Daniel 11:8 - AHYERƐLƐ KRONGRON

⁸ Okosa kɔsesa bɛ mmosoen, b’amoen mɔ bɔ bahuro nikyee bafa bayɔ ɔ, b’ɛdwetɛ ne sikaa kɔkorɛ mbembenanneɛ kɔhɔ Misraim. Na afei afoɛ pee kɔpɛ nu bɔ ɔngɔfa koɛ ngɔtoa sorɔ dɔ hene ne ɔ.

Daniel 11:8 Iomraidhean Croise

Gyenesise 31:30

Kekesaala ye de, wɔ wora adɔ ɛse awuro ti yeɛ ɛkɔ ɔ, na nzu ati yeɛ ewuale me mmosoen ɔ?”

2 Samuel 5:21

Filistifoɛ nwatili bɛyakyili bɛ mmosoen berɛ, na Dawide ne ye koɛhonɛfoɛ nemɔ sesale bɛ hɔle.

Ɛksadɔso 12:12

Ngɔɔpɛ nu Misraim aseɛ so sɔ kyẽa ne kɔngɔen, na ngohũ Misraim aseɛ so bamuɛbaa mukoraa, fite mmenia so kodwu ngaka so; na ngobua Misraim mmosoen amukoraa ndɛen. Me ole AWURADE.

Yesaya 2:16

ɔkɔwa Tasise ɛlɛen amukoraa so, ɔne nu nningyein bɔ bali adwii bayɔ ye nyemene amukoraa so.

Yesaya 37:19

bagyi maen maen mɔ bɛ nyameɛ mɔ bagua see nu, ofikyɛ bɛ de bɛtte nyameɛ huu, na mmom bɛte kuro sona ye sa noa adwuma bɔ wafa bakaa ne nyɔboɛ wayɔ ɔ. Na ɔnate sɔ ati yeɛ basɛkye bɛ ɔ.

Yeremia 46:25

Asafo AWURADE, Yisrael Nyameɛ nwa nyoo, “Ɛ́mɔtie, ngɔhwe Amon bɔ ɔwɔ Tebese, Faro, yeɛ Misraim ne ye nyameɛ mɔ ne ye ahemvo mɔ bɛ so, yeɛ Faro ne mmenia bɔ bɛfa bɛ wora bewura ye nu ɔ.

Daniel 10:3

Manni aleɛ fɛɛ biala, naen anaa nzaa biala anga me noa, yeɛ mambopa toonn dapɛn nza mumua.

Daniel 11:9

Yiti ɔkɔhɔ ngwaen dɔ hene n’ahennie ne anu, na afei okosa kɔhɔ ye bɔbɔ ye aseɛ so.

Hosea 13:15

Ɔwɔ nu kyɛ okonya ngɔsoɛ wɔ oliɛma mɔ nu, nakoso eyia afiteleɛ mvrama bɔ ɔte AWURADE mvrama ne, okotu kofi ɛserɛ so dɔ kɔwa, ye asue ti kɔwewe, yeɛ ye mbombonzue kɔwewe, na mvrama ne kɔsesa nningyein nyɔboɛ serɛ biala kofi nekaa bɔ osie ye nningyein ɔ.

Hosea 8:6

Ofikyɛ ye koso ofi Yisrael: dwumvoɛ yeɛ ɔyɔle ɔ, yiti nna Nyameɛ ɔ. Samaria nandwie ba ne, bekobubu ye nu pasapasa.

Numeri 33:4

Sɔ mmerɛ ne, né Misraimfoɛ begu so besie bɛ bamuɛbaa mɔ amukoraa bɔ AWURADE ahũhũ bɛ wafi bɛ nu ne. Misraimfoɛ nyameɛ nemɔ koso, AWURADE amva bɛ nwo angyɛ bɛ.

Deuteronomi 12:3

Ɛ́mɔdwiri b’afɔleɛ bokyea nemɔ bégua, ɛ́mɔbubu bɛ bonima nemɔ nu, ná ɛ́mɔfa see bɛ́yera bosoen Asera dosii nemɔ. Ɛ́mɔpepɛ amoen mɔ bɔ bafa bayɛ bɛ nyameɛ ne begua, ná ɛ́mɔkyikyi bɛ dumaa béfi porɛ ne anu berɛ.

Maenbulɛfoɛ 18:24

Na Mika buale kyɛ, “Ɛmɔasesa me mmosoen bɔ mayɔ ɔ ɔne me sɔfo bahɔ, na beni yeɛ waha me sa nu ɔ? Nzu ati yeɛ ɛmɔbisa me kyɛ, ‘Nzikyɛ dwirɛ’ ahɔ ɔ?’ ”