Daniel 11:45 - AHYERƐLƐ KRONGRON

⁴⁵ Na okosisi ye ahemvie ɛtena sua mɔ wɔ ɛpo ne, ɔne bokaa krongron nyemenenyemene ne b’afia; nakoso ye ayieleɛ kɔto ye bɔ ongonya ebiala ma ɔngɔboka ye ɔ.”

Daniel 11:45 Iomraidhean Croise

Edwein 48:2

bɔ ogyi berɛ tendenn nyemenenyemene ne, ɔte aseɛ ye amukoraa anika; Sion bokaa, bɔ ɔwɔ sorɔ dɔ dedeede ne, ɔte Ɛhene piri ne, ye kuro.

Yesaya 10:12

Sɛ AWURADE yɔ ye adwuma mukoraa wɔ Sion bokaa so ne Yerusalem yie a, ɔkɔhwe Asiria hene so wɔ ye anwomasoɛ mvamva ne ye dwɛɛ ne anwo.

Yesaya 11:9

Ebiala ngohũ anaa ongopura ebiala wɔ me bokaa krongron ne aso amukoraa; ofikyɛ AWURADE nwo nimdeɛ koyi aseɛ so tɛkyɛ, kyɛbɔ nzue ayi ɛpo nu tɛkyɛ ne.

Yesaya 14:13

Ɛhane ye wɔ wɔ ti anu kyɛ, ‘Ngɔfo ngɔhɔ nyameɛso, ngɔfa m’ahennie bia ngoosie anwuro anwuro maa ɔkɔtra Nyameɛ nzramaa mɔ. Bokaa ne aso nyianu ne, ngɔɔtena nu wɔ sorɔ dɔ paa aseɛ ne aso.

Yesaya 2:2

Na ɔkɔwa kyɛ, mmerɛ bɔ oli nziɛ ne, bokaa bɔ AWURADE awuro ne gyi so ne, ye bo kotimu maa ɔkɔware kɔtra bokaa biala, ɔkɔyɛ tendenn kɔtra pambaa biala, na maen maen mukoraa bekobiri bɛkɔwa so.

Yesaya 27:13

Sɔ kyẽa ne, bekohu totorobɛndo pirikua ne, na bɛ bɔ beminini bɛhɔle Asiria aseɛ so, bɛ ne bɛ bɔ bɛsesale bɛ bɛhɔle Misraim aseɛ so ne, bɛkɔwa bɛkɔɔsɔne AWURADE wɔ bokaa krongron ne aso, wɔ Yerusalem.

Yesaya 65:25

Pataku ne boaen ba bekodidi neka horɛ, gyata koli ndire kyɛ nandwie ala, na nnɛterɛ yeɛ ɔkɔyɛ ewoo aleɛ ɔ. Ebiala ngohũ anaa ongopura ebiala wɔ me bokaa krongron ne amukoraa so, AWURADE noa dwirɛ ɛne.”

Yesaya 66:20

Bɛkɔfa ɛmɔ aliɛma mɔ amukoraa bekofi maen maen amukoraa so bɛkɔwa, maa ɔkɔyɛ afɔleɛ kɔma AWURADE. Mbɔngɔ so, teaseɛnam mɔ nu, seko nu, afunum mɔ so ne afupɔngɔ mɔ so yeɛ bɛkɔfa bɛ bɛkɔtenatena bɛkɔwa me bokaa krongron Yerusalem so ɔ, AWURADE noa dwirɛ ɛne, kyɛbɔ Yisraelfoɛ bɛfa b’aburoo afɔleɛ begua nzim bɔ ye nwo te ɔ nu bɛba AWURADE awuro nen.

Hesekiel 39:2

Ngɔmaa ɛkɔkakyi wɔ nwo kosa kɔwa, ngɔhwe wɔ ngɔhɔ, na ngotu wɔ ngofi sorɔ dɔ paa maa ɛkɔɔfa koɛ kɔtoa Yisrael mmokaa nemɔ.

Daniel 11:16

Na ebiala bɔ ɔkɔfa koɛ kɔɔtoa ye nen, bɔ okuro biala yeɛ ɔkɔyɔ ɔ, ebiala ngɔhora ye nyunu gyina, okoogyina aseɛ nyemenenyemene ne aso, na ɔkɔfa ye tumi kɔsɛkye aseɛ ne.

Daniel 11:41

Ɔkɔwa aseɛ nyemenenyemene ne aso, na mmenia pee kɔtotɔ, nakoso ɛhemɔ de, bekonya bɛ ti bekodidi nu bekofi ye sa nu: Edom, Moabo ne Amonfoɛ atitirefoɛ nemɔ.

Daniel 11:44

Nakoso ngraa bɔ ɔkɔte kofi eyia afiteleɛ bue nu dɔ ɔne sorɔ dɔ ne, ɔkɔma ye kunu kɔtete ye, na okotu kɔtengyɛ kɔhɔ mmenia pee so anyeborolɛ so, kyɛ ɔkwaahũhũ bɛ onua bɛ boso.

Daniel 2:35

Afei buralɛ ne, ɛfaa ne, kɔɔbere ne, ɛdwetɛ ne ne sikaa kɔkorɛ ne, bɛ nu bubuli nyokonyoko komapɛ, na bɛyɛle kyɛ ahuhuro mmerɛ nu afafu bɔ ɔwɔ nekaa bɔ bɛboro aburoo ɔ; na mvrama bɔle bɛ hɔle bɔ bɛ boso minini ɔ. Nakoso nyɔboɛ bɔ ɔɔbɔle sonaluwaa ne de, ɔyɛle bokaa kandinga, na oyili aseɛ so tɛkyɛ.

Daniel 7:26

Nakoso badwafoɛ nemɔ bɛkɔtena ase kobua ndɛen, bekole ye tumi ne bekofi ye sa nu, ná bahu ye bama ye boso amini bɔkɔɔ waadwu ayieleɛ.

Daniel 8:25

Na ye kanda ne ati, ɔkɔma nnakannaka kotira ndii wɔ ye aberɛ so, ye ti anu kɔyɛ ye fɛ maa ɔkɔhoahoa ye nwo, okohũhũ mmeni pee bɔ ɔngɔbɔ bɛ kɔkɔ ɔ, okodwɔso kotia ahemvo mɔ nu Hene ne, nakoso bekobu ye nu gyein wɔ aberɛ bɔ nna sona yeɛ wafa ye sa wahã ye ɔ.

Daniel 9:16

O AWURADE, w’adaworoma, kyɛbɔ wɔ tenenee amukoraa te ne, gyina so ná yakyi ɛyaafɛlɛ ne w’ahone bɔ wahu wɔ wɔ kuro Yerusalem so, wɔ wɔ bokaa krongron ne aso ne. Na ɔnate yɛ bɔne ne yɛ nana mɔ b’amumuyɛɛ ti, Yerusalem ne wɔ maen bakakyi ngorohoɛ dwirɛ bama bɛ bɔ bapɛ yɛ nwo bayia ne amukoraa.

Daniel 9:20

Na me noa wɔ so bɔ medwudwo, bɔ mebɔ mbaeɛ, bɔ mekã me bɔne ne me maen Yisrael bɔne, bɔ mefa me sufrɛ meto AWURADE me Nyameɛ nyunu mema me Nyameɛ bokaa krongron ne nen,

Yoel 2:20

na mmom ɛlɔen bɔ ofi sorɔ dɔ ne, ngɔye ye ngofi ɛmɔ so ngɔhɔ dedeede, na ngɔfoa ye ngɔhɔ aseɛ pralaa katerepee bie aso, bɔ ye nye kyire eyia afiteleɛ ɛpo, ná ye si kyire eyia atɔleɛ ɛpo; ye nwo pambaen kotu kɔwa, na ye mvaa ne kɔbɔ kɔwa, ofikyɛ wayɔ bɔne mbiri mbiri.

Mika 4:2

na maen maen pee kɔwa bɛkɔɔhã kyɛ, “Ɛmɔbra maa yɛfo yɛhɔ AWURADE bokaa ne aso, yɛhɔ Yakob Nyameɛ n’awuro berɛ, amaa ɔnate so wahyirehyire yɛ ye atee, ná yanate ye atimbire so.” Ofikyɛ Sion yeɛ mmeraa ne kofi kɔwa ɔ, na AWURADE dwirɛ ne kofi Yerusalem yeɛ ɔkɔwa ɔ.

Sakaria 14:8

Sɔ kyẽa ne, ngoa nzue kɔtengyɛ kofi Yerusalem; ye bue kɔhɔ eyia afiteleɛ ɛpo ne anu, yeɛ ye bue kɔhɔ eyia atɔleɛ ɛpo ne anu; na ɔkɔtengyɛ ahuhuro ne prakasua mmerɛ.

Numeri 34:5

Ɛwɛen ne kɔtrɛ kofi Asimɔn koodwu Misraim bɔnza ne anu, na ye noa kɔɔpem ɛpo ne.

2 Tɛsalonika 2:4

Ye yeɛ odwɔso tia, na osa ma ye nwo so tra nikyee biala bɔ bɛfrɛ ye Nyameɛ ná bɛsɔne ye ɔ; na ɔkɔtena Nyameɛ asɔneyɛɛ sua nu kɔfrɛ ye nwo kyɛ ye ole Nyameɛ.

2 Tɛsalonika 2:8

Na ɛhe asi ye yeɛ bɛkɔma amumuyɛɛniɛ ne nwo kɔla ali ɔ. Na Awurade Yesu kɔfa ye noa nu nwomeɛ kohũ ye, ná afei wafa ye animnyam walɛ ne wasɛkye ye bɔkɔɔ.

Nyekyire 13:10

Sɛ ebie kye nnure a, ye koso bɛkɔhye ye nnure; sɛ ebie fa ngrandɛ ku a, ye koso ɔsɛ kyɛ bɛfa ngrandɛ beku ye. Na ɛwa yeɛ anwoteefoɛ b’animia ne gyidie wɔ ɔ.

Nyekyire 20:2

Na ɔhyele sasrabɔnzam ne, sɔ daa tete ewoo ne, bɔ ye ole Abɔnzam ne Satan ne, na ɔkyekyele ye afoɛ apee ko,

Nyekyire 20:9

Bɛfo bɛhɔle aseɛ so nekaa biala, na bɛpɛle anwoteefoɛ asikyeleɛ ne nwo beyiale, ɔne kuro bɔ Nyameɛ kuro ye dwirɛ ne. Na see [fili Nyameɛ berɛ] wɔ nyameɛso wale ase ɔɔyerale bɛ.