Daniel 12:2 - AHYERƐLƐ KRONGRON

² Na bɛ bɔ balela wɔ aseɛnwo nnɛterɛ nu ne, bɛ nu pee kotingye, ebiemɔ kɔhɔ daa ngoa nu, yeɛ ebiemɔ wora bɛkɔhɔ animguaseɛ ne nyanzoen bɔ olle ayieleɛ ɔ nu.

Daniel 12:2 Iomraidhean Croise

Anyandera 12:8

Begyina sona ye nworɛ so yeɛ bɛkamvo ye ɔ, nakoso bɔ adwene nne ye ti anu de, bebu ye animtia.

Yesaya 26:19

W’awufoɛ mɔ bekonya ngoa, bɛ fuin nemɔ bekotingye. O ɛmɔ bɔ ɛmɔla nnɛterɛ nu ɔ, ɛ́mɔdwɔso bɛ́to dwein beli ahurusi! O AWURADE, wɔ bosue ne, ɔte kanea bosue, na aseɛ kɔye bɛ bɔ bawuwu ɔ kɔwa.

Yesaya 66:24

“Na bekofite bɛkɔɔnea mmenia bɔ bayɛ me nwo lɔen nemɔ bɛ fuin, ofikyɛ bɛ nnɔboakoma nemɔ ngowu, bɛ see ne ngonua, na bɛkɔyɛ akyiwadeɛ bɛkɔma anwoɔnaen amukoraa.”

Yeremia 20:11

Nakoso AWURADE gyi me si kyɛ koɛhonɛniɛ bɔ ye nwo yɛ suro ɔ. Yiti bɛ bɔ bɛtane me nye ne, bekosoti, na bengoli ngonim. Bɛ nyunu kogua ase paa, ofikyɛ ongoyie bɛ yé. Na b’animguaseɛ afebɔɔ ne, mmenia wora ngofi ye le.

Hesekiel 37:12

Yiti hyɛ ngɔm ná se bɛ kyɛ, ‘AWURADE Nyameɛ nwa nyoo: O me maen, ɛ́mɔtie, mebaabukyebukye ɛmɔ asieleɛ nemɔ aso, ngɔye ɛmɔ ngofi ɛmɔ asieleɛ nemɔ anu, na ngɔfa ɛmɔ ngɔhɔ Yisrael aseɛ so.

Hosea 13:14

Aso mbɔ bɛ mvi ɛborɔ tumi nu anaa? Aso mbepɛ nne bɛ mvi ewue nu anaa? Wɔ, ewue, wɔ yealɛ ne wɔ ni? Wɔ, ɛborɔ, wɔ sɛkyelɛ ne wɔ ni? Anwumvoinnwunɛ atu afi me nye so.

Mateo 25:46

Na ɛhemɔ kofi berɛ kɔhɔ asohwenɛ bɔ olle ayieleɛ nu; nakoso teneneefoɛ nemɔ de, bɛkɔhɔ daa ngoa nu.”

Asomafoɛ 24:15

Na anyelasoɛ komapɛ bɔ ɔla berɛ ma me wɔ Nyameɛ nu kyɛ mmenia mukoraa, teneneefoɛ ne bɔnefoɛ, kodwɔso kofi awufoɛ nu ne koso ala yeɛ ɔla berɛ ma bɛ ɔ.

Asomafoɛ 7:60

Afei oguale ndwerɛ, na ɔteane nu serɛserɛ kyɛ, “Awurade, fa bɛ bɔne he kyɛ bɛ!” Ɔhane sɔ ne, owuli.

Romanfoɛ 9:21

Ngukuenwonɛniɛ ne, aso olle ɛfaa so tumi, kyɛ ɔfa ɛfaa torɛ komapɛ ne ala ɔnwo bua ko maa ɔyɛ nyemenenyemene ná ɔnwo ko koso maa ɔyɛ bibirikyii ɔ?

1 Tɛsalonikafoɛ 4:14

Na sɛ yɛde yɛdi kyɛ Yesu wuli ná osa tingyele de a, nzaade Nyameɛ kɔfa bɛ bɔ balela nemɔ kɔfa Yesu so kɔboka ye so kɔwa.

Nyekyire 20:12

Na nwuni awufoɛ, kwahweabaa mɔ ne atitire kyɛ begyigyi ahennie bia ne nyunu. Bebukyebukyele nwomaa nemɔ anu, besa bebukyele nwomaa foforɛ bie bɔ ɔte ngoa nwomaa ne anu. Na begyinane edwirɛ bɔ bahyerɛ ye wɔ nwomaa nemɔ anu so bebuale awufoɛ ndɛen, kyɛbɔ bɛ nnwumaa te ɔ.