Daniel 2:14 - AHYERƐLƐ KRONGRON

¹⁴ Yeɛ Nana awɛmvoɛ nemɔ so safohene Arioke bɔ né wafite kyɛ ɔkwaahuhu Babilɔn nworɛfoɛ nemɔ nen, Daniel le nworɛ ne anidie ɔne ye bedwudwole.

Daniel 2:14 Iomraidhean Croise

Gyenesise 37:36

Midianfoɛ nemɔ tɔnene ye wɔ Misraim bɛmane Faro ye panyi ko bɔ bɛfrɛ ye Pɔtifa. Né ɔte ye angɔbeahene.

Yeremia 39:9

Yeɛ awɛmvoɛ nemɔ aso safohene Nebusaradan, ɔhyele mmenia ngaa bɔ baha kuro berɛ ne, bɛ bɔ bɛfale bɛ nwo bɛɛmane ye ne, yeɛ maen ne anu ama ngaa ne nnure hɔle Babilɔn.

Yeremia 52:12

Babilɔn hene Nebukadenesa ye ahennie afoɛ bɔ ɔtɔ so buru ne ngona ne, bosome bɔ ɔtɔ so nnu ne, ye eleburu ne aso, awɛmvoɛ nemɔ aso safohene Nebusaradan bɔ osa te Babilɔn hene ye mbanyi nemɔ anu ko ne, ɔhɔle Yerusalem.

Yeremia 52:14

Kaldeafoɛ koɛhonɛfoɛ amukoraa bɔ né bɛboka awɛmvoɛ nemɔ aso safohene ne aso ne, bebubuli Yerusalem nwo fasue ne amukoraa bɛbra beyiale.

Daniel 2:15

Obisale Nana safohene Arioke kyɛ, “Nzu ati yeɛ Nana ahyɛ mmeraa suronyisuronyi sɔaa ɔ?” Yeɛ Arioke hane edwirɛ ne hyirele Daniel.

Daniel 2:24

Afei Daniel hɔle Arioke bɔ Nana afa awura ye sa kyɛ ohũhũ Babilɔn nworɛfoɛ nemɔ ne berɛ, na oosele ye kyɛ, “Nnɛkũkũ Babilɔn nworɛfoɛ nemɔ! Fa me kɔ Nana nyunu, na ngohyire Nana laleɛ ne abo ngohyire ye.”