Daniel 2:2 - AHYERƐLƐ KRONGRON

² Na Nana Nebukadenesa hyɛle kyɛ bɛɛfa ngonyaayelɛfoɛ, bɛ bɔ bɛnea nzramaa nu bɛkã nu dwirɛ, musueyelɛfoɛ ne Kaldeafoɛ ma bɛbra beehyire ye laleɛ nemɔ abo. Yiti bɛwale beegyinane Nana nyunu.

Daniel 2:2 Iomraidhean Croise

Gyenesise 41:8

Yiti aleɛ hyene ngyerɛmɔ ne, Faro yɛle basaa. Na ɔsomane maa bɛɛfrɛle Misraim ngonyaayelɛfoɛ amukoraa ne mmenia bɔ bɛse ase amukoraa bɛmane ye. Ɔhane ye laleɛ ne anu dwirɛ hyirele bɛ, nakoso bɛ nu biala angora ye bo kyire.

Ɛseta 1:13

Yeɛ Nana Ahasuro susuli ye nwo hyirele ye nworɛfoɛ bɔ bɛse maen nhyehyɛleɛ ne, (ofikyɛ mmenia amukoraa bɔ bɛse mmeraa ne amammerɛ ne, né ɔyɛ a Nana Ahasuro susu ye dwirɛ nwo kyire bɛ ɔfa tie b’adwene.

Ɛksadɔso 7:11

Faro koso frɛfrɛle mmenia bɔ bɛse ase, ɔne musueyelɛfoɛ maa bɛwale, na sɔ Misraim ngonyaayelɛfoɛ nemɔ koso yele ngonyaa yɔle sɔ ala.

Yesaya 19:3

Misraim sunzum bɔ ɔwɔ ye nu ɔ ye nwo kɔto, bɛkɔ agyina a, ngɔmaa ɔkɔyɛ mbaen, bɛkɔhɔ abisa wɔ mmosoen ne musueyelɛfoɛ, nzamangɔmhyɛlɛfoɛ ne ngɔndwemahwenɛfoɛ so.

Yesaya 8:19

Na sɛ mmenia kã kyire ɛmɔ kyɛ, “Nzamangɔmhyɛlɛfoɛ ne ahɔmeɛ bɔ bɛ dwudwolɛ te katekate ne boborɔboborɔ ne, ɛmɔhɔ bɛ so abisa” a, aso nna maen bɛ Nyameɛ berɛ yeɛ odi kyɛ bebisa nikye ɔ? Aso odi kyɛ bebisa ateasefoɛ ti wɔ awufoɛ berɛ anaa?

Daniel 1:20

Na nworɛ dwirɛ ne edwirɛ bɔ ɔkye adwene biala bɔ Nana bisale bɛ ne, onwuni kyɛ bɛ mmuayɛɛ ne, ɔbo ngonyaayelɛfoɛ ne bɛ bɔ bɛnea nzramaa nu bɛkã nu dwirɛ amukoraa, bɔ bɛwɔ ye ahennie ne amukoraa nu ɔ bɛ deɛ so pɛen buru.

Daniel 1:4

mmerandeɛ bɔ bellili nnɛen ɔ, anwonyemenefoɛ bɔ bɛse nworɛ, bɔ nimdeɛ ali bɛ ti, bɔ bɛkɔhora bekosua nwomaa, bɔ bɛkɔhora bɛkɔyɔ ɛsolɛ adwuma wɔ Nana ahemvie ɔ, ná ohyirehyire bɛ Kaldeafoɛ dwudwolɛ ne ye hyerɛlɛ.

Daniel 2:10

Yeɛ Kaldeafoɛ nemɔ buale Nana kyɛ, “Ebiala nne aseɛ ye aso bɔ ɔkɔhora konya Nana dwirɛ ne anwo adwene ɔ; ofikyɛ edwirɛ sɔaa de, ɛhene, anaa meneɛ, anaa maenbulɛniɛ biala nne berɛ bɔ wafa wato ngonyaayelɛniɛ, anaa sona bɔ ɔnea nzramaa nu ɔkã nu dwirɛ, anaa Kaldeaniɛ biala nyunu le kyɛ ohyire ye bo ɔ.

Daniel 2:27

Yeɛ Daniel buale wɔ Nana nyunu berɛ kyɛ, “Nana, mvealeɛ nu dwirɛ bɔ abisa ye, nworɛfoɛ, bɛ bɔ bɛnea nzramaa nu bɛkã nu dwirɛ, ngonyaayelɛfoɛ anaa benewaafoɛ biala ngɔhora ngohyire wɔ ye bo;

Daniel 3:8

Na sɔ mmerɛ ne, Kaldeafoɛ biemɔ bɛɛbɔle Yudafoɛ mɔ kwaadu yeayea.

Daniel 4:3

Kyɛbɔ ye nzɛngyerɛnneɛ osi te mbiri mbiri ɔ! Kyɛbɔ anwoserɛ osi wɔ ye anwanwadeɛ nu ɔ! Ye ahennie te ahennie afebɔɔ, na ye tumi wɔ berɛ wɔ aworɛ ndoatoasoɛ amukoraa nu.

Daniel 4:6

Yiti nhyɛle mmeraa kyɛ bɛfa Babilɔn nworɛfoɛ amukoraa bɛbra me nyunu, maa beehyire me laleɛ ne abo.

Daniel 5:7

Na ɛhene ne teane nu sele kyɛ bɛɛfa bɛ bɔ bɛnea nzramaa nu bɛkã nu dwirɛ, Kaldeafoɛ ne benewaafoɛ bɛbra. Yeɛ ɛhene ne sele Babilɔn nworɛfoɛ nemɔ kyɛ, “Ebiala bɔ ɔkɔkenga sɔ ahyerɛlɛ he, ná okohyire me ye bo nen, ngɔfa kende ngɔhera ye, yeɛ ngɔfa sikaa kɔkorɛ atweaban ngɔto ye kɔme anu, na ɔkɔyɛ ɛhene bɔ ye tumi tɔ so nza ɔ wɔ ahennie ye anu ɔ.”

1 Samuel 6:2

Afei Filistifoɛ tole asaa bɛfrɛfrɛle b’ahɔmeɛ ne bɛ musueyelɛfoɛ, na bebisale bɛ kyɛ, “AWURADE alaka ne, yɛ́yɛ ye sɛ? Nikye horɛ bɔ ɔsɛ kyɛ yɛfa yɛboka so ná yafa yaasie ye boso ne, ɛmɔhã behyire yɛ.”