mala ye ali mahyire ɛmɔ.

Nyekyire 1:1

Ɛhe te Yesu Kristo nwo aliyelɛ bɔ Nyameɛ fa mane ye kyɛ ɔla ye ali hyire ye ngoaa mɔ ma benwu edwirɛ mɔ bɔ odi kyɛ bɛba nu ndɛndɛ ɔ; na ɔsomane ye abɔfo maa ɔɔye hyirele ye akoaa Yohane,

Nyekyire 5:5

Yeɛ mbanyi nemɔ nu ko sele me kyɛ, “Nea, nnɛsũ, na Yuda abusua kure nu Gyata ne, Dawide Ndii ne, wali ngonim bɔ okobukye nwomaa ne anu, ná ɔkɔtete ye nzɔanoɛ nzoo nemɔ anu ɔ.”