Daniel 2:21 - AHYERƐLƐ KRONGRON

²¹ Ye yeɛ ɔsakyera mmerɛ ne ngyẽa nu ɔ, otu ahemvo mɔ bia so, yeɛ ɔfa ahemvo mɔ sie bia so; ɔma nworɛfoɛ benwu nworɛ, na ɔma bɛ bɔ b’adwene nu pi ɔ benya nimdeɛ;

Daniel 2:21 Iomraidhean Croise

1 Ahemvo 10:24

Aseɛ ye aso mmenia amukoraa hurole kyɛ bɛkɔhɔ Solomon gya so bekotie ye nworɛ dwirɛ bɔ Nyameɛ afa awura ye ti anu ne.

1 Ahemvo 3:28

Yisrael amukoraa tele ndɛen bɔ Nana Solomon buale ne, na ye nwo yɛle bɛ nwanwa, ofikyɛ benwuni kyɛ Nyameɛ nworɛ wɔ ye nu bɔ ɔfa bua ndɛen turoloo ɔ.

1 Ahemvo 4:29

Nyameɛ mane Solomon nworɛ ne ndeaseɛ piri paa. Ye ndeaseɛ ne, ɔtrɛ kyɛ mboanoa anweaa,

1 Aberɛso Dwirɛ 22:12

Mesrɛ AWURADE kyɛ ɔ́ma wɔ nworɛ ne ndeaseɛ, amaa sɛ ɔfa Yisrael maen ne wura wɔ sa a, anea ali AWURADE wɔ Nyameɛ mmeraa ne aso.

1 Aberɛso Dwirɛ 29:30

Ye ahennie nwo dwirɛ amukoraa, ye koɛhonɛ nu anwoserɛ, ɔne edwirɛ bɔ ɔfa ye ne Yisrael maen ne aseɛ ye aso ahennie amukoraati nwo ne koso, bahyerɛ ye wɔ sɔ nwomaa nemɔ anu bie.

Ɛseta 1:13

Yeɛ Nana Ahasuro susuli ye nwo hyirele ye nworɛfoɛ bɔ bɛse maen nhyehyɛleɛ ne, (ofikyɛ mmenia amukoraa bɔ bɛse mmeraa ne amammerɛ ne, né ɔyɛ a Nana Ahasuro susu ye dwirɛ nwo kyire bɛ ɔfa tie b’adwene.

YOB NWOMAA NE 12:18

Ɔsangye ahemvo mɔ b’abɔsoɛ nu, na ɔfa nyamaa ɔbɔ bɛ abɔsoɛ.

Ɛksadɔso 31:3

na mafa Nyameɛ Sunzum mawura ye nu maa wanya ndeaseɛ, nworɛ ne nimdeɛ wɔ adwiililɛ mukoraati nu;

Ɛksadɔso 31:6

Afei tie, Ahisamake awa bienzua Oholiabo bɔ ofi Dan abusua kure nu ne, maye ye kyɛ ɔboka ye so. Na mama adwiililɛfoɛ amukoraati nworɛ bɔ bɛkɔfa bɛkɔyɔ bɔ mahyɛ wɔ ne amukoraa:

Daniel 1:17

Na sɔ mmerandeɛ nna hemɔ de, Nyameɛ mane bɛ nimdeɛ ne ndeaseɛ wɔ nwomaasualɛ ne nworɛ amukoraa nu, na Daniel nyane nyekyire ne laleɛ mukoraa nu ndeaseɛ.

Daniel 10:1

Pɛsia hene Karose ahennie afoɛ bɔ ɔtɔ so nza ne anu, (Nyameɛ) lale dwirɛ ali hyirele Daniel bɔ bɛtole ye dumaa Beltesasa ne. Edwirɛ ne te nahorɛ, na ɔte dwirɛ bɔ ɔyɛ se ɔ. Daniel tele edwirɛ ne abo, na onyane nyekyire ne anu ndeaseɛ.

Daniel 11:6

Na afoɛ biemɔ asi ne, bɛkɔyɛ apam, na ngwaen dɔ hene ne, ɔwa brasua kɔwa sorɔ dɔ hene ne berɛ kyɛ ɔne ye bɛbaayɛ asomdwee apam; nakoso braa ne, ye tumi ne ngoli gyina, yeɛ biaa ne ne ye tumi koso ngoli gyina. Bɛkɔye braa ne bɛkɔma, ɔne sona bɔ ɔwole ye ɔ, ɔne bɔ ɔhyɛle ye nguraen wɔ sɔ mmerɛ ne anu ne.

Daniel 2:20

Na Daniel sele kyɛ, “Animnyam hã Nyameɛ dumaa afebɔɔ, ofikyɛ ye yeɛ nworɛ ne tumi te ye deɛ ɔ.

Daniel 2:23

O, me nana mɔ Nyameɛ, meyɛ wɔ mmo meye wɔ ayɛ, kyɛ ama me nworɛ ne tumi, ná afei ala bɔ yasrɛ wɔ ne ali ahyire me ɔ, ofikyɛ ala Nana laleɛ ne ali ahyire yɛ.”

Daniel 2:9

Sɛ ɛmɔanga laleɛ ne bangyire me a, edwirɛ bɔ mahã ne ala yeɛ ɔkɔto ɛmɔ ɔ. Ofikyɛ nnakannaka ne ngondombo yeɛ ɛmɔayɛ ɛmɔ adwene kyɛ ɛmɔkɔhã ye wɔ me nyunu, kɔpem mmerɛ bɔ ngɔsesã m’adwene ɔ. Yiti ɛmɔ de, ɛmɔhã laleɛ ne behyire me, na sɔ kɔmaa ngonwu ye kyɛ ɛmɔkɔhora bekohyire me ye bo.”

Daniel 4:14

Na ɔteane nu serɛserɛ sele kyɛ, ‘Ɛ́mɔbu bakaa ne bɛ́to ase, ná ɛ́mɔpepɛ ye mmaen ne, ɛ́mɔporo ye nyaa ne, ná ɛ́mɔto ye mma ne bɛ́pete; ɛ́mɔma ngaka nemɔ béfi ye bo bɛ́nwati, ná ɛ́mɔma nnomaa nemɔ bétu béfi ye mmaen nemɔ aso.

Daniel 4:17

Sɔ ahyɛdeɛ ne, awɛmvoɛ nemɔ bɛ noa dwirɛ ɛne, krongronfoɛ nemɔ b’agyina bɔ batu hɔ ɛne, amaa ɔnate so ateasefoɛ banwu kyɛ Anwuro Awuroniɛ ne yeɛ ole adasa ahennie so tumi ɔ, ɔfa ma sona biala bɔ okuro ɔ, na adasa nu anwobrɛaseɛfoɛ yeɛ ɔfa bɛ sie so ɔ.’

Daniel 4:22

Nana, wɔ ɛne. Wɔ yeɛ anyi ná anya anwoserɛ ne. W’anwoserɛ ne anyi, na watrɛ waadwu nyameɛso, na wɔ tumi ne waadwu aseɛ so nekaa biala.

Daniel 4:32

Bɛkɔfoa wɔ bekofi mmenia nu, na ɛne eburo ngaka yeɛ bɛkɔɔtena ɔ. Bɛkɔmaa ekoli ndire kyɛ nandwie. Ɛhe kɔto wɔ afoɛ nzoo, kɔpem kyɛ ekonwu ye kyɛ Anwuro Anwuroniɛ ne yeɛ ole adasa ahennie so tumi ɔ, na ebiala bɔ okuro ne yeɛ ɔfa ma ye ɔ.”

Daniel 7:25

Okodwudwo kotia Anwuro Anwuroniɛ ne, ɔkɔmaa Anwuro Anwuroniɛ n’anwoteefoɛ nemɔ bekoli amia, na ɔkɔyɛ ye adwene kyɛ ɔkɔsesã mmerɛ ne mmeraa, na bɛkɔfa anwoteefoɛ nemɔ bekowura ye sa afoɛ ko, afoɛ nyɔ ne bosome nzia.

Luka 21:15

ofikyɛ me yeɛ ngɔma ɛmɔ noa ne nworɛ, bɔ ɛmɔ pɔfoɛ amukoraa bɛngɔhora ngotu ngogua anaa bɛngɔhora ngogyina ye noa ɔ.

Romanfoɛ 13:1

Ɔsɛ kyɛ sona biala brɛ ye nwo ase wura maen mbanyi tumi bo, ofikyɛ tumi biala nne berɛ, sana bɔ ofi Nyameɛ berɛ ɔ; na tumi mɔ bɔ bɛwɔ berɛ ne, Nyameɛ yeɛ wahyehyɛ wato berɛ ɔ.

1 Korintofoɛ 1:30

Ngoa bɔ ɛmɔle ye wɔ Yesu nu ne fi Nyameɛ berɛ, na Nyameɛ afa Kristo ayɛ yɛ nworɛ, yɛ tenenee, yɛ fawɔnwodi ne krongronyɛlɛ.

Yakobo 1:17

Akyɛdeɛ paa amukoraa ne akyɛdeɛ bɔ odi mu amukoraa fi nyameɛso, na ofi kanea Baba ne berɛ yeɛ ɔba ase ɔ. Na ye yeɛ ɔngakyi ná ɔnyɛ ye nwo kyɛ wawoɛ bɔ ɔsesã ɔ.

Yakobo 1:5

Na sɛ ɛmɔ nu bie tɔ sii nworɛ nu a, maa obisa Nyameɛ bɔ ɔye ye kunu fa ma mmenia, bɔ ɔmva animguaseɛ mmata ye nwo ne, na ɔkɔfa kɔma ye.

Nyekyire 19:16

Né ole dumaa bie bɔ bahyerɛ ye wɔ ye ataadeɛ nu ne ye sɔ nwo kyɛ, “Ahemvo mɔ nu Hene ne meneɛ mɔ nu Meneɛ.”