Daniel 2:22 - AHYERƐLƐ KRONGRON

²² ɔda edwirɛ bɔ nu pi ɔ, ɔne mvealeɛ nu dwirɛ ali, ɔse bɔ ɔwɔ awosii nu ɔ, na kanea ne ye yeɛ bɛte ɔ.

Daniel 2:22 Iomraidhean Croise

Gyenesise 41:16

Yosef buale Faro kyɛ, “Nana, me de mengora ye bo kyire, na mmom Nyameɛ yeɛ ɔkɔma Faro nyeanoɛ paa ɔ.”

YOB NWOMAA NE 12:22

Obukye mvealeɛ nu dwirɛ bɔ ɔfea awosii nu so, na ɔma awosii kabii kakyi hyireinn.

YOB NWOMAA NE 26:6

Ɛborɔ nwo la so wɔ Nyameɛ nyunu, yeɛ Abadɔn koso, ngatasoɛ biala nne so.

Edwein 104:2

Afa kanea agurɔ wɔ nwo kyɛ ɛtena; atrɛtrɛ ewienu nu kyɛ ɛtena sua.

Edwein 25:14

AWURADE ne bɛ bɔ besuro ye ne yeɛ betu asure ɔ, na ɔye ye apam ne ali kyire bɛ.

Edwein 36:9

Ofikyɛ wɔ yeɛ ɛte ngoa asue ti ɔ, na wɔ kanea ne anu yeɛ yɛnwu kanea ɔ.

Nworɛ Dwirɛhanɛniɛ 8:1

Nwa yeɛ ɔte kyɛ nworɛniɛ ne ɔ? Nwa yeɛ ɔse edwirɛ bo kyire ɔ: Sona nworɛ ma ye nyunu yɛ gyenegyene, na ye nyunu kusuu ne sesã.

Yesaya 41:22

Ɛ́mɔfa ɛmɔ amoen nemɔ bɛbra ma behyire yɛ bɔ ɔbaasi ɔ. Ɛ́mɔma bɛhã bɔ daa bie osisili ne nwo dwirɛ behyire yɛ, amaa ɔnate so yadwenedwene bɛ nwo yanwu b’ayieleɛ; anaa ɛ́mɔhã bɔ ɔbaasi ne behyire yɛ.

Yesaya 41:26

Nwa yeɛ ɔhã tole berɛ fili tetetete, kyɛbɔ yɛkonwu ye ɔ, anaa wahã wato berɛ dadadada, kyɛbɔ yɛkɔhã kyɛ, “Ɔte nahorɛniɛ” ɔ? Amba, ebiala nne berɛ bɔ ɔhane ɔ, amba, ebiala nne berɛ bɔ ɔbɔle ye dawure ɔ, amba, ebiala nne berɛ bɔ ɔtele ɛmɔ noa dwirɛ ɔ.

Yesaya 42:9

Tie, nningyein daa ne, bawa nu, na méfa nningyein foforɛ meto dwaa, na mékã bɛ nwo dwirɛ mekyire ɛmɔ koraka né basi.”

Yesaya 45:7

Me yeɛ mebɔ kanea, ná mesa mebɔ awosii ɔ, me yeɛ mefa asomdwee meba, ná mesa mema amaneɛ ba ɔ. Me, AWURADE, me yeɛ meyɔ ɛhemɔ amukoraa ɔ.

Yeremia 23:24

Aso ebie kɔhora kɔfea wɔ mvealeɛ nu bɔ mengonwu ye ɔ? AWURADE noa dwirɛ ɛne. Aso menyi nyameɛso ne aseɛ so tɛkyɛ anaa? AWURADE noa dwirɛ ɛne.

Yeremia 33:3

Sũ frɛ me, na ngobua wɔ, na ngɔla edwirɛ mbiri mbiri bɔ wafea wɔ bɔ ɛnze ɔ ali ngohyire wɔ.

Daniel 2:11

Edwirɛ bɔ Nana abisa ye de, ɔbo adwene so, na ebiala ngɔhora ngohyire nu ngohyire Nana, sana nyameɛ nemɔ bɔ bɛ de, nna bɛ ne kuro sona yeɛ bɛte ɔ ne yeɛ bɛkɔhora ɔ.”

Daniel 2:19

Yeɛ Nyameɛ lale mvealeɛ nu dwirɛ ne ali hyirele Daniel wɔ kɔngɔen nyekyire nu. Na Daniel hyɛle nyameɛso Nyameɛ ne animnyam.

Daniel 2:47

Afei ɛhene ne sele Daniel kyɛ, “Nahorɛ nu, ɛmɔ Nyameɛ ne, ɔte nyameɛ mɔ nu Nyameɛ ne ahemvo mɔ nu Meneɛ, ɔne Nyameɛ bɔ ɔda mvealeɛ nu dwirɛ ali ɔ, ofikyɛ ahora ala sɔ mvealeɛ nu dwirɛ he ali.”

Daniel 5:11

Biaa bie wɔ w’ahennie ye anu bɔ nyameɛ krongron mɔ bɛ sunzum wɔ ye nu ɔ. Wɔ baba aberɛ so, benwuni kanea ne nimdeɛ ne nworɛ bɔ ɔte kyɛ nyameɛ nemɔ bɛ nworɛ deɛ ne bie ɔ wɔ ye nu, na wɔ baba Nana Nebukadenesa bɔle ye panyi wɔ ngonyaayelɛfoɛ, bɛ bɔ bɛnea nzramaa nu bɛkã nu dwirɛ, Kaldeafoɛ ne benewaafoɛ nemɔ bɛ so,

Daniel 5:14

Mate wɔ nga kyɛ nyameɛ nemɔ bɛ sunzum wɔ wɔ nu, na banwu kyɛ kanea ne nimdeɛ ne nworɛ paa te wɔ nu.

Mateo 13:13

Na ɛhe ati yeɛ ɔmaa medwudwo mekyire bɛ wɔ anyandera nu ɔ: ofikyɛ benwu ye de, nakoso bennwu ye; bɛte de, nakoso bɛnde, yeɛ bɛnde ye bo.

Yohane 1:9

Nahorɛ kanea bɔ ɔta ma sona biala ne yeɛ né ɔba wiase ɔ.

Yohane 21:17

Yesu bisale ye ye pɛen nza so kyɛ, “Simɔn, Yohane awa, aso ekuro me dwirɛ?” Na Petro wora bɔle kyɛ wabisa ye pɛen nza kyɛ, “Aso ekuro me dwirɛ?” Na obuale ye kyɛ, “Awurade, ɛse nikyee biala; ɛse kyɛ mekuro wɔ dwirɛ.” Yeɛ Yesu sele ye kyɛ, “Nea me mmoaen nemɔ so.

Yohane 8:12

Yeɛ Yesu sele bɛ bieku kyɛ, “Me ole wiase kanea ne; ebiala bɔ oli me si ne, ɔngɔnate awosii nu le, na okonya ngoa kanea ne.”

1 Korintofoɛ 4:5

Yiti nnɛma ɛmɔbua ndɛen koraka ná mmerɛ ne wadwu, koraka né Awurade awa, na ye yeɛ ɔkɔye mvealeɛ nu dwirɛ bɔ ɔwɔ awosii nu kofite ɔ, ná wasa mmenia ti anu nzusuleɛ wagua dwaaso. Na afei ebiala konya ɛkamvolɛ bɔ ɔfata ye ɔ kofi Nyameɛ berɛ.

Ɛfesofoɛ 3:5

mvealeɛ nu dwirɛ bɔ banna ye ali bangyire mmenia mmaa wɔ aworɛ ndoatoasoɛ biemɔ anu, kyɛbɔ kekesaala ye de Sunzum ne waye wahyire ye asomafoɛ ne ngɔmhyɛlɛfoɛ krongron mɔ ne.

Deuteronomi 29:28

AWURADE fɛle yaa. Ole ɛyaa piri ne ɛyaa hahii yeɛ otuli bɛ fili b’aseɛ so ɔ, na waagyi bɛ wagua aseɛ foforɛ so, kyɛbɔ kekesaala ye ɔte ye.’

1 Timoteo 6:16

bɔ ye ngome twe yeɛ onwu, ná ɔwɔ berɛ afebɔɔ, bɔ ɔte kanea bɔ ebie ngora mbingye ye nu, bɔ ebiala nnwuni ye le, ná ebiala ngɔhora ngonwu ye ne. Ye yeɛ anidie ne daa tumi te ye deɛ ɔ! Amen.

Hebrifoɛ 4:13

Abɔdeɛ biala mvea wɔ Nyameɛ nyunu, ye bɔ odi kyɛ yɛbu ngondaa yɛkyire ye ne, nikyee biala mvea ye, na ye nye tua nningyein mukoraa.

Yakobo 1:17

Akyɛdeɛ paa amukoraa ne akyɛdeɛ bɔ odi mu amukoraa fi nyameɛso, na ofi kanea Baba ne berɛ yeɛ ɔba ase ɔ. Na ye yeɛ ɔngakyi ná ɔnyɛ ye nwo kyɛ wawoɛ bɔ ɔsesã ɔ.

1 Yohane 1:5

Edwirɛ bɔ yate yafi ye berɛ ná yɛ́bɔ ye dawure yɛkyire ɛmɔ ɛhe: Nyameɛ te kanea, na awosii kaala nne ye nu.