Daniel 12:4 - AHYERƐLƐ KRONGRON

⁴ Nakoso wɔ, Daniel, nnɛbɔ edwirɛ ne aso, na fa nzɔanoɛ sɔ nwomaa ne noa kɔpem kyɛ ayieleɛ ne kɔwa ɔ. Mmeni pee kɔpere bɛ nwo bekoli akɔneaba, na nimdeɛ kɔsone.”

Daniel 12:4 Iomraidhean Croise

Yesaya 11:9

Ebiala ngohũ anaa ongopura ebiala wɔ me bokaa krongron ne aso amukoraa; ofikyɛ AWURADE nwo nimdeɛ koyi aseɛ so tɛkyɛ, kyɛbɔ nzue ayi ɛpo nu tɛkyɛ ne.

Yesaya 29:11

Nyekyire he amukoraa, wakakyi ɛmɔ nye so kyɛ edwirɛ bɔ ɔwɔ nwomaa bɔ nzɔanoɛ sɔ ye noa ɔ nu. Sɛ bɛfa bɛma ebie bɔ ɔse nwomaa kyɛ, “Mesrɛ wɔ, kenga ɛhe” a, ɔkã kyɛ, “Mengɔhora, ofikyɛ nzɔanoɛ sɔ ye noa.”

Yesaya 30:26

Asa koso, ɛsraen talɛ ne kɔyɛ kyɛ eyia talɛ, yeɛ eyia talɛ ne kɔyɛ mmɔhoɛ nzoo kyɛ bafa ye talɛ ɛlɛsoo babɔ nu ɔ, wɔ kyẽa bɔ AWURADE kɔkyekye ye maen ngena so, bɔ ɔkɔma bɛ nwo pakyepakyelɛ ne kɔhɔ ɔ.

Yesaya 32:3

Bɛ bɔ benwu nikyee ne, bɛ nye so ngɔyɛ bɛ wusiwusi, yeɛ bɛ bɔ bɛte dwirɛ ne, bɛ koso bekotie.

Yesaya 8:16

Bobɔ adanzeɛ ne, na ngyerɛkyerɛ bɔ mefa mema m’asuafoɛ ne, fa nzɔanoɛ sɔ ye noa.

Yeremia 5:1

Ɛ́mɔtu amirika beli Yerusalem mmorɔnoɛ so akɔneaba, ɛ́mɔtoto bɛ nye bɛ́nea nningyein yé! Ɛ́mɔneanea ye dwaa nemɔ aso bɛ́nea, sɛ ɛmɔkonwu sona ko po bɔ ɔyɔ bɔ ɔtengyɛ ɔ, bɔ ɔpena nahorɛ si atee ɔ, amaa ɔnate so mafa Yerusalem bɔne mahyɛ ye.

Daniel 10:1

Pɛsia hene Karose ahennie afoɛ bɔ ɔtɔ so nza ne anu, (Nyameɛ) lale dwirɛ ali hyirele Daniel bɔ bɛtole ye dumaa Beltesasa ne. Edwirɛ ne te nahorɛ, na ɔte dwirɛ bɔ ɔyɛ se ɔ. Daniel tele edwirɛ ne abo, na onyane nyekyire ne anu ndeaseɛ.

Daniel 10:14

Na bɔ ɔkɔto wɔ maen ne wɔ mmerɛ bɔ oli nziɛ ne anu ne, mawa kyɛ mebaamaa ɛte ye bo. Ofikyɛ sɔ nyekyire he, ɔfa mmerɛ bie bɔ ɔbaawa ɔ nwo.”

Daniel 10:21

Nakoso ngɔla bɔ bahyerɛ ye wɔ nahorɛ nwomaa ne anu ali ngohyire wɔ: ebiala ngo bie mmoka me so ndia ɛhemɔ, sana Mikayɛl, ɛmɔ katakyie ne ngome.

Daniel 11:33

Na maen ne anu mmenia bɔ b’adwene nu pi ne, bekohyirehyire nu bekohyire mmeni pee maa bɛkɔte ye bo; ɔwɔ nu kyɛ bɛkɔtotɔ ngrandɛ noa de, bɛkɔyera bɛ, bɛkɔhye bɛ nnure, yeɛ bɛkɔbɔ bɛ nningyein apaa mmerɛ kãa.

Daniel 11:40

“Na ayieleɛ mmerɛ ne dwu a, ngwaen dɔ hene ne kɔfa koɛ kɔɔteta ye. Nakoso sorɔ dɔ hene ne kɔfa teaseɛnam mɔ ne pɔngɔhanɛfoɛ ne ɛlɛen pee kɔhɔ ye so kyɛ mvrama bɔ ɔpɛ ye nwo ɔ, na ɔkɔfa koɛ kɔteta maen maen pee kohwi kɔfa bɛ so kyɛ asue bɔ wayi ɔ.

Daniel 12:13

Nakoso wɔ de, kɔ w’atee maa oodwu ayieleɛ ne; ekole wɔ nwome, na ayieleɛ mmerɛ ne dwu a, ekodwɔso konya wɔ kyɛfa bɔ bahyehyɛ bato berɛ bama wɔ ne.”

Daniel 12:5

Afei me, Daniel, nneane, na yieee, né mmienzua nyɔ foforɛ begyigyi berɛ. Ko wɔ asue ne noa bue ko, yeɛ ko wora ɔwɔ asue ne noa bue ko.

Daniel 12:9

Na obuale kyɛ, “Daniel, wɔ de kɔ, ofikyɛ edwirɛ nemɔ te mvealeɛ nu dwirɛ, na bafa nzɔanoɛ basɔ ye noa kɔpem ayieleɛ mmerɛ ne.

Daniel 8:17

Yiti ɔwale nekaa bɔ né ngyi ne. Ɔwale ne, ɛserɛ hane me, na mvale me nyunu mmutuli berɛ. Na osele me kyɛ, “O Sona awa, te ye bo, kyɛ nyekyire ne gyi berɛ ma ayieleɛ mmerɛ ne.”

Daniel 8:19

Na osele kyɛ, “Tie, ahonehulɛ ne ba ayieleɛ a, bɔ okosi ne, mebaala ye ali mekyire wɔ, ofikyɛ ɔfa ayieleɛ mmerɛ bɔ bahyehyɛ bato berɛ ne anwo.

Daniel 8:26

Nɔsoa ne ngyerɛmɔ nyekyire bɔ mala ye ali ne, ɔte nahorɛ; nakoso nnɛbɔ nyekyire ne aso, ofikyɛ kyẽa bie dee yeɛ okosi ɔ.”

Mateo 24:14

Na bɛkɔhã ahennie ne nwo nzɛmba he wɔ ewiase amukoraa maa ɔkɔyɛ adanzeɛ kɔma maen maen amukoraa; koraka ná afei ayieleɛ ne awa.

Romanfoɛ 10:18

Nakoso mebisa kyɛ, bennya bɛttele anaa? Amba, bate, ofikyɛ, “Bɛ komvi adwu aseɛ so nekaa biala, na bɛ dwirɛ adwu wiase nekaa biala.”

Nyekyire 10:4

Na agralaa nzoo ne bobɔle nu kurudududu nen, nyɛle kyɛ mekyerɛ, nakoso ndele kyɛ komviɛ bie fi nyameɛso ɔkã kyire me kyɛ, “Edwirɛ bɔ agralaa kurudududu nzoo nemɔ bahã ne, sɔ ye noa, na nnɛkyerɛ.”

Nyekyire 22:10

Na osele me kyɛ, “Ngɔmhyɛlɛ dwirɛ bɔ ɔwɔ nwomaa he anu ne, nnɛfa nzɔanoɛ sɔ ye noa, ofikyɛ mmerɛ ne apingye.

Nyekyire 5:1

Na bɔ ɔte ahennie bia ne aso ne, ye sa famaa nu, nwuni nwomaa bie bɔ babobɔ ɔ, bɔ bahyerɛ ye nyunu ne ye si, bɔ bafa nzɔanoɛ nzoo basɔ ye noa ɔ.