Daniel 12:7 - AHYERƐLƐ KRONGRON

⁷ Na biaa bɔ ɔhera nwera, bɔ ɔwɔ asue ne anye ne, ndele ye mmuayɛɛ ne. Ɔpagyale ye sa famaa ne ye sa bɛen hyirele nyameɛso, na ɔfale Ɛdangama bɔ ɔte ase daa ne tale ndaen kyɛ, “Okoodwu afoɛ nza ne bue; na sɛ bede maen krongron ne tumi befi ye sa nu beyie a, yeɛ ɛhemɔ amukoraa kɔwa nu ɔ.

Daniel 12:7 Iomraidhean Croise

YOB NWOMAA NE 27:2

“Nyameɛ bɔ ɔne me anni ye yé, Tuminiɛ ne bɔ wama me kra odi aworabɔlɛ ne, kyɛ ɔte ase ye de,

Yesaya 62:12

Na bɛkɔfrɛ bɛ: Maen krongron, Mmenia bɔ AWURADE apɔ bɛ wale bɛ ɔ, na wɔ de, bɛkɔfrɛ wɔ: Bɔ baapena ye si atee banwu ye ɔ, Kuro bɔ bambo ye ɔ.

Yeremia 4:2

ná sɛ ɛta ndaen kyɛ, ‘Kyɛ AWURADE te ase ye!’ wɔ nahorɛ nu, pɛpɛɛpɛyɛlɛ nu ne tenenee nu a, ye de, maen maen mɔ bekonya bɛ saleɛ wɔ ye nu, na ye nu yeɛ bekonya b’animnyam ɔ.

Hesekiel 20:5

ná se bɛ kyɛ, AWURADE Nyameɛ nwa nyoo: Kyẽa bɔ nneanea nu nyele Yisrael ne, ndale ndaen mvoale so ngyirele Yakob awuro ama, na nyele me nwo ali ngyirele bɛ wɔ Misraim aseɛ so. Na ndale ndaen ngyirele bɛ kyɛ, Me ole AWURADE ɛmɔ Nyameɛ ne.

Daniel 10:5

Ndole me nye anwuro nneane, na nwuni biaa bie bɔ ɔhera nwera bɔ wafa Yufase sikaa kɔkorɛ wayɛ abɔsoɛ ɔ.

Daniel 11:13

Ofikyɛ sorɔ dɔ hene ne kɔboaboa ɛlɔen pee noa bɔ ye somaa tra daa deɛ ne ɔ, na okosa kɔwa; na afoɛ biemɔ asi ne, ɔkɔfa ɛlɔen kandinga ne koɛhonɛ nningyein pee kɔwa.

Daniel 12:6

Na ko bisale biaa bɔ ɔhera nwera, bɔ ɔwɔ asue ne anye ne kyɛ, “Ɔkwaadwu kyinzu yeɛ sɔ anwanwadeɛ hemɔ bɛkɔwa ayieleɛ ɔ?”

Daniel 12:8

Ndele, nakoso mande ye bo, yiti mmisale kyɛ, “O me mene, sɛɛ yeɛ ɛhemɔ bekooyie ɔ?”

Daniel 4:31

Na Nana Nebukadenesa noa ambe, yeɛ edwudwolɛ bie fili nyameɛso sele kyɛ, “Wɔ, ɛhene Nebukadenesa, wɔ yeɛ bɛ́kã edwirɛ he bekyire wɔ ɔ, kyɛ: Ahennie ne, wafi wɔ sa!

Daniel 4:34

“Na mmerɛ ne sone ne, me Nebukadenesa, ndole me ti anwuro nneane nyameɛso, m’adwene sa yɛle paa, na ngamvole Anwuro Anwuroniɛ ne, na nyele ye bɔ ɔte ase afebɔɔ ne ayɛ mvale anidie mane ye, ofikyɛ ye tumi ne te afebɔɔ tumi, na ye ahennie wɔ berɛ ma aworɛ ndoatoasoɛ amukoraa;

Daniel 7:21

Na ngu so bɔ menea ne, sɔ mmɛen ne fale koɛ toale anwoteefoɛ nemɔ, na olili bɛ so ngonim,

Daniel 7:25

Okodwudwo kotia Anwuro Anwuroniɛ ne, ɔkɔmaa Anwuro Anwuroniɛ n’anwoteefoɛ nemɔ bekoli amia, na ɔkɔyɛ ye adwene kyɛ ɔkɔsesã mmerɛ ne mmeraa, na bɛkɔfa anwoteefoɛ nemɔ bekowura ye sa afoɛ ko, afoɛ nyɔ ne bosome nzia.

Daniel 8:14

Na obuale me kyɛ, “Sana waadwu nɔsoa ne ngyerɛmɔ sɔ alaa apee nyɔ ɛyaa nza koraka né nekaa krongron berɛ wasa wasi ye daa nu.”

Daniel 8:24

Ye tumi kɔyɛ piri, nakoso nna ye bɔbɔ ye tumi ɔ, ɔkɔsɛkye nningyein maa ɔkɔyɛ anwodwiri, okonya ngɔsoɛ wɔ bɔ ɔkɔyɔ ɔ nu, okohũhũ anwoserɛfoɛ, na ɔkɔbɔ krongronfoɛ maen ne.

Luka 21:14

Yiti odi kyɛ ɛmɔfa he bɛto ɛmɔ ti anu, ná ɛmɔandwenedwene bɔ ɛmɔkɔfa bɛkɔye ɛmɔ noa ɔ nwo koraka;

Luka 21:24

Bɛkɔtotɔ ngrandɛ noa, bɛkɔhye bɛ nnure bɛkɔhɔ maen maen mukoraa so; na Amaenmaensofoɛ kotiatia Yerusalem so koodwu kyɛ Amaenmaensofoɛ nemɔ bɛ mmerɛ ne kɔwa nu ɔ.

Deuteronomi 26:19

Na ɔnate so ɔkɔpagya wɔ wɔ anidie nu, dumaa nu ne animnyam nu kɔtra maen maen bɔ wakyekye amukoraati; na ɛkɔyɛ maen krongron kɔma AWURADE wɔ Nyameɛ, kyɛbɔ wahyɛ bɔ ne.”

Deuteronomi 32:36

Amba, AWURADE kobua ye mmenia be, okonwu ye ngoaa anwumvoin, mmerɛ bɔ okonwu kyɛ b’anwoserɛ ayie, bɔ ebiala nne berɛ bɔ waha, bɔ ɔte akoaa anaa dehyeɛ ɔ.

Deuteronomi 32:40

Ofikyɛ mema me sa so mekyire nyameɛso, ná meta ndaen kyɛ, Kyɛ nde ase afebɔɔ ye de,

Deuteronomi 7:6

“Ofikyɛ ɛmɔte mmenia krongron bɛma AWURADE ɛmɔ Nyameɛ; na ɛmɔ yeɛ AWURADE ɛmɔ Nyameɛ waneanea aseɛ ye aso mmenia mukoraati nu waye ɛmɔ ɔ, kyɛ ɛ́mɔyɛ ye bɔbɔ ye mmenia bɔ ye ahone la bɛ nwo ɔ.

1 Petro 2:9

Nakoso ɛmɔ de, ɛmɔte mmenia bɔ baneanea nu baye ɛmɔ ɔ, nnehyeɛ asɔfokure, maen krongron, maen bɔ wafa ye wayɛ ye deɛ ɔ, kyɛ ɛmɔɔbɔ bɔ ɔfrɛle ɛmɔ fili awosii nu wale ye kanea bɔ ɔyɛ nwanwa ne anu ne, ye ayɛyelɛ ne dawure.

Nyekyire 12:14

Nakoso bɛmane braa ne kɔleɛ pirikua bie ndaa nyɔ, kyɛ ɔfa tu fi ewoo ne nyunu hɔ ɛserɛ so, wɔ ye atenaleɛ, nekaa bɔ bɛkɔnea ye mmerɛ ne mmerɛ ne mmerɛ bue ne.

Nyekyire 12:6

Na braa ne nwati hɔle ɛserɛ so, nekaa bɔ Nyameɛ asiesie ama ye kyɛ bɛnea ye so ngyẽa apee ko ɛyaa nyɔ ne aburasia ne.

Nyekyire 13:5

Na bɛmane kaka ne noa bɔ ɔfa kekã edwirɛ mbiri mbiri ne musue dwirɛ ɔ, na bɛmane ye ate maa olili tumi bosome aburanna ne nyɔ.

Nyekyire 4:10

mbanyi aburanyɔ ne nna nemɔ bɛfa bɛ nyunu bebutubutu bɔ ɔte ahennie bia ne aso ne nyunu berɛ, na bɛsɔne bɔ ɔte ase afebɔɔ ne; na betutu b’abotire nemɔ begua ahennie bia ne nyunu bɛkã kyɛ,

Nyekyire 4:9

Na sɛ abɔdeɛ ateasefoɛ nemɔ bɛfa animnyam, anidie ne asennaa bɛma bɔ ɔte ahennie bia ne aso, bɔ ɔte ase afebɔɔ ne a,