Daniel 2:11 - AHYERƐLƐ KRONGRON

¹¹ Edwirɛ bɔ Nana abisa ye de, ɔbo adwene so, na ebiala ngɔhora ngohyire nu ngohyire Nana, sana nyameɛ nemɔ bɔ bɛ de, nna bɛ ne kuro sona yeɛ bɛte ɔ ne yeɛ bɛkɔhora ɔ.”

Daniel 2:11 Iomraidhean Croise

Gyenesise 41:39

Yiti Faro sele Yosef kyɛ, “Ɔnate kyɛ Nyameɛ aye ɛhe amu wahyire wɔ ne ati, ebiala nne berɛ bɔ ole nimdeɛ na ɔse nworɛ kyɛ wɔ ɔ;

Gyenesise 41:8

Yiti aleɛ hyene ngyerɛmɔ ne, Faro yɛle basaa. Na ɔsomane maa bɛɛfrɛle Misraim ngonyaayelɛfoɛ amukoraa ne mmenia bɔ bɛse ase amukoraa bɛmane ye. Ɔhane ye laleɛ ne anu dwirɛ hyirele bɛ, nakoso bɛ nu biala angora ye bo kyire.

1 Ahemvo 8:27

Nakoso Nyameɛ, aso ɛkɔtena aseɛ ye aso amba? Eh! Nyameɛso ne nyameɛso anwuro anwuro po, ɔte kãa ma wɔ, ná wayɛ kyɛ sua he bɔ masi ye!

2 Aberɛso Dwirɛ 6:18

“Nakoso Nyameɛ, aso ɛne mmenia bɛkɔtena aseɛ ye aso amba? Eh, nyameɛso ne nyameɛso anwuro anwuro po, ɔte kãa ma wɔ, nna wayɛ kyɛ sua he bɔ masi ye!

Edwein 132:14

“Ɛwa yeɛ ɔte me nekaa bɔ mede me nwomeɛ ɔ afebɔɔ; ɛwa yeɛ ngɔtena ɔ, ofikyɛ mekuro ɛwa.

Edwein 68:18

Ɛfole bokaa tendenn ne, elili bɛ bɔ ahye bɛ nnure ne nyunu wɔ mmerɛ bɔ elele akyɛdeɛ bɔ ɔte mmenia ɔ, bɔ ɛlɔenyɛlɛfoɛ po bɛboka so ɔ amaa ɔnate so AWURADE Nyameɛ watena bɛ nu.

Ɛksadɔso 29:45

Ngɔtena Yisraelfoɛ nu, ná mayɛ bɛ Nyameɛ.

Ɛksadɔso 8:19

Na ngonyaayelɛfoɛ nemɔ sele Faro kyɛ, “Ɛhe de, Nyameɛ sa wɔ nu! Nakoso Faro bubuli mmakaa tuale ye so, na wandɛ bɛ so, kyɛbɔ AWURADE hane ne ala.

Yesaya 47:12

“Wɔ ngonyaayelɛ ne wɔ musueyelɛ worawora bɔ afi wɔ ngwadaa nu aye ne, kɔ so gyina pindinn wɔ nu e! Ebiaa okoyie wɔ yé wɔ nu, ebiaa ɔkɔma wɔ nwo kɔyɛ suro.

Yesaya 57:15

Ofikyɛ Anwuro Anwuroniɛ ne, bɔ ɔwɔ berɛ afebɔɔ, bɔ ye dumaa ole Krongron ne, ɔnwa nyoo: “Anwuro ne nekaa krongron berɛ yeɛ nde ɔ, na sona bɔ wanya nnuhoɛ ne anwobrɛaseɛ ne, me ne ye yeɛ yɛte ɔ, amaa ɔnate so mama anwobrɛaseɛfoɛ bɛ sunzum anya ngoa, ná mama bɛ bɔ banya nnuhoɛ ne b’ahone anya ngoa.

Yesaya 8:18

Ɛ́mɔtie, me ne me mma bɔ AWURADE afa bɛ ama me ne, yɛte sɛngyerɛnneɛ ne kɔkɔbɔlɛ bɔ ofi Asafo AWURADE bɔ ɔte Sion bokaa so ne berɛ yɛma Yisrael.

Daniel 4:4

“Me, Nebukadenesa, né nde m’awuro asomdwee nu, bɔ né nningyein ɔkɔ so yé ma me wɔ m’ahemvie ɔ.

Daniel 5:11

Biaa bie wɔ w’ahennie ye anu bɔ nyameɛ krongron mɔ bɛ sunzum wɔ ye nu ɔ. Wɔ baba aberɛ so, benwuni kanea ne nimdeɛ ne nworɛ bɔ ɔte kyɛ nyameɛ nemɔ bɛ nworɛ deɛ ne bie ɔ wɔ ye nu, na wɔ baba Nana Nebukadenesa bɔle ye panyi wɔ ngonyaayelɛfoɛ, bɛ bɔ bɛnea nzramaa nu bɛkã nu dwirɛ, Kaldeafoɛ ne benewaafoɛ nemɔ bɛ so,

Yoel 3:21

Bɛ mogya bɔ mandɔ so wereɛ ne, ngɔtɔ so wereɛ, ofikyɛ AWURADE te Sion.”

Numeri 35:34

Nnɛfa efiɛ ka aseɛ bɔ ɛte so, bɔ me koso nde so bie ne. Ofikyɛ me AWURADE, nde Yisraelfoɛ nu.”

Mateo 19:26

Na Yesu neane bɛ haa sele bɛ kyɛ, “Sona bue nu de, ɛhe ngɔhora ngɔyɛ berɛ; nakoso Nyameɛ bue nu de, nningyein mukoraa kɔhora kɔyɛ berɛ.”

Yohane 1:14

Na Edwirɛ ne ɔɔyɛle anwoɔnaen, na ɔne yɛ ɛɛtenane, na yɛnwuni ye animnyam kyɛ Baba n’Awa bɔ ɔwole ye komapɛ twe n’animnyam, na adom ne nahorɛ ayi ye tɛkyɛ.

Yohane 14:17

bɔ ye ole nahorɛ Sunzum bɔ ewiase ngora nne ye ndo nu ne; ofikyɛ onnwu ye, yeɛ ɔnze ye. Nakoso ɛmɔ de, ɛmɔse ye, ofikyɛ ɔne ɛmɔ yeɛ bɛte ɔ, na ɔkɔtena ɛmɔ nu.

Yohane 14:23

Na Yesu buale ye kyɛ, “Sɛ ebie kuro me dwirɛ a, okoli me dwirɛ so, na me Baba kohuro ye dwirɛ, na yɛkɔwa ye berɛ, ná yaayɔ yɛ atenaleɛ wɔ ye berɛ.

2 Korintofoɛ 6:16

Nzikyɛ ngitahoɛ yeɛ ɔwɔ Nyameɛ asɔneyɛɛ sua ne mmosoen b’afia ɔ? Ofikyɛ yɛte Nyameɛ teasefoɛ n’asɔneyɛɛ sua, na Nyameɛ waha ne, “Me ne bɛ kɔtena, na me ne bɛ yanate, Ngɔyɛ bɛ Nyameɛ, na bɛ wora bayɛ me maen.”

Nyekyire 21:3

Na ndele kyɛ komviɛ piri bie fi ahennie bia ne anu ɔkã kyɛ, “Tie, Nyameɛ ɛtena sua ne ɔwɔ adasa mmaa nu, na ɔkɔtena nu wɔ bɛ nu, bɛkɔyɛ ye maen, na Nyameɛ bɔbɔ ɔne bɛ kɔtena, [ná wayɛ bɛ Nyameɛ.]”