Daniel 2:12 - AHYERƐLƐ KRONGRON

¹² Na ɔnate sɔ ati, Nana fɛle yaa, na ye nye borole, na ɔhyɛle kyɛ behũhũ Babilɔn nworɛfoɛ amukoraa.

Daniel 2:12 Iomraidhean Croise

YOB NWOMAA NE 5:2

Susu amba kyɛ, ɛyaafɛlɛ ku ngwaseafoɛ, yeɛ anyeboroborolɛ koso oku bɛ bɔ bagyimi ɔ.

Edwein 76:10

“Amba, mmenia yaafɛlɛ po, ɔkakyi ayɛyelɛ ma wɔ; wɔ yaafɛlɛ piri ne, ɛfa ye ngaa bɔ abɔsoɛ.

Anyandera 16:14

Ɛhene ahonehulɛ te ewue bɔfoɛ, nakoso nworɛniɛ ma ahone ne tɔ nzue nu.

Anyandera 19:12

Sɛ ɛhene fɛ yaa a, ɔte kyɛ gyata bɔ opo ɔ, nakoso ye anwumvoinnwunɛ te kyɛ ndire so ebosue.

Anyandera 20:2

Sɛ ɛhene fɛ yaa hahii a, ɔte kyɛ gyata bɔ opo ɔ, ebiala bɔ okohu ye ahone ne, ɔfa ye ngoa pɛ so.

Anyandera 29:22

Sona bɔ okuro ɛyaafɛlɛ ne, ɔtwetwe ngondii ba, yeɛ bɔ ɔma ye ahone hu ne, ɔto mmeraa pee.

Daniel 2:24

Afei Daniel hɔle Arioke bɔ Nana afa awura ye sa kyɛ ohũhũ Babilɔn nworɛfoɛ nemɔ ne berɛ, na oosele ye kyɛ, “Nnɛkũkũ Babilɔn nworɛfoɛ nemɔ! Fa me kɔ Nana nyunu, na ngohyire Nana laleɛ ne abo ngohyire ye.”

Daniel 2:5

Yeɛ Nana buale Kaldeafoɛ nemɔ kyɛ, “Me de, edwirɛ bɔ mahã ne ala yeɛ mahã ɔ: Sɛ ɛmɔanga laleɛ ne bangyire me, ná ɛmɔangyire me ye bo a, ngɔmaa bɛkɔtete ɛmɔ nu pasapasa, yeɛ bɛkɔkakyi ɛmɔ awuro mɔ fofoɛ so.

Daniel 3:13

Yeɛ Nebukadenesa fɛle yaa hahii hyɛle kyɛ bɛɛfa Sadrake, Mesake ne Abedinego bɛbra. Na bɛɛfale sɔ mmenia ne bɛwale Nana nyunu.

Daniel 3:19

Yeɛ Nebukadenesa fɛle yaa hahii, na omunane Sadrake, Mesake ne Abedinego so paa. Na ɔhyɛle kyɛ behua foonoo see ne anu paa ma nu ɔyɛ hye pɛen nzoo ɔtra kyɛbɔ ɔyɛ a ye hyerɛ te ne.

Daniel 5:19

na ɔnate sona titire bɔ ɔmaa ɔyɛle ne ati, maen maen mukoraa, mmenia mukoraa ne edwudwolɛ amukoraa besurole ye, na bɛ nwo wosowosole bɛ wɔ ye nyunu. Sona biala bɔ né okuro kyɛ oku ye ne, ohuni ye; yeɛ bɔ okuro kyɛ onya ngoa ne, ɔmaa onyane ngoa; sona bɔ okuro ne, ɔbɔle ye aba so, na sona bɔ okuro ne, ɔbrɛle ye ase.

Mateo 2:16

Na Herode nwuni kyɛ nworɛfoɛ nemɔ balakalaka ye nen, ɔfɛle yaa hahii. Na ɔsomane maa beehuhuni ngwadaa mmienzua amukoraa bɔ bali afoɛ nyɔ ne bɛ bɔ bendwu ɔ, bɔ bɛwɔ Betlehem ne ye mbɔtam amukoraa; kyɛbɔ mmerɛ bɔ ɔtele dwirɛ ne fili nworɛfoɛ nemɔ berɛ ne osi kyire ne.

Mateo 5:22

Na mekã mekyire ɛmɔ kyɛ, ebiala bɔ ɔkɔfɛ oliɛma so yaa nen, okoli fɔ wɔ ndɛenbualɛ nu; ebiala bɔ okose oliɛma kyɛ ɔte sona mbaen nen, okoli fɔ badwa nyunu. Ebiala bɔ okose kyɛ, ‘Wɔ kwaseambane’ nen, okoli fɔ, na ɔkɔhɔ abɔnzam see nu.