Daniel 11:7 - AHYERƐLƐ KRONGRON

⁷ “Nakoso braa ne boso ndii ne bie ye nye kofifi kosi ye gya nu, na ɔkɔfa ɛlɔen kɔwa, ɔkɔhɔ sorɔ dɔ hene n’ahemvie, ɔkɔfa koɛ kɔteta bɛ, na okoli bɛ so ngonim.

Daniel 11:7 Iomraidhean Croise

YOB NWOMAA NE 14:7

“Ofikyɛ bakaa po, anyelasoɛ wɔ berɛ ma ye, kyɛ bɛpɛ ye bɛto a, okosa kɔfefɛ, na okosa konya nyaa foforɛ.

Edwein 109:8

Ma ye ngoa ɔyɛ tika, ma sona foforɛ ole ye dibea ne.

Edwein 55:23

Nakoso wɔ, ao Nyameɛ, ekofindi bɛ kogua ewue kumaa ne abo dɔ; kodiawufoɛ ne ngondombofoɛ de, bengoli b’aseɛ ye aso ngoa ye bue po. Nakoso me de, mefa me wora mewura wɔ nu.

Yesaya 11:1

Bakaa ye nye bie kopukye kofi Yese dosii ne anu, na mmaen bie kofifi kofi ye ndii nemɔ anu kosu mmaa.

Yesaya 9:14

Yiti AWURADE kɔpɛ Yisrael ye ti ne ye dua, ye ɛberɛ ne elemmire ɛlɛho komapɛ kofi berɛ.

Yeremia 12:2

Wɔ yeɛ edua bɛ ɔ, na betira ndii; benyi besu mmaa; wɔ dumaa lela bɛ noa, nakoso b’ahone de, ombingye wɔ.

Hesekiel 17:18

Ofikyɛ wabu ndaen ne animtia, yeɛ wabu apam ne aso. Ɔtale ndaen foale so, nakoso wayɔ sɔ nningyein nemɔ, yiti ongonya ye ti ngodidi nu.

Daniel 11:40

“Na ayieleɛ mmerɛ ne dwu a, ngwaen dɔ hene ne kɔfa koɛ kɔɔteta ye. Nakoso sorɔ dɔ hene ne kɔfa teaseɛnam mɔ ne pɔngɔhanɛfoɛ ne ɛlɛen pee kɔhɔ ye so kyɛ mvrama bɔ ɔpɛ ye nwo ɔ, na ɔkɔfa koɛ kɔteta maen maen pee kohwi kɔfa bɛ so kyɛ asue bɔ wayi ɔ.

Daniel 11:6

Na afoɛ biemɔ asi ne, bɛkɔyɛ apam, na ngwaen dɔ hene ne, ɔwa brasua kɔwa sorɔ dɔ hene ne berɛ kyɛ ɔne ye bɛbaayɛ asomdwee apam; nakoso braa ne, ye tumi ne ngoli gyina, yeɛ biaa ne ne ye tumi koso ngoli gyina. Bɛkɔye braa ne bɛkɔma, ɔne sona bɔ ɔwole ye ɔ, ɔne bɔ ɔhyɛle ye nguraen wɔ sɔ mmerɛ ne anu ne.

Malaki 4:1

Tie, kyẽa ne ɔ́ba bɔ ɔkɔyera kyɛ foonoo ɔ; na amba, ahandaenfoɛ amukoraa, bɛ ne bɔnefoɛ biala bɛkɔyɛ ngyɛngyɛma. Na kyẽa bɔ ɔbaawa ne, ɔkɔyera bɛ, bɔ ɔngɔyakyi bɛ ndii anaa bɛ mmaen ɔ, AWURADE noa dwirɛ ɛne.

Luka 12:20

Nakoso Nyameɛ sele ye kyɛ, ‘Kwaseambane! Kɔngɔen ye ala ngole wɔ kra ngofi wɔ sa nu; na nningyein bɔ apena agua berɛ ne, nwa yeɛ bɛkɔyɛ ye deɛ ɔ?’